UPI ଉପରେ ଶୁକ୍ଳ ଲାଗୁକୁ ଲାଗିଲା ରୋକ...
ୟୁପିଆଇ କାରବାର ଉପରେ ଏବେ ଲାଗିବନି ଶୁଳ୍କ |
ଆସନ୍ତା ୧୫ ତାରିଖରୁ ୟୁନିଫାଏଡ ପେମେଣ୍ଟ ଇଣ୍ଟରଫେସ (ୟୁପିଆଇ) ଉପରେ ଲାଗୁ ହେବାକୁ ଥିବା ୦.୦୪ ପ୍ରତିଶତ ଶୁଳ୍କ ନିୟମକୁ ବର୍ଷେ ପାଇଁ ଘୁଞ୍ଚାଇ ଦିଆଯାଇପାରେ।
ଆସନ୍ତା ବର୍ଷ ଜାନୁଆରୀ ୧ ରୁ ଏହି ନୂଆ ନିୟମ କାର୍ଯ୍ୟକାରୀ କରିବାକୁ ସରକାର ବିଚାର କରୁଥିବା ସୂଚନା ମିଳିଛି।
ଏପରି ହେଲେ ପାର୍ବଣ ଋତୁରେ ଦୋକାନୀ ଓ ପେମେଣ୍ଟ କମ୍ପାନୀଗୁଡ଼ିକୁ ଆଶ୍ବସ୍ତି ଦିଆଯାଇପାରେ।
ଅର୍ଥାତ୍ ୟୁପିଆଇ ଟ୍ରାଞ୍ଜାକ୍ସନ୍ ସମ୍ପୂର୍ଣ୍ଣ ମାଗଣା ରହିବ।
ରିପୋର୍ଟ ଅନୁଯାୟୀ, ପାର୍ବଣ ଋତୁରେ ଦୋକାନୀମାନଙ୍କ ଉପରେ ଅତିରିକ୍ତ ବୋଝ ନ ପକାଇବା ପାଇଁ ସରକାର ୦.୪% ମର୍ଚ୍ଚାଣ୍ଟ ଶୁଳ୍କ ଲାଗୁ କରିବାର ସମୟକୁ ବଢ଼ାଇବାକୁ ଚିନ୍ତା କରୁଛନ୍ତି।
ଆଗାମୀ କିଛି ଦିନ ମଧ୍ୟରେ ଏ ନେଇ ସରକାର ଆନୁଷ୍ଠାନିକ ଭାବେ ଘୋଷଣା କରିପାରନ୍ତି।
ସୂଚନାଯୋଗ୍ୟ ଯେ ମର୍ଚ୍ଚାଣ୍ଟ ଶୁଳ୍କ ଲାଗୁ ହେବାର ନିଷ୍ପତ୍ତି ନେବା ପରଠାରୁ ପେଟିଏମ ଓ ମୋବିକ୍ବିକ ଭଳି କମ୍ପାନୀ ଗୁଡ଼ିକର ସେୟାର ହ୍ରାସ ପାଇଛି।
