ଏଆଇ ପାଠ୍ୟକ୍ରମର ପୁନର୍ଗଠନ ଉପରେ ଶିଳ୍ପଜଗତ ସହ ଉଚ୍ଚସ୍ତରୀୟ ବୈଠକ କଲେ କେନ୍ଦ୍ରମନ୍ତ୍ରୀ ଶ୍ରୀ ଅଶ୍ଵିନୀ ବୈଷ୍ଣବ
ବାସ୍ତବିକ ଅଭିଜ୍ଞତା, ଶିଳ୍ପ ସମନ୍ୱିତ ପ୍ରଶିକ୍ଷଣ, ଶିକ୍ଷକ ବିକାଶ ଓ ମିଳିତ ଭିଭିଭୂମି ଉପରେ ଗୁରୁତ୍ଵ
ନୂଆ ବୈଷୟିକ ଟ୍ରେଣ୍ଡ୍ ସହ ଛାତ୍ରଛାତ୍ରୀମାନଙ୍କୁ ପ୍ରଶିକ୍ଷିତ କରିବା ନିମନ୍ତେ ଏଆଇ ପାଠ୍ୟକ୍ରମର ଏକ ବ୍ୟାପକ ପୁନର୍ଗଠନ ଲାଗି ଭାରତ ସରକାର ଶିଳ୍ପଜଗତ ସହ ସହଭାଗିତା କରୁଛନ୍ତି। ଏ ବାବଦରେ କେନ୍ଦ୍ର ଆଇଟି ଓ ଇଲେକ୍ଟ୍ରୋନିକ୍ସ ମନ୍ତ୍ରୀ ଅଶ୍ୱିନୀ ବୈଷ୍ଣବ ଏଆଇ ପାଠ୍ୟକ୍ରମ ଟାସ୍କଫୋର୍ସ ସହିତ ଏକ ଉଚ୍ଚସ୍ତରୀୟ ବୈଠକ କରିଛନ୍ତି।
ଏହି ଟାସ୍କଫୋର୍ସ ଇତିମଧ୍ଯରେ ଭାରତୀୟ ଶିକ୍ଷାନୁଷ୍ଠାନରେ ପ୍ରଚଳିତ ବ୍ୟାଚେଲର୍ ଅଫ ଟେକ୍ନଲୋଜି (ବି.ଟେଜ୍) କମ୍ପ୍ୟୁଟର ସାଇନ୍ସ ଓ ତତ୍ସମ୍ପର୍କିତ ପାଠ୍ୟକ୍ରମଗୁଡ଼ିକର ଏକ ମୌଳିକ ଅଧ୍ୟୟନ କରିସାରିଛି। ଏହି ଅଧ୍ୟୟନ ଶିଳ୍ପ ବିଶେଷଜ୍ଞ ଓ ଜାତୀୟ ସଫ୍ଟ୍ୱାର ଓ ସର୍ଭିସ୍ କମ୍ପାନି ସଂଘ (ନାସ୍କମ୍) ସହଯୋଗିତାରେ କରାଯାଇଛି।
ଏହି ଅଧ୍ୟୟନରୁ ଜଣାପଡ଼ିଛି ଯେ ଭାରତୀୟ ପାଠ୍ୟକ୍ରମରେ ଏଆଇ ସମ୍ପର୍କିତ ଶିକ୍ଷା ବୃଦ୍ଧି ପାଇଥିଲେ ବି କେତେକ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ବ୍ୟବଧାନ ରହିଛି। ଏସବୁ ବ୍ୟବଧାନ ଶିକ୍ଷଣ କୌଶଳ, ଭିତ୍ତିଭୂମି ଏବଂ ଜେନେରେଟିଭ୍ ଏଆଇ, ମେସିନ ଲଣ୍ଡିଂ ଅପରେସନ୍ସ (ଏମ୍ଏଲଓପି) ଓ ମୌଳିକ ମଡେଲ ବିକାଶ ଆଦିରେ ରହିଛି I
ଟାସ୍କଫୋର୍ସର ଗୁରୁତ୍ୱ କ୍ଷେତ୍ର
ଟାସ୍କ ଫୋର୍ସ ବିଭିନ୍ନ କ୍ଷେତ୍ର ଉପରେ ଗୁରୁତ୍ଵଆରୋପ କରିଥିଲେ । ସେସବୁ ମଧ୍ୟରେ ରହିଛି, ପ୍ରୟୋଗ-ଭିଭିକ ଶିକ୍ଷାଦାନ, କ୍ରେଡିଟ୍-ଲିଙ୍କଡ୍ଡ୍ ପାଠ୍ୟକ୍ରମ ସମନ୍ଵୟ, ଉନ୍ନତ ବ୍ୟବହାରିକ ଏକ୍ସପୋଜର, ଶିଳ୍ପ-ସମ୍ମିଳିତ ଶିକ୍ଷାଦାନ, ବହୁବିଧ ପ୍ରବେଶ-ପ୍ରସ୍ଥାନ ବିକଳ୍ପ ଓ ଦାୟିତ୍ବବାନ ଏଆଇ ଅର୍ଥାତ୍ ସମସ୍ତ ସେମିଷ୍ଟରରେ ଦାୟିତ୍ଵବାନ ଏଆଇ ଏବଂ ଏଆଇ ପ୍ରଶାସନକୁ ସାମିଲ କରିବା।
ଅଧ୍ୟାପକ ବିକାଶ ଉପରେ ଗୁରୁତ୍ୱାରୋପ
ପାଠ୍ୟକ୍ରମରେ ଉନ୍ନତି ଆଣିବାକୁ ହେଲେ ଅଧ୍ୟାପକମାନେ ବି ଉପଯୁକ୍ତଭାବେ ପ୍ରସ୍ତୁତ ରହିବା ଉଚିତ୍ ଏହାକୁ ସ୍ଵୀକାର କରି ଏହି ଆଲୋଚନା ବେଳେ ପ୍ରସ୍ତାବିତ ରୋଡମ୍ୟାପର କେନ୍ଦ୍ରରେ ଅଧ୍ୟାପକମାନଙ୍କ କ୍ଷମତା ନିର୍ମାଣ ଉପରେ ଗୁରୁତ୍ୱ ଦିଆଯାଇଥିଲା I ରାଯାଇଥିବା ସୁପାରିଶଗୁଡ଼ିକ ମଧ୍ୟରେ ଅନ୍ତର୍ଭୁକ୍ତ ରହିଛି ବ୍ୟବସ୍ଥିତ ପ୍ରଶିକ୍ଷକ ତାଲିମ କାର୍ଯ୍ୟକ୍ରମ, କ୍ୟୁରେଟେଡ୍ ପାଠ୍ୟକ୍ରମ ବିଷୟବସ୍ତୁ, ମାନକୀକରଣ ମୂଲ୍ୟାଙ୍କନ ଢାଞ୍ଚା, ଏବଂ ବର୍ତ୍ତମାନର ଶିଳ୍ପ ଉପକରଣ ଏବଂ ପ୍ଲାଟଫର୍ମ ସହିତ ସମନ୍ବିତ ଆଧୁନିକ ପ୍ରୟୋଗଶାଳା। ଦେଶର ପ୍ରମୁଖ ମ୍ୟାନେଜମେଣ୍ଟ ଶିକ୍ଷାନୁଷ୍ଠାନରେ ପ୍ରଚଳିତ ପଦ୍ଧତି ଅନୁସରଣରେ ଅତିରିକ୍ତ ଅଧ୍ୟାପକ ଭାବରେ ଅଭିଜ୍ଞ ଶିଳ୍ପ ପେସାଦାରମାନଙ୍କୁ ନିୟୋଜିତ କରିବା ପାଇଁ ମଧ୍ୟ ସୁପାରିଶ କରାଯାଇଥିଲା I
ମିଳିତ ଭିରିଭୂମି
ଅଂଶଗ୍ରହଣକାରୀମାନେ ଏକ ଜାତୀୟ ସ୍ତରୀୟ ମିଳିତ ଏଆଇ ଭିରିଭୂମି ସୃଷ୍ଟି କରିବାକୁ ପ୍ରସ୍ତାବ ଦେଇଥିଲେ । ଏହି ଟ୍ରିପଲ୍ ହେଲିକ୍ସ ମଡେଲ୍ ଶିଳ୍ପ, ସରକାର ଏବଂ ଶିକ୍ଷାଗତ ପ୍ରତିଷ୍ଠାନ ଦ୍ବାରା ମିଳିତ ଭାବରେ ଗଠନ ହେବ। ଏହା କଲେଜ ଏବଂ ବିଶ୍ବବିଦ୍ୟାଳୟଗୁଡ଼ିକରେ ଗ୍ରାଫିକ୍ସ ପ୍ରୋସେସିଂ ୟୁନିଟ୍ (ଜିପିୟୁ) କମ୍ପ୍ୟୁଟ୍, ଏଚ୍ ଡିଭାଇସ୍, ସଫ୍ଟୱେର୍ ଷ୍ଟାକ୍ ଏବଂ ସବସ୍କ୍ରିପସନ୍-ଆଧାରିତ ପ୍ଲାଟଫର୍ମରେ ସମାନ ଉପଯୋଗକୁ ସୁନିଶ୍ଚିତ କରିବ।
ଭବିଷ୍ୟତ କାର୍ଯ୍ୟପନ୍ଥା
ପରବର୍ତ୍ତୀ କାର୍ଯ୍ୟପନ୍ଥା ବାବଦରେ ଚାରୋଟି ସହମତି ସହ ବୈଠକ ଶେଷ ହୋଇଥିଲା I ସେଗୁଡ଼ିକ ହେଉଛି ଜାତୀୟ ସ୍ତରରେ କମ୍ପ୍ୟୁଟ୍, ଭିତ୍ତିଭୂମି, ଅଧ୍ୟାପକ ଏବଂ ଶିକ୍ଷାର୍ଥୀ ସଂଖ୍ୟା ପାଇଁ ଆବଶ୍ୟକତାର ଆକଳନ । ଅତ୍କଳ ଭାରତୀୟ ବୈଷୟିକ ଶିକ୍ଷା ପରିଷଦ (ଏଆଇସିଟିଇ) ସହିତ ସଂପର୍କ ସ୍ଥାପନ, ଯାହା ଦ୍ବାରା ଚଳିତ ବ୍ୟାଚର ପଞ୍ଚମରୁ ଅଷ୍ଟମ ସେମିଷ୍ଟରରେ ସଂଶୋସ୍ତ ପାଠ୍ୟକ୍ରମକୁ ଆନୁଷ୍ଠାନିକ ଭାବରେ ଗ୍ରହଣ କରାଯାଇପାରିବ, ଏବଂ ଆଗାମୀ ବ୍ୟାଚ ପାଇଁ ଏହାର ସମ୍ପୂର୍ଣ ସମନ୍ବୟ ମଧ୍ୟ କରାଯିବ। ଅଧ୍ୟାପକ ବିକାଶ ରୋଡମ୍ୟାପ୍, ଯେଉଁଥ୍ରେ ଶିଳ୍ପ-ନେତୃତ୍ୱାଧୀନ ତାଲିମ, ଅଭିଜ୍ଞତାର ଆଦାନପ୍ରଦାନ ଏବଂ କର୍ପୋରେଟ୍ ବୃଦ୍ଧିଗତମାନଙ୍କୁ ଶିକ୍ଷକ ଭାବରେ ସେବା କରିବା ପାଇଁ ଏକ ପଦ୍ଧତିଗତ ପଥ ଅନ୍ତର୍ଭୁକ୍ତ ରହିଛି। ଅଣ-ଷ୍ଟେମ୍ ବିଷୟଗୁଡ଼ିକ ପାଇଁ ଏକ ସମାନ୍ତରାଳ ପଥ ଲାଗି ବି ସହମତି ହୋଇଥିଲା I ଏହା ମାଧ୍ୟମରେ ଏକ ପୃଥକ କାର୍ଯ୍ୟଧାରାରେ ହାତକୁ ନିଆଯିବ ଯାହା ଏଆଇ ସଚେତନତା, ମୌଳିକ ଏଆଇ ସାକ୍ଷରତା ଏବଂ ଅଣ-ଯାନ୍ତ୍ରିକ ଭୂମିକାରେ ଏଆଇର ବ୍ୟବହାରିକ ବ୍ୟବହାରକୁ ଅନ୍ତର୍ଭୁକ୍ତ କରିବ।
