କାନାଡା ପ୍ରଧାନମନ୍ତ୍ରୀଙ୍କ ଭାରତ ଗସ୍ତ..
କାନାଡା ପ୍ରଧାନମନ୍ତ୍ରୀଙ୍କ ଭାରତ ଗସ୍ତ
୨୬ ଫେବୃଆରୀ ୨୦୨୬: ପିଆଇବି ଦିଲ୍ଲୀ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିମନ୍ତ୍ରଣ କ୍ରମେ କାନାଡାର ପ୍ରଧାନମନ୍ତ୍ରୀ ମାର୍କ କାର୍ନି ୨୭ ଫେବୃଆରୀରୁ ୨ ମାର୍ଚ୍ଚ ୨୦୨୬ ପର୍ଯ୍ୟନ୍ତ ଭାରତକୁ ଏକ ସରକାରୀ ଗସ୍ତରେ ଆସିବେ । ଏହା ପ୍ରଧାନମନ୍ତ୍ରୀ କାର୍ନିଙ୍କର ପ୍ରଥମ ସରକାରୀ ଭାରତ ଗସ୍ତ ହେବ ।
୨୭ ଫେବୃଆରୀରେ ପ୍ରଧାନମନ୍ତ୍ରୀ କାର୍ନି ମୁମ୍ବାଇରେ ପହଞ୍ଚିବେ । ଆଗାମୀ ଦୁଇ ଦିନ ମଧ୍ୟରେ, ସେ ବିଭିନ୍ନ ବ୍ୟବସାୟିକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ ତଥା ଭାରତୀୟ ଏବଂ କାନାଡାର ସିଇଓ, ଉଦ୍ୟୋଗ ଏବଂ ଆର୍ଥିକ ବିଶେଷଜ୍ଞ, ନବସୃଜନକାରୀ, ଶିକ୍ଷାବିତ୍ଙ୍କ ସହ ଭାରତରେ ଅବସ୍ଥିତ କାନାଡିଆନ୍ ପେନ୍ସନ୍ ପାଣ୍ଠି ସହିତ ଆଲୋଚନା କରିବେ ।
ପ୍ରଧାନମନ୍ତ୍ରୀ କାର୍ନି୧ ମାର୍ଚ୍ଚରେ ନୂଆଦିଲ୍ଲୀରେ ପହଞ୍ଚିବେ । ୨ ମାର୍ଚ୍ଚରେ ଦୁଇ ପ୍ରଧାନମନ୍ତ୍ରୀଙ୍କ ମଧ୍ୟରେ ହାଇଦ୍ରାବାଦ ହାଉସରେ ପ୍ରତିନିଧୂମଣ୍ଡଳ ସୃରୀୟ ଆଲୋଚନା ହେବ । ଉଭୟ ନେତା କାନାନାସ୍ପିସ୍ (ଜୁନ୍ ୨୦୨୫) ଏବଂ ଜୋହାନ୍ସବର୍ଗ (ନଭେମ୍ବର ୨୦୨୫) ରେ ସେମାନଙ୍କର ପୂର୍ବ ବୈଠକ ଉପରେ ଆଧାରିତ ଭାରତ-କାନାଡା ରଣନୈତିକ ସହଭାଗୀତାର ବିଭିନ୍ନ କ୍ଷେତ୍ରରେ ଏପର୍ଯ୍ୟନ୍ତ ହାସଲ ହୋଇଥିବା ପ୍ରଗତିର ସମୀକ୍ଷା କରିବେ । ସେମାନେ ବାଣିଜ୍ୟ ଏବଂ ନିବେଶ, ଶକ୍ତି, ଗୁରୁତ୍ବପୂର୍ଣ ଖଣିଜ ପଦାର୍ଥ, କୃଷି, ଶିକ୍ଷା, ଗବେଷଣା, ନବାଚାର ତଥା ଲୋକସମ୍ପର୍କ ଭଳି ପ୍ରମୁଖ କ୍ଷେତ୍ରକୁ ମଜବୁତ କରିବା ଉପରେ ମଧ୍ୟ ଆଲୋଚନା କରିବେ । ଦୁଇ ନେତା ଆଞ୍ଚଳିକ ଏବଂ ବିଶ୍ବସ୍ତରୀୟ ବିକାଶ ଉପରେ ମଧ୍ଯ ମତ ବିନିମୟ କରିବେ । ପ୍ରଧାନମନ୍ତ୍ରୀ ମୋଦୀ ଏବଂ ପ୍ରଧାନମନ୍ତ୍ରୀ କାର୍ନି ଅପରାହ୍ନରେ ହେବାକୁ ଥିବା ଭାରତ-କାନାଡା ସିଇଓ ଫୋରମରେ ମଧ୍ଯ ଯୋଗଦେବେ ।
ଭାରତ-କାନାଡା ଦ୍ବିପାକ୍ଷିକ ସମ୍ପର୍କକୁ ସ୍ବାଭାବିକ କରିବାର ଏକ ଗୁରୁତ୍ବପୂର୍ଣ ସମୟରେ ଏହି ଗସ୍ତ ହେଉଛି । ଦୁଇ ପ୍ରଧାନମନ୍ତ୍ରୀ ପୂର୍ବରୁ ଏକ ଗଠନମୂଳକ ଏବଂ ସନ୍ତୁଳିତ ସହଭାଗୀତାକୁ ଅନୁସରଣ କରିବାକୁ ସହମତ ସହମତ ହୋଇଛନ୍ତି, ଯାହା ପାରସ୍ପରିକ ଚିନ୍ତା ସମ୍ବେଦନଶୀଳତା ପ୍ରତି ପାରସ୍ପରିକ ସମ୍ମାନ, ଦୃଢ଼ ଲୋକସମ୍ପର୍କ ଏବଂ ବର୍ଷିତ ଆର୍ଥି ବର୍ଷିତ ଆର୍ଥକ ପରିପୂରକତା ଉପରେ ଆଧାରିତ ହେବ । ନେତାମାନଙ୍କ ମଧ୍ୟରେ ଆଗାମୀ ବୈଠକ ଭାରତ ଏବଂ କାନାଡା ମଧ୍ୟରେ ଏକ ଦୂରଦୃଷ୍ଟିସମ୍ପନ୍ନ ସହଭାଗୀତା ସ୍ଥାପନରେ ସକାରାତ୍ମାକ ଗତି ଏବଂ ସମାନ ଦୃଷ୍ଟିକୋଣକୁ ପୁନଃନିର୍ଦ୍ଦିଷ୍ଟ କରିବାର ସୁଯୋଗ ପ୍ରଦାନ କରିବ ।
