ପରିଚାଳନା ପରିଷଦ ବୈଠକ ଅନୁଷ୍ଠିତ
ଭୁବନେଶ୍ବର ତା-୧୧.୦୨.୨୦୨୬
ମୁଖ୍ୟ ଶାସନ ସଚିବ ଶ୍ରୀମତୀ ଅନୁ ଗର୍ଗଙ୍କ ଅଧ୍ଯକ୍ଷତାରେ ଆଜି ଓଡ଼ିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ(ଓଡମା)ର ୩୮ତମ ପରିଚାଳନା ପରିଷଦ ବୈଠକ ଖାରବେଳ ଭବନସ୍ଥିତ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ବୈଠକରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ମୁଖ୍ୟ ଶାସନ ସଚିବ ଡଃ. ଅରବିନ୍ଦ କୁମାର ପାଢ଼ୀ, ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀମତୀ ଚିତ୍ରା ଆରୁମୁଗମ, ଅଗ୍ନିଶମ ବିଭାଗ ପୁଲିସ ମହା ନିର୍ଦ୍ଦେଶକ ଡଃ. ସୁଧାଂଶୁ ଷଡ଼ଙ୍ଗୀ, ସ୍ବତନ୍ତ୍ର ରିଲିଫ କମିଶନର ଶ୍ରୀ ରାଜେଶ ପ୍ରଭାକର ପାଟିଲ, ଅନ୍ୟ ବିଭିନ୍ନ ବିଭାଗର ପ୍ରମୁଖ ପ୍ରମୁଖ ଶାସନ ସଚିବ, କମିଶନର ତଥା ଶାସନ ସଚିବ, ଓସଡମାର ପରିଚାଳନା ନିର୍ଦ୍ଦେଶକ ଡଃ କମଳ ଲୋଚନ ମିଶ୍ରଙ୍କ ସମେତ ଅନ୍ୟ ବରିଷ୍ଠ ପଦାଧିକାରୀ, ପୂର୍ବତନ ପ୍ରଶାସନିକ ଅଧିକାରୀ ଶ୍ରୀ ଅରବିନ୍ଦ ବେହେରା, ସିଓ୍ବାଇଏସ୍ଡିର ପରାମର୍ଶଦାତା ଶ୍ରୀ ଜଗଦାନନ୍ଦ ଏବଂ ପରିଚାଳନା କମିଟିର ଅନ୍ୟ ସଦସ୍ୟ ସଦସ୍ୟା ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ।
ବନ୍ୟା, ବାତ୍ୟା ଭଳି ପ୍ରାକୃତିକ ଦୁର୍ବିପାକର ମୁକାବିଲା ପାଇଁ ନିୟମିତ ପ୍ରସ୍ତୁତି ସହିତ ପାଣିରେ ବୁଡ଼ି, ସାପ କାମୁଡ଼ା ଏବଂ ବଜ୍ରପାତ ଭଳି ବିପର୍ଯ୍ୟୟରେ ବହୁ ସଂଖ୍ୟାରେ ମୃତ୍ୟୁ ଘଟୁଥିବାରୁ ଏଥିପାଇଁ ବ୍ୟାପକ ସଚେତନତା ସୃଷ୍ଟି ଓ କାର୍ଯ୍ୟାନୁଷ୍ଠାନ ପାଇଁ ମୁଖ୍ୟ ଶାସନ ସଚିବ ଗୁରୁତ୍ୱାରୋପ କରିଛନ୍ତି ।
ବୈଠକରେ ପୂର୍ବରୁ ଅନୁଷ୍ଠିତ ପରିଷଦ ବୈଠକ ନିଷ୍ପତ୍ତର କାର୍ଯ୍ୟାନୁଷ୍ଠାନ ସଂପର୍କରେ ଆଲୋଚନା କରାଯାଇଥିଲା । ନିଷ୍ପତ୍ତ ଅନୁସାରେ ରାଜ୍ୟର ବିପର୍ଯ୍ୟୟ ପରିଚାଳନା ଆଇନ-୨୦୨୫ ଓ ସଂଶୋଧୂତ ପଞ୍ଚାୟତିରାଜ ଆଇନ ଅନୁଯାୟୀ ରାଜ୍ୟରେ ଗୋଷ୍ଠୀ ନେତୃତ୍ବାଧୂନ ଓ ସ୍ୱେଚ୍ଛାସେବୀ ସହଯୋଗରେ ବିପର୍ଯ୍ୟୟ ପରିଚାଳନାକୁ ଦୃଷ୍ଟିରେ ରଖ୍ ୩୦ଟି ଜିଲ୍ଲାରେ ୧୦,୦୦୦ ଗ୍ରାମରେ ଗୋଷ୍ଠୀଭିତ୍ତୀକ ବିପର୍ଯ୍ୟୟ ପରିଚାଳନା
L।
ଯୋଜନା କାର୍ଯ୍ୟକାରୀ କରାଯାଉଛି । ସେହିପରି ୩୧୪ ବ୍ଲକରେ ୨,୨୯୫ ଟି ଗ୍ରାମ ପଞ୍ଚାୟତସ୍ତରରେ ୨ୟ ପର୍ଯ୍ୟାୟରେ ଏହି ଯୋଜନା କାର୍ଯ୍ୟକାରୀ ହେବା ପାଇଁ କାର୍ଯ୍ୟ ହାତକୁ ନିଆଯାଇଛି । ଗୋଠପାଟଣା ରାଜସ୍ବ ଅଧିକାରୀ ପ୍ରଶିକ୍ଷଣ ପ୍ରତିଷ୍ଠାନ (ଆରଓଟିଆଇ) ଠାରେ ରାଜ୍ୟ ବିପର୍ଯ୍ୟୟ ପରିଚାଳନା ପ୍ରତିଷ୍ଠାନ (ଏସ୍ଆଇଡିଏମ୍ ) ନିର୍ମାଣାଧୂନ ଅଛି ଓ ଆଗାମୀ ଡିସେମ୍ବର ମାସ ସୁଦ୍ଧା ଏହାର ନିର୍ମାଣ ସରିବ ବୋଲି ଓସଡମା ପକ୍ଷରୁ ସୂଚନା ଦିଆଯାଇଥିଲା । ଓସଡମା ପକ୍ଷରୁ ନିଆଯାଇଥିବା ଅନ୍ୟ ବିଭିନ୍ନ ପଦକ୍ଷେପ ସମ୍ପର୍କରେ ରାଜ୍ୟ ପରିଷଦ ନିକଟରେ ବିସ୍ତୃତ ଉପସ୍ଥାପନ କରାଯାଇଥିଲା ।
ଓସଡମା ପକ୍ଷରୁ ଓଡ଼ିଶା ବିପର୍ଯ୍ୟୟ ସମ୍ବଳ ନେୱାର୍କ(ଓଡିଆରଏନ୍) ବିକଶିତ କରାଯାଇଛି, ଯାହାକି ଏକ ୱେବ୍-ଜିଆଇଭିର୍ଷିକ ପୋର୍ଟାଲ, ଯେଉଁଥିରେ ସମସ୍ତ ଜିଲ୍ଲାରେ ବିପର୍ଯ୍ୟୟ ପରିଚାଳନା ଓ ମୁକାବିଲା ପାଇଁ କେତେ ମାନବ ସମ୍ବଳ ରହିଛି, କେତେ ଯନ୍ତ୍ରପାତି ରହିଛି, ଭିତ୍ତିଭୂମି ଓ ଅନ୍ୟାନ୍ୟ ସୁବିଧା କ'ଣ ରହିଛି, ସେ ସଂପର୍କରେ ଜିଲ୍ଲାମାନଙ୍କ ତରଫରୁ ଅଦ୍ୟତନ କରାଯାଉଛି । "ସମର୍ଥ" ପୋର୍ଟାଲ ମାଧ୍ୟମରେ ପ୍ରଶିକ୍ଷିତ ମାନବ ସମ୍ବଳ ଓ ପ୍ରଶିକ୍ଷଣ ସମ୍ବନ୍ଧୀୟ ସମସ୍ତ ସୂଚନା ରହିଛି । ଏ ପର୍ଯ୍ୟନ୍ତ ୧୬୩୪ ଟି ପ୍ରଶିକ୍ଷଣ କାର୍ଯ୍ୟକ୍ରମ ସମ୍ପନ୍ନ ହୋଇଛି ଏବଂ ଏହା ମାଧ୍ୟମରେ ୩୪,୩୧୨ ଜଣ ପ୍ରଶିକ୍ଷିତ ମାନବ ସଂବଳ ସୃଷ୍ଟି ହୋଇଛନ୍ତି ।
ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ସମ୍ବନ୍ଧିତ କାର୍ଯ୍ୟକ୍ରମ 'ଯୁବ ଆପଦା ମିତ୍ର ସ୍କିମ୍’ ଅଧୀନରେ ୧୩,୭୯୩ ଯୁବ ସ୍ୱେଚ୍ଛାସେବୀଙ୍କୁ ପ୍ରଶିକ୍ଷଣ ଦିଆଯିବ । ଏହାକୁ ରାଜ୍ୟରେ ‘ ଯୁବ ବିପଦ ବନ୍ଧୁ' ପ୍ରଶିକ୍ଷଣ ଭାବେ କାର୍ଯ୍ୟକାରୀ କରିବାକୁ ପରିଷଦର ସଭ୍ୟମାନେ ମତ ରଖିଥିଲେ । ଏ ସଂପର୍କରେ ପ୍ରଶିକ୍ଷକମାନଙ୍କୁ ତାଲିମ୍ ଦିଆସରିଛି ଓ ରାଜ୍ୟବ୍ୟାପୀ ପ୍ରଶିକ୍ଷଣ ଚଳିତ ଫେବୃୟାରୀ ମାସରୁ ଆରମ୍ଭ ହେବ ବୋଲି ବୈଠକରେ ସୂଚନା ଦିଆଯାଇଥିଲା । ୟୁନିସେଫ ସହାୟତାରେ ପ୍ରତି ଶନିବାର ବିଦ୍ୟାଳୟମାନଙ୍କରେ ଛାତ୍ରଛାତ୍ରୀମାନଙ୍କୁ ବିପର୍ଯ୍ୟୟ ମୁକାବିଲା ସଂପର୍କିତ ସଚେତନ କରାଯାଉଛି । ଏହାକୁ ଠିକ୍ ଭାବେ କାର୍ଯ୍ୟକାରୀ କରାଇବାକୁ ମୁଖ୍ୟ ଶାସନ ସଚିବ ଗୁରୁତ୍ୱାରୋପ କରିଥିଲେ ।
ରାସାୟନିକ ବିପର୍ଯ୍ୟୟ ଦୁର୍ଘଟଣା ମୁକାବିଲା ପାଇଁ ରାଜ୍ୟର ପ୍ରସ୍ତୁତି ସଂପର୍କରେ ଅଗ୍ନିଶମ ସେବା ବିଭାଗ ମହା ନିର୍ଦ୍ଦେଶକ ଡଃ, ଷଡଙ୍ଗୀ ସୂଚନା ଦେଇଥିଲେ । ରାଜ୍ୟରେ ବିପର୍ଯ୍ୟୟ ପ୍ରବଣ ସମ୍ବେଦନଶୀଳ ଅଂଚଳରେ ୫୦୦ ଟି ନୂଆ ବହୁମୂଖୀ ବାତ୍ୟା ଆଶ୍ରୟ ସ୍ଥଳ ନିର୍ମାଣ କରାଯିବାକୁ ଥିବା ବେଳେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୫୨ ଟି ଆଶ୍ରୟସ୍ଥଳ ନିର୍ମାଣ ପାଇଁ ପଦକ୍ଷେପ ନିଆଯାଇଛି, ଆଉ ୨୫ଟି ନିର୍ମାଣ ପାଇଁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯାଇଛି ଏବଂ ଏହି ପଦକ୍ଷେପ ଜାରି ରହିଛି । ବିଶ୍ବ ବ୍ୟାଙ୍କ ପାଣ୍ଠି ସହାୟତାର ଓଡ଼ିଶା ଷ୍ଟେଟ୍ କାପାବିଲିଟି ଆଣ୍ଡ ରେଜିଲିଏଣ୍ଟ୍ ଗ୍ରୋଥ ପ୍ରକଳ୍ପରେ ‘ସତର୍କ ୨.୦' କାର୍ଯ୍ୟକାରୀ କରାଯାଇ ବହୁମୁଖୀ ବିପର୍ଯ୍ୟୟ ଆକଳନ ସହ ଆଧୁନିକ ଜ୍ଞାନ କୌଶଳ ଓ ପାଣିପାଗ, ତଥ୍ୟ ସୂଚନା ଉପରେ କାର୍ଯ୍ୟ ଜାରି ରହିଛି ।
ସୁନାମୀ ପ୍ରସ୍ତୁତି, ସମୁଦ୍ର ତଟ କ୍ଷୟର ସୁରକ୍ଷା, ହେନାଳବନ ସୃଷ୍ଟି ଆଦି ସଂପର୍କରେ ଆଲୋଚନା କରାଯାଇଥିଲା । ମରାମତି ଆବଶ୍ୟକ ଥିବା ବନ୍ୟା-ବାତ୍ୟା ଆଶ୍ରୟ ସ୍ଥଳୀର ମରାମତି ପାଇଁ ନିର୍ଦ୍ଦେଶ ଦିଆଯାଇଛି । ଓଡମା, ଗ୍ରାମ ଉନ୍ନୟନ ବିଭାଗ, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଆଦି ସହଯୋଗରେ ଆବଶ୍ୟକ ପଦକ୍ଷେପ ନେଇ ବୈଠକରେ ଆଲୋଚନା କରାଯାଇଥିଲା । ବାତ୍ୟା ଆଶ୍ରୟ ସୁଳୀଗୁଡିକ ନିର୍ମାଣ ଦୃଷ୍ଟିରୁ ଯେପରି ସୁରକ୍ଷିତ ରୁହେ, ତାହାକୁ ସୁନିଶ୍ଚିତ କରିବାକୁ ଓ ମୁଖ୍ୟ ଶାସନ ସଚିବ ଗୁରୁତ୍ବ
ଦେଇଛନ୍ତି
