ଓଡ଼ିଶାର ଅସ୍ମିତା ନିର୍ମାଣରେ ପଣ୍ଡିତ ନୀଳକଂଠ ଦାସଙ୍କ ଅବଦାନ ଅବିସ୍ମରଣୀୟ
ଭୁବନେଶ୍ୱର, ୬/୯: ଅସ୍ମିତାବୋଧର ପ୍ରତୀକ ପଣ୍ଡିତ ନୀଳକଣ୍ଠ ଦାସଙ୍କ ସାରସ୍ଵତ କୃତି ଓ କୃତିତ୍ଵ ଉଭୟ ସାହିତ୍ୟ ଓ
ଅନ୍ୟାନ୍ୟ କ୍ଷେତ୍ରରେ ଚିରସ୍ମରଣୀୟ ହୋଇ ରହିଅଛି। ଶିକ୍ଷା, ସାହିତ୍ୟ, ରାଜନୀତି ଆଦି ବହୁ ଦିଗରେ ଯାହାଙ୍କର ଅବଦାନ ଭାଷା ସାହିତ୍ୟ ଠାରୁ ଆରମ୍ଭ କରି ସମାଜ ଶାସନ ପର୍ଯ୍ୟନ୍ତ ଦେଶର ସବୁରି କ୍ଷେତ୍ରରେ ଉନ୍ନତି କରିବାରେ ସେ ଥିଲେ ଅନ୍ୟତମ ଦିଗ୍ଦର୍ଶକ ବୋଲି ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ସ୍ଥାନୀୟ ଭୁବନେଶ୍ୱର ସ୍ଥିତ ସଂସ୍କୃତି ଭବନ ସମ୍ମିଳନୀ କକ୍ଷଠାରେ ୬ ସେପ୍ଟେମ୍ବର ୨୦୨୬ ରବିବାର ପୂର୍ବାହ୍ଣ ୧୧.୦୦ ଘଟିକାରେ ପଣ୍ଡିତ ନୀଳକଂଠ ଦାସଙ୍କ ସ୍ମାରକୀ ବକ୍ତୃତା କାର୍ଯ୍ୟକ୍ରମରେ ଆମନ୍ତ୍ରିତ ଅତିଥିମାନଙ୍କ ଦ୍ଵାରା ମତପ୍ରକାଶ ପାଇଥିଲା। ପଣ୍ଡିତ ନୀଳକଂଠ ଦାସଙ୍କ ପୁଣ୍ୟସୃତିରେ ସ୍ମାରକୀ ବକ୍ତୃତାର ବିଷୟବସ୍ତୁ ‘ଓଡ଼ିଶାର ଅସ୍ମିତା ନିର୍ମାଣରେ ପଣ୍ଡିତ ନୀଳକଂଠ ଦାସଙ୍କ ଅବଦାନ’କୁ ଆଧାର କରି ପଦ୍ମଶ୍ରୀ ସମ୍ମାନରେ ସମ୍ମାନିତ ବିଶିଷ୍ଟ ସାହିତ୍ୟିକ ଓ ଲୋକସଂସ୍କୃତି ଗବେଷକ ଡକ୍ଟର ମହେନ୍ଦ୍ର କୁମାର ମିଶ୍ର ସାରଗର୍ଭକ ସ୍ମାରକୀ ବକ୍ତୃତା ପ୍ରଦାନ କରିଥିଲେ । ପଣ୍ଡିତ ଗୋପବନ୍ଧୁ ଦାସ, ପଣ୍ଡିତ ଗୋଦାବରୀଶ ମିଶ୍ର ଓ ପଣ୍ଡିତ କୃପାସିନ୍ଧୁ ମିଶ୍ରଙ୍କ ସହିତ ସାହିତ୍ୟ ସୃଷ୍ଟି ମାଧ୍ୟମରେ ଇତିହାସର ଅନ୍ତରାଳରେ ଓଡ଼ିଆ ଜାତିକୁ ଶିକ୍ଷା, ସଂସ୍କୃତି ମୂଳକ, ସଂସ୍କାରମୂଳକ, ସମାଲୋଚନାଧର୍ମୀ, କଳାତ୍ମକ ଓ ଆଧ୍ୟାତ୍ମିକ ଭାବଧାରା ସମନ୍ବିତ ବହୁ ଉପାଦେୟ ପ୍ରବନ୍ଧ ଓଡ଼ିଆ ଓ ଇଂରାଜୀ ଭାଷାରେ ରଚନା କରି ସେ ନିଜର ବିଜ୍ଞତା ତଥା ପାରଦର୍ଶିତା କିପରି ପ୍ରତିପାଦନ କରିପାରିଥିଲେ ଏ ସଂପର୍କରେ ବିଶିଷ୍ଟ ଅତିଥି ଭାବେ ଡକ୍ଟର ପୂର୍ଣ୍ଣେନ୍ଦୁ କୁମାର ଦାସ ବକ୍ତବ୍ୟ ଉପସ୍ଥାପନ କରିଥିଲେ। ଅତିବଡ଼ୀ ଜଗନ୍ନାଥ ଦାସ ପୁରସ୍କାରପ୍ରାପ୍ତ ବିଶିଷ୍ଟ ଗାଳ୍ପିକ ତଥା ଔପନ୍ୟାସିକ ଶ୍ରୀଯୁକ୍ତ ଶାନ୍ତନୁ କୁମାର ଆଚାର୍ଯ୍ୟ ମୁଖ୍ୟଅତିଥି ଭାବେ ଯୋଗଦାନ କରି ପୂର୍ବରୁ ଆଲୋଚନା କରିଥିବା ଅତିଥିମାନଙ୍କ ବକ୍ତବ୍ୟରୁ ସମ୍ୟକ୍ ସୂଚନା ପ୍ରଦାନ କରିବା ସହ ପଣ୍ଡିତ ନୀଳକଂଠ ଏକାଧାରରେ ଜଣେ କବି, ସାହିତ୍ୟିକ, ରାଜନୀତିଜ୍ଞ, ଦେଶପ୍ରେମୀ, ସାମ୍ବାଦିକ, ସମାଜସଂସ୍କାରକ ଓ ଆଦର୍ଶଶିକ୍ଷକ ଭାବରେ ସେ କିପରି ପରିଚିତ ହୋଇପାରିଥିଲେ ଏବଂ ଉଭୟ ପଦ୍ୟ ଓ ଗଦ୍ୟ ରଚନାରେ ନୀଳକଂଠଙ୍କ ଚିନ୍ତାର ମୌଳିକତା ଓ ଭାଷା କିପରି ଆଜିର ପାଠକକୁ ମୁଗ୍ଧ କରିପାରିଥିଲା ଏ ସଂପର୍କରେ ଅଭିଭାଷଣ ପ୍ରଦାନ କରିଥିଲେ । ଓଡ଼ିଶା ସାହିତ୍ୟ ଏକାଡେମୀର ସଚିବ ଡକ୍ଟର ଚନ୍ଦ୍ରଶେଖର ହୋତା ସ୍ଵାଗତ ସମ୍ଭାଷଣ ପ୍ରଦାନ କରିବା ସହ ପଣ୍ଡିତ ନୀଳକଂଠଙ୍କ ବହୁମୁଖୀ ପ୍ରତିଭା ଉପରେ ବକ୍ତବ୍ୟ ଉପସ୍ଥାପନ କରିଥିଲେ । ଏହିପରି ଜଣେ ସାରସ୍ଵତ ସାଧକଙ୍କୁ ନିଜର ପାଣ୍ଡିତ୍ୟରେ ନୁହେଁ ବରଂ ଓଡି଼ଆତ୍ୟରେ ମଧ୍ୟ ତାଙ୍କର ଜୀବନବ୍ୟାପୀ ସାଧନା ଏ ଜାତିର ଚିରନମସ୍ୟ ହୋଇ ରହିବ ବୋଲି ଆଲୋଚନା କରିଥିଲେ। ଏକାଡେମୀର ସହ-ସଚିବ ଶ୍ରୀଯୁକ୍ତ ସଞ୍ଜୟ କୁମାର ଛୁଆଳସିଂହ ଧନ୍ୟବାଦ ପ୍ରଦାନ କରିଥିଲେ। ଶ୍ରୀଯୁକ୍ତ ଅଭିନନ୍ଦନ ଦାସ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଏଥିରେ ଜ୍ଞାନୀଗୁଣୀ, ସଜ୍ଜନମଣ୍ଡଳୀ, ସାହିତ୍ୟିକ/ ସାହିତ୍ୟିକା ଏବଂ ସାମ୍ବାଦିକ ବନ୍ଧୁ ଆଦି ଯୋଗଦାନ କରି ଏହି ସ୍ମାରକୀ ବକ୍ତୃତା କାର୍ଯ୍ୟକ୍ରମଟିକୁ ଅତ୍ୟନ୍ତ ପ୍ରଶଂସା କରିବା ସହ ଏଥିରେ ସଂପୂର୍ଣ ଭାବେ ସହଯୋଗ କରିଥିଲେ।
ଉପରୋକ୍ତ ସମ୍ବାଦର ଏକକିତା ନକଲ ବାର୍ଭା ସମ୍ପାଦକ– ସମାଜ / ଧରିତ୍ରୀ / ସମ୍ବାଦ / ପ୍ରଜାତନ୍ତ୍ର / ପ୍ରମେୟ / ପ୍ରଗତିବାଦୀ /ସମୟ / ସୂର୍ଯ୍ୟପ୍ରଭା / ପର୍ଯ୍ୟବେକ୍ଷକ / ଖବର / ସକାଳ | ନିତିଦିନ / ସର୍ବସାଧାରଣ / ସମ୍ବାଦକଳିକା / ଖୋଲାଦ୍ଵାର / ଆମରିକଥା /ଅନୁପମଭାରତ / ଦୈନିକ ଆଶା / ଓଡ଼ିଶା ଭାସ୍କର / ପ୍ରତିଦିନ / ଧ୍ୱନିପ୍ରତିଧ୍ୱନି / ଇଣ୍ଡିଆନ ଏକ୍ସପ୍ରେସ୍ / ଟାଇମ୍ଭ ଅଫ୍ ଇଣ୍ଡିଆ / ଦି ଷ୍ଟେଟସ୍ମ୍ୟାନ / ହିନ୍ଦୁସ୍ତାନ ଟାଇମ୍ବଙ୍କୁ ସେମାନଙ୍କର ସମ୍ମାନସ୍ପଦ ଦୈନିକ ସମ୍ବାଦ ପତ୍ରରେ ସମ୍ବାଦ ଆକାରରେ ପ୍ରକାଶ କରିବା ସହ ଦୂରଦର୍ଶନ ଭୁବନେଶ୍ଵର / ଓ.ଟିଭି / କନକ ଟିଭି / ନ୍ୟୁଜ୍ ୭ / ଅର୍ଗସ୍ ନ୍ୟୁଜ୍ / ନ୍ୟୁଜ୍ ୧୮ / ନନ୍ଦିଘୋଷ ଟିଭି / କଳିଙ୍ଗ ଟିଭିଙ୍କୁ ଏହି କାର୍ଯ୍ୟକ୍ରମଟିର ସଫଳତା ଦିଗରେ ଏହାର ସମ୍ବାଦକୁ ଆପଣଙ୍କର ଚ୍ୟାନେଲ୍ରେ ପ୍ରସାରଣ କରିବାକୁ ଅନୁରୋଧ ପୂର୍ବକ ପ୍ରଦାନ କରାଗଲା।
