୧୦ ମେଗାୱାଟ୍ ମନ୍ଦିରା କ୍ଷୁଦ୍ର ଜଳ ବିଦ୍ୟୁତ୍ ପ୍ରକଳ୍ପ ପାଇଁ PPA ସ୍ବାକ୍ଷରିତ

ଗ୍ରୀନ ଏନର୍ଜି ଡେଭେଲପମେଣ୍ଟ କର୍ପୋରେସନ୍ ଅଫ୍ ଓଡ଼ିଶା ଲିମିଟେଡ୍‌ (GEDCOL) ଏବଂ ଷ୍ଟିଲ୍ ଅଥରିଟି ଅଫ୍ ଇଣ୍ଡିଆ ଲିମିଟେଡ୍ (SAIL) ର ଏକ ମିଳିତ ଉଦ୍ୟମ କମ୍ପାନୀ, GEDCOL ସେଲ୍ ପାୱାର କର୍ପୋରେସନ୍ ଲିମିଟେଡ୍ (GSPCL), ଓଡ଼ିଶାର ମନ୍ଦିରା ଡ୍ୟାମ୍ ଠାରେ ଏକ ୧୦ ମେଗାୱାଟ୍ ମନ୍ଦିରା କ୍ଷୁଦ୍ର ଜଳ ବିଦ୍ୟୁତ୍ ପ୍ରକଳ୍ପ ପ୍ରତିଷ୍ଠା କରୁଛି। ଏହି ପରିପ୍ରେକ୍ଷୀରେ, ଓଡ଼ିଶା ସରକାରଙ୍କ ଶକ୍ତି ବିଭାଗର ସମ୍ମିଳନୀ କକ୍ଷରେ ୨୪.୧୨,୨୦୨୫ ରେ GSPCL ଏବଂ ସେଲ୍ ମଧ୍ୟରେ ବିଦ୍ୟୁତ୍ କ୍ରୟ ଚୁକ୍ତିନାମା (PPA) ସ୍ବାକ୍ଷରିତ ହୋଇଛି।

ଏହି PPA ସ୍ବାକ୍ଷର ସମାରୋହ ଶ୍ରୀ ବିଶାଳ କୁମାର ଦେବ, IAS, ପ୍ରମୁଖ ସଚିବ, ଶକ୍ତି ବିଭାଗ, ଓଡ଼ିଶା ସରକାର, ସିଏମଡ଼ି, OHPC ଏବଂ ଅଧ୍ଯକ୍ଷ, GEDCOL ଙ୍କର ଗରିମାମୟ ଉପସ୍ଥିତିରେ ଅନୁଷ୍ଠିତ ହୋଇଥିଲା। ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କ ମଧ୍ୟରେ, ସ୍ବାଧୀନ ନିର୍ଦ୍ଦେଶକ ଶ୍ରୀ ବି. ସି. ଜେନା, ସ୍ବାଧୀନ ନିର୍ଦ୍ଦେଶକ ଶ୍ରୀ ଆର, ସି. ତ୍ରିପାଠୀ, ଅତିରିକ୍ତ ସଚିବ ଶ୍ରୀମତୀ ନିବେଦିତା ମିଶ୍ର, OAS (SS), ଶ୍ରୀମତୀ ଶ୍ୟାମଳୀ ମହାପାତ୍ର, OAS (SS), ଶ୍ରୀ ସାଇଦତ୍ତ ବିପ୍ଳବ କେଶରୀ ପ୍ରଧାନ, OAS ‌(SAG), ଶକ୍ତି ବିଭାଗର OFS ଡକ୍ଟର ଦେବୀ ଦତ୍ତ ତ୍ରିପାଠୀ, OHPC ନିର୍ଦ୍ଦେଶକ (ଅର୍ଥ) ଶ୍ରୀ ପି. କେ. ମହାନ୍ତି, OHPC ଏବଂ GEDCOL ର ନିର୍ଦ୍ଦେଶକ (ଅପରେସନ) ଶ୍ରୀ ଏ.କେ. ମହାନ୍ତି, GSPCL ର CFO ଶ୍ରୀ ଗଗନ ବିହାରୀ ମହାରଣା, GSPCL ର ବୈଷୟିକ ମୁଖ୍ୟ ଶ୍ରୀ ମଳୟ କାନ୍ତି ସ୍ବାଇଁ ଏବଂ ରାଉରକେଲା ଇସ୍ପାତ କାରଖାନାର ପ୍ରତିନିଧୂ ଶ୍ରୀ ଦୀପକ ରାୟ, CGM (ପାୱାର) ଏବଂ ଶ୍ରୀ ଆର.କେ. ମୁଦୁଲି, CGM (NPM, SPP ଏବଂ ଡିଜିଟାଲାଇଜେସନ୍), GSPCL ର ବୋର୍ଡର ନିର୍ଦ୍ଦେଶକ ପ୍ରମୁଖ ଉପସ୍ଥିତ ଥିଲେ।

ଚୁକ୍ତିନାମା ଅନୁଯାୟୀ, ମନ୍ଦିରା କ୍ଷୁଦ୍ର ଜଳ ବିଦ୍ୟୁତ୍ ପ୍ରକଳ୍ପରୁ ଉତ୍ପାଦିତ ସମସ୍ତ ବିଦ୍ୟୁତ୍ ରାଉରକେଲା ଇସ୍ପାତ କାରଖାନା ଦ୍ବାରା ବ୍ୟବହୃତ ହେବ ଏବଂ କୁଆଁରମୁଣ୍ଡା ଗ୍ରୀଡ୍ ସବଷ୍ଟେସନ ମାଧ୍ଯମରେ ବିଦ୍ୟୁତ୍ ନିଷ୍କାସନ କରାଯିବ।

ଏହି ଗୁରୁତ୍ବପୂର୍ଣ୍ଣ ଅବସରରେ, ଶ୍ରୀ ବିଶାଳ କୁମାର ଦେବ, IAS ଏହି ଗୁରୁତ୍ବପୂର୍ଣ୍ଣ ମାଇଲଖୁଣ୍ଟ ପାଇଁ GSPCL ଦଳକୁ ଅଭିନନ୍ଦନ ଜଣାଇଥିଲେ ଏବଂ ରାଜ୍ୟରେ ସ୍ବଚ୍ଛ ଏବଂ ନବୀକରଣୀୟ ଶକ୍ତି ଉତ୍ପାଦନକୁ ସୁଦୃଢ଼ କରିବାରେ ଏହାର ଗୁରୁତ୍ବ ଉପରେ ଗୁରୁତ୍ବାରୋପ କରି ନିର୍ଦ୍ଧାରିତ ସମୟସୀମା ମଧ୍ଯରେ ପ୍ରକଳ୍ପ ସମାପ୍ତ କରିବାକୁ ପରାମର୍ଶ ଦେଇଥିଲେ ।