ଅକ୍ଟୋବର ୨ ରୁ ୩୧, ୨୦୨୫ ପର୍ଯ୍ୟନ୍ତ ସ୍ବତନ୍ତ୍ର ଅଭିଯାନ ୫.୦ ଆରମ୍ଭକରିବ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ
ଅକ୍ଟୋବର ୨ ରୁ ୩୧, ୨୦୨୫ ପର୍ଯ୍ୟନ୍ତ ସ୍ବତନ୍ତ୍ର ଅଭିଯାନ ୫.୦ ଆରମ୍ଭକରିବ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ
ମୁଖ୍ୟ ସଚିବାଳୟ ଏବଂ ଦେଶବ୍ୟାପୀ ଥୂବା ମିଡିଆ ୟୁନିଟଗୁଡ଼ିକରେ ସ୍ବଚ୍ଛତା ରକ୍ଷା, କର୍ମସ୍ଥଳୀର ଦକ୍ଷତା ବୃଦ୍ଧି ଓ ବକେୟା କାର୍ଯ୍ୟ ହ୍ରାସ କରିବା ଏହାର ଲକ୍ଷ୍ୟ
ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ମୁଖ୍ୟ ସଚିବାଳୟ ସମେତ ଦେଶବ୍ୟାପୀ ଏହାର କାର୍ଯ୍ୟାଳୟଗୁଡ଼ିକରେ ୨ ରୁ ୩୧ ଅକ୍ଟୋବର ପର୍ଯ୍ୟନ୍ତ ସ୍ବତନ୍ତ୍ର ଅପରେସନ୍ ୫.୦ କାର୍ଯ୍ୟକାରୀ କରିବାକୁ ନିଷ୍ପତ୍ତ ନେଇଛି, ଯାହା ଦ୍ବାରା ଅଫିସର ସ୍ବଚ୍ଛତା, କର୍ମସୁଳୀ ପରିବେଶରେ ଉନ୍ନତି ହେବା ସହ ଏବଂ ପଡ଼ି ରହିଥିବା କାର୍ଯ୍ୟ ଶୀଘ୍ର ସମାପ୍ତ ହୋଇପାରିବ।
ସ୍ବତନ୍ତ୍ର ଅପରେସନ୍ ୫.୦ ପାଇଁ ପ୍ରସ୍ତୁତି ପାଇଁ, ମୁଖ୍ୟ ସଚିବାଳୟ ସମେତ ସମସ୍ତ କାର୍ଯ୍ୟାଳୟକୁ ଏହି ଅପରେସନ୍ ସଫଳ କରିବା ପାଇଁ ଉପଯୁକ୍ତ ଯୋଜନା ଗ୍ରହଣ କରିବାକୁ ପରାମର୍ଶ ଦିଆଯାଇଛି। ବିଭିନ୍ନ ପଡ଼ି ରହିଥିବା କାର୍ଯ୍ୟ ଚିହ୍ନଟ କରିବା ବ୍ୟତୀତ, କାର୍ଯ୍ୟାଳୟଗୁଡ଼ିକୁ ସଫା ଏବଂ ସଫା ରଖିବା ପାଇଁ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବାକୁ କୁହାଯାଇଛି। ଅବ୍ୟବହୃତ ଜିନିଷ ଓ ଇ-ବର୍ଜ୍ୟବସ୍ତୁର ଅପସାରଣ ଏବଂ କାର୍ଯ୍ୟାଳୟଗୁଡ଼ିକର ସୌନ୍ଦର୍ଯ୍ୟକରଣ ଉପରେ ବିଶେଷ ଗୁରୁତ୍ବ ଦିଆଯାଇଛି। ସମସ୍ତ ଗଣମାଧ୍ୟମ ୟୁନିଟ୍ ପାଇଁ ନୋଡାଲ୍ ଅଧୂକାରୀମାନଙ୍କୁ ମନୋନୀତ କରାଯାଇଛି ଯେଉଁଥ୍ରେ ମନ୍ତ୍ରଣାଳୟର ନୋଡାଲ୍ ଅଧୂକାରୀ ମଧ୍ୟ ସାମିଲ ଅଛନ୍ତି।
ମନ୍ତ୍ରଣାଳୟର ସଚିବ ଶ୍ରୀ ସଞ୍ଜୟ ଜାଜୁ ସେପ୍ଟେମ୍ବର ୧୨ ତାରିଖରେ ଏହି ଅପରେସନ୍ ପାଇଁ ପ୍ରସ୍ତୁତି ସମ୍ପର୍କରେ ଏକ ସମୀକ୍ଷା ବୈଠକ କରିଥିଲେ। ସେ ଅଧୂକାରୀମାନଙ୍କୁ ଚଳିତ ବର୍ଷ ଲକ୍ଷ୍ୟ ହାସଲ କରିବା ପାଇଁ ଆବଶ୍ୟକୀୟ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଥିଲେ।
ପୂର୍ବ ସ୍ବତନ୍ତ୍ର ଅଭିଯାନଗୁଡ଼ିକରେ ମନ୍ତ୍ରଣାଳୟ ଅସାଧାରଣ ଭାବରେ ଭଲ ପ୍ରଦର୍ଶନ କରିଛି ଏବଂ ସ୍ବଚ୍ଛତାକୁ ସଂସ୍ଥାଗତ କରିବା ଏବଂ ପଡ଼ି ରହିଥିବା ମାମଲାଗୁଡ଼ିକର ସମୟାନୁସାରେ ସମାଧାନ ସୁନିଶ୍ଚିତ କରିବା ପାଇଁ ଏହାର ନିରନ୍ଧର ପ୍ରତିବଦ୍ଧତା ପ୍ରଦର୍ଶନ କରିଛି। ପୂର୍ବ ଅଭିଯାନଗୁଡ଼ିକରେ କରାଯାଇଥିବା ପ୍ରୟାସଗୁଡ଼ିକ କେବଳ କାର୍ଯ୍ୟାଳୟ ପରିଷ୍କାର ପରିଚ୍ଛନ୍ନତାକୁ ଉନ୍ନତ କରିଛି ତାହା ନୁହେଁ ବରଂ ରାଜସ୍ବ ଉତ୍ପାଦନ, ସ୍ଥାନ ପରିଚାଳନା ଏବଂ ଭୌତିକ ଫାଇଲଗୁଡ଼ିକର ନିଷ୍କାସନରେ ମଧ୍ୟ ଉଲ୍ଲେଖନୀୟ ଫଳାଫଳ ଆଣିଛି।
୨୦୨୧ ମସିହାରେ ସ୍ବତନ୍ତ୍ର ଅଭିଯାନ ଆରମ୍ଭ ହେବା ପରଠାରୁ ମୋଟ ୩୩.୩୯ କୋଟି ଟଙ୍କା ରାଜସ୍ବ ସୃଷ୍ଟି ହୋଇଛି। ୨୦୨୨ ରୁ ୨୦୨୪ ମଧ୍ୟରେ, ପ୍ରାୟ ୧୦.୨୬ ଲକ୍ଷ କିଲୋଗ୍ରାମ ଅଳିଆ ନିଷ୍କାସନ କରାଯାଇଥିଲା, ୧୨.୯ ଲକ୍ଷ ବର୍ଗଫୁଟ ସ୍ଥାନ ସଫା କରାଯାଇଥିଲା ଏବଂ ୧.୬୯ ଲକ୍ଷ ଭୌତିକ ଫାଇଲ୍ ଅପସାରିତ କରାଯାଇଥିଲା। ସ୍ବତନ୍ତ୍ର ଅଭିଯାନ ୨.୦ ରୁ ଅଗଷ୍ଟ ୨୦୨୫ ପର୍ଯ୍ୟନ୍ତ, ମୋଟ ୪୯୪୮ ବାହ୍ୟ ଅଭିଯାନ କରାଯାଇଥିଲା ଏବଂ ୧୨,୬୦୫ଟି ସ୍ଥାନ ସଫା କରାଯାଇଥିଲା ।
