ଜାତୀୟ କ୍ରୀଡା ପ୍ରଶାସନ ବୋର୍ଡ ଅଧୂନିୟମ ଏବଂ ଜାତୀୟ କ୍ରୀଡା ଟ୍ରିବ୍ୟୁନାଲ୍ ଅଧୂନିୟମ, ୨୦୨୬ ଲାଗି ଅଧୂସୂଚନା ଜାରି

ଜାତୀୟ କ୍ରୀଡା ବୋର୍ଡ ଜାତୀୟ କ୍ରୀଡା ସଂଗଠନଗୁଡ଼ିକର ମାନ୍ୟତା ଏବଂ ପରିଚାଳନା ମାନଦଣ୍ଡ ତଦାରଖ କରିବ

ଜାତୀୟ କ୍ରୀଡା ଟ୍ରିବୁନାଲ୍ କ୍ରୀଡ଼ା ବିବାଦର ତ୍ବରିତ, ନିରପେକ୍ଷ ଏବଂ କମ ବ୍ୟୟବହୁଳ ସମାଧାନ ସୁନିଶ୍ଚିତ କରିବ

କେନ୍ଦ୍ର ସରକାର ଜାତୀୟ କ୍ରୀଡା ପ୍ରଶାସନ ଆଇନ, ୨୦୨୫ରେ ଥିବା ବ୍ୟବସ୍ଥା ଅନୁଯାୟୀ ଜାତୀୟ କ୍ରୀଡା ପ୍ରଶାସନ (ଜାତୀୟ କ୍ରୀଡା ବୋର୍ଡ) ଅଧୂନିୟମ, ୨୦୨୬ ଏବଂ ଜାତୀୟ କ୍ରୀଡା ପ୍ରଶାସନ (ଜାତୀୟ କ୍ରୀଡା ଟ୍ରିବ୍ୟୁନାଲ୍) ଅଧୂନିୟମ, ୨୦୨୬ ସଂପର୍କିତ ଅଧୂସୂଚନା ପ୍ରକାଶ କରିଛନ୍ତି।

ଜାତୀୟ କ୍ରୀଡା ପ୍ରଶାସନ (ଜାତୀୟ କ୍ରୀଡା ବୋର୍ଡ) ଅଧୂନିୟମ, ୨୦୨୬ ବୋର୍ଡର ଗଠନ, ଅଧ୍ଯକ୍ଷ ଏବଂ ସଦସ୍ୟଙ୍କ କାର୍ଯ୍ୟକାଳ, ଦରମା, ଭତ୍ତା ଏବଂ ଅନ୍ୟାନ୍ୟ ସେବା ସର୍ଷାବଳୀ ସହିତ ବୋର୍ଡର କ୍ଷମତା ଏବଂ କାର୍ଯ୍ୟାବଳୀ ସଂପର୍କରେ ଉଲ୍ଲେଖ ରହିଛି। ଏହି ଅଧୂନିୟମ ଅନୁଯାୟୀ, ଜାତୀୟ କ୍ରୀଡା ବୋର୍ଡରେ ଜଣେ ଅଧ୍ଯକ୍ଷ ଏବଂ ଦୁଇ ଜଣ ସଦସ୍ୟ ରହିବେ, ଯେଉଁମାନେ ଜାତୀୟ କ୍ରୀଡା ବୋର୍ଡ (ସନ୍ଧାନ ତଥା ଚୟନ କମିଟି) ଅଧୂନିୟମ, ୨୦୨୬ ଅନୁଯାୟୀ ଗଠିତ ସନ୍ଧାନ ତଥା ଚୟନ କମିଟି ଦ୍ବାରା ସୁପାରିଶ କରାଯାଇଥିବା ନାମ ତାଲିକାରୁ କେନ୍ଦ୍ର ସରକାରଙ୍କ ଦ୍ବାରା ନିଯୁକ୍ତ ହେବେ। ଜାତୀୟ କ୍ରୀଡା ବୋର୍ଡ ଜାତୀୟ କ୍ରୀଡା ସଂଗଠନଗୁଡ଼ିକୁ ସ୍ବୀକୃତି ପ୍ରଦାନ କରିବା ସହ ପରିଚାଳନା, ଆର୍ଥିକ ଏବଂ ନୈତିକ ମାନଦଣ୍ଡର ଅନୁପାଳନ ସୁନିଶ୍ଚିତ କରିବା ପାଇଁ ଏକ କେନ୍ଦ୍ରୀୟ ପ୍ରାଧୂକରଣ ଭାବରେ କାର୍ଯ୍ୟ କରିବ।

ଜାତୀୟ କ୍ରୀଡା ପ୍ରଶାସନ (ଜାତୀୟ କ୍ରୀଡା ଟ୍ରିବ୍ୟୁନାଲ୍) ଅଧୂନିୟମ, ୨୦୨୬ରେ ଟ୍ରିବ୍ୟୁନାଲ ଅଧ୍ୟକ୍ଷ ଏବଂ ସଦସ୍ୟଙ୍କ କାର୍ଯ୍ୟକାଳ, ସେମାନଙ୍କ ନିଯୁକ୍ତି ଏବଂ ପୁନଃନିଯୁକ୍ତି ପାଇଁ ପ୍ରକ୍ରିୟା, ଦରମା ଏବଂ ଭତ୍ତା, ସେବା ସତ୍ତାବଳୀ ଏବଂ ଟ୍ରିବ୍ୟୁନାଲଙ୍କ କ୍ଷମତା ସଂପର୍କରେ ଉଲ୍ଲେଖ ରହିଛି। ନିୟମଗୁଡ଼ିକରେ ଡିଜିଟାଲ୍ କାର୍ଯ୍ୟାନ୍ବୟନ ପାଇଁ ପ୍ରଯୁକ୍ତି-ଆଇନଗତ ପଦକ୍ଷେପ ମଧ୍ଯ ଅନୁର୍ଭୁକ୍ତ, ଯେଉଁଥ୍ରେ କେନ୍ଦ୍ର ସରକାରଙ୍କ ଦ୍ବାରା ବିବାଦ, ନୋଟିସ୍, ଉତ୍ତର, ଡକ୍ୟୁମେଣ୍ତ ଏବଂ ସୃଷ୍ଟୀକରଣ ଦାଖଲ ପାଇଁ ଏକ ଉତ୍ସର୍ଗୀକୃତ ପୋର୍ଟାଲର ବିଜ୍ଞପ୍ତି, ଏବଂ ଟ୍ରିବ୍ୟୁନାଲ୍‌ରୁ ଯୋଗାଯୋଗ, ଆଦେଶ ପ୍ରକାଶନ, ଭଚୁଆଲ୍ ଶୁଣାଣି ଏବଂ ଆଇନଗତ କାର୍ଯ୍ୟାନୁଷ୍ଠାନ ଏବଂ ଆଦେଶ ସହିତ ସମ୍ପର୍କିତ ରେକର୍ଡ ରକ୍ଷଣାବେକ୍ଷଣ ଅନୁର୍ଭୁକ୍ତ।

ଦେଶରେ କ୍ରୀଡ଼ା ସମ୍ପର୍କିତ ବିବାଦ ପାଇଁ ଜାତୀୟ କ୍ରୀଡ଼ା ଟ୍ରିବ୍ୟୁନାଲ୍ ଏକ ଉତ୍ସର୍ଗୀକୃତ ବିଚାରକ ସଂସ୍ଥା ଭାବରେ କାର୍ଯ୍ୟ କରିବ। ଏହାର ଉଦ୍ଦେଶ୍ୟ ହେଉଛି ଦେୱାନୀ ଅଦାଲତ ଉପରେ ନିର୍ଭରଶୀଳତା ହ୍ରାସ କରିବା ଏବଂ କ୍ରୀଡ଼ାର ଶାସନ ଏବଂ ପ୍ରଶାସନ ସହିତ ଜଡିତ ବିବାଦର ସ୍ବାଧୀନ, ତ୍ବରିତ, ପ୍ରଭାବଶାଳୀ ଏବଂ କମ ବ୍ୟୟବହୁଳ ସମାଧାନ ସୁନିଶ୍ଚିତ କରିବା । ଟ୍ରିବ୍ୟୁନାଲ୍ ମଧ୍ୟ ମାମଲା ସଂଖ୍ୟା ହ୍ରାସ କରିବ ଏବଂ କ୍ରୀଡ଼ା ବିବାଦର ଦ୍ରୁତ, ସହଜ ଏବଂ ଅଧୂକ ସୁଲଭ ସମାଧାନ ପାଇଁ ସିଙ୍ଗଲ୍-ୱିଣ୍ଡୋ ବ୍ୟବସ୍ଥା ପ୍ରଦାନ କରିବ ବୋଲି ଆଶା କରାଯାଉଛି।

ଅଧୂସୂଚିତ ଜାତୀୟ କ୍ରୀଡ଼ା ଟ୍ରିବ୍ୟୁନାଲ୍ ଅଧୂନିୟମ ୨୦୨୬ର ବିବରଣୀ ଏଠାରେ ପଢ଼ାଯାଇପାରିବ:

https://egazette.gov.in/WriteReadData/2026/272847.pdf

ଅଧୂସୂଚିତ ଜାତୀୟ କ୍ରୀଡା ବୋର୍ଡ ଅଧୂନିୟମ ୨୦୨୬ର ବିବରଣୀ ଏଠାରେ ପଢ଼ାଯାଇପାରିବ:

https://egazette.gov.in/WriteReadData/2026/272844.pdf