ଗୁଜରାଟର ଭୁଜରେ ସୀମା ସଂପର୍କିତ ସମସ୍ୟା ନେଇ ସମୀକ୍ଷା ବୈଠକ କଲେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଶ୍ରୀ ଅମିତ ଶାହ
ଗୁଜରାଟର ଭୁଜରେ ସୀମା ସଂପର୍କିତ ସମସ୍ୟା ନେଇ ସମୀକ୍ଷା ବୈଠକ କଲେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଶ୍ରୀ ଅମିତ ଶାହ
ସୀମାରେ ବାଡ଼, ସାମୁଦ୍ରିକ ସୁରକ୍ଷା ଏବଂ ରାଜ୍ୟ ସରକାରଙ୍କ ଦୃଢ଼ ରାଜନୈତିକ ସଂକଳ୍ପ ଯୋଗୁଁ ଗୁଜରାଟର ସୁରକ୍ଷା ପରିସ୍ଥିତିରେ ଏକ ଗୁରୁତ୍ବପୂର୍ଣ୍ଣ ପରିବର୍ତ୍ତନ ଆସିଛି: ସ୍ବରାଷ୍ଟ୍ର ମନ୍ତ୍ରୀ
ରାଜ୍ୟରେ ଅନୁପ୍ରବେଶ ଏବଂ ସୀମାପାର ଚୋରାଚାଲାଣ ସମ୍ପୂର୍ଣ୍ଣ ବନ୍ଦ ହୋଇଯାଇଛି: ସ୍ବରାଷ୍ଟ୍ର ମନ୍ତ୍ରୀ
କେନ୍ଦ୍ର ସ୍ବରାଷ୍ଟ୍ର ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଗୁଜରାଟର ଭୁଜରେ ଏକ ସୁରକ୍ଷା ସମୀକ୍ଷା ବୈଠକର ଅଧ୍ଯକ୍ଷତା କରିଛନ୍ତି। ଏହି ବୈଠକରେ ଭାରତ-ପାକିସ୍ତାନ ସୀମା ସଂଲଗ୍ନ ଗୁଜରାଟର ସୀମାନ୍ତି ଏବଂ ଉପକୂଳବର୍ତ୍ତୀ ଜିଲ୍ଲାଗୁଡ଼ିକର ସୁରକ୍ଷା ସମ୍ପର୍କିତ ପ୍ରସଙ୍ଗରେ ଚର୍ଚ୍ଚା କରାଯାଇଥିଲା। ଏହି ଅବସରରେ ଗୁଜରାଟର ମାନ୍ୟବର ମୁଖ୍ୟମନ୍ତ୍ରୀ, ଉପମୁଖ୍ୟମନ୍ତ୍ରୀ, ମୁଖ୍ୟ ଶାସନ ସଚିବ, ପୋଲିସ ମହାନିର୍ଦ୍ଦେଶକ ଏବଂ ଅନ୍ୟାନ୍ୟ ବରିଷ୍ଠ ରାଜ୍ୟ ସରକାରୀ ଅଧିକାରୀ, କଚ୍ଛ, ଭାଭ-ଥରତ ଏବଂ ପାଟନ ଜିଲ୍ଲାଗୁଡ଼ିକର ଜିଲ୍ଲାପାଳ ଏବଂ ପୋଲିସ ଅଧୂକ୍ଷକ (ଏସପି) ଉପସ୍ଥିତ ଥିଲେ। ଏହି ବୈଠକରେ ଭାରତ-ପାକିସ୍ତାନ ସୀମାନ୍ଧରେ ଥିବା ଏହି ସୀମାନ୍ଧ ଅଞ୍ଚଳଗୁଡ଼ିକ ସମ୍ମୁଖୀନ ହେଉଥିବା ସମସ୍ୟାଗୁଡ଼ିକ ଉପରେ ଧ୍ୟାନ ଦିଆଯାଇଥିଲା ଓ ଅଧିକ ଦୃଢ଼ ଏବଂ ବ୍ୟାପକ ସୀମା ପରିଚାଳନା ହାସଲ ଉପରେ ଗୁରୁତ୍ବ ଦିଆଯାଇଥିଲା। ଏକ୍ଷେତ୍ରରେ ରାଜ୍ୟ ସରକାର, ବିଶେଷକରି ଜିଲ୍ଲାପାଳ ଓ ଏସପିଙ୍କ ଆବଶ୍ୟକୀୟ ସକ୍ରିୟ ଏବଂ ପ୍ରଭାବଶାଳୀ ଭୂମିକା ନିର୍ବାହ ଉପରେ ମଧ୍ୟ ଗୁରୁତ୍ୱାରୋପ କରାଯାଇଥିଲା ।
ବୈଠକରେ କେନ୍ଦ୍ର ସ୍ବରାଷ୍ଟ୍ର ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହ କହିଥିଲେ ଯେ ସୀମାରେ ବାଡ଼, ସାମୁଦ୍ରିକ ସୁରକ୍ଷା ପଦକ୍ଷେପ ଏବଂ ରାଜ୍ୟ ସରକାରଙ୍କ ଦୃଢ଼ ରାଜନୈତିକ ଇଚ୍ଛାଶକ୍ତି ଯୋଗୁଁ ଗୁଜରାଟର ସୁରକ୍ଷା କ୍ଷେତ୍ରରେ ଏକ ଗୁରୁତ୍ବପୂର୍ଣ୍ଣ ପରିବର୍ତ୍ତନ ଆସିଛି। ଏହା ଫଳରେ ରାଜ୍ୟରେ ଅନୁପ୍ରବେଶ ଏବଂ ସୀମା ଦେଇ ଚୋରା ଚାଲାଣ ସମ୍ପୂର୍ଣ୍ଣ ବନ୍ଦ ହୋଇଛି। ସେ ନିର୍ଦ୍ଦେଶ ଦେଇଥିଲେ ଯେ ଅନୁର୍ଜାତୀୟ ସୀମାର ୦ ରୁ ୧୫ କିଲୋମିଟର ଅଞ୍ଚଳ ମଧ୍ୟରେ ଯେକୌଣସି ଅନଧୂକୃତ ଜବରଦଖଲକୁ ଦୂର କରିବା ଦିଗରେ "ଶୂନ୍ୟ ସହନଶୀଳତା" ଆଭିମୁଖ୍ୟ ଗ୍ରହଣ କରାଯିବା ଉଚିତ। ସେ ସୀମାନ୍ତ ଅଞ୍ଚଳରେ ମୌଳବାଦର ସମ୍ଭାବ୍ୟ କେନ୍ଦ୍ରଗୁଡ଼ିକ ଉପରେ ସତର୍କ ଦୃଷ୍ଟି ରଖୁବାର ଆବଶ୍ୟକତା ଉପରେ ମଧ୍ୟ ଗୁରୁତ୍ୱାରୋପ କରିଥିଲେ।
ଶ୍ରୀ ଅମିତ ଶାହ କହିଥିଲେ ଯେ ସୀମାନୁ ଜିଲ୍ଲାଗୁଡ଼ିକର ଜିଲ୍ଲାପାଳମାନେ ସେମାନଙ୍କ ଅଧିକାର କ୍ଷେତ୍ର ମଧ୍ୟରେ ଘଟୁଥିବା ଯେକୌଣସି ଜନସଂଖ୍ୟାଗତ ପରିବର୍ତ୍ତନ ଉପରେ କଡ଼ା ନଜର ରଖ୍ ନିୟମିତ ରିପୋର୍ଟ ଦେବା ଉଚିତ। ସୀମାବର୍ତ୍ତୀ ଇଲାକାରେ ଶିଳ୍ପାୟନ ଯୋଗୁଁ ହେଉଥିବା ବିପରୀତଗାମୀ ପ୍ରବାସନ ଏକ ସ୍ବାଗତଯୋଗ୍ୟ ଘଟଣାକ୍ରମ ବୋଲି ସେ ମତ ଦେଇଥିଲେ। ଶ୍ରୀ ଶାହ ସ୍ଥାନୀୟ ପୋଲିସ ଷ୍ଟେସନରୁ 'ପଟୱାରୀ' (ରାଜସ୍ବ ଅଧୂକାରୀ)ଙ୍କ ପର୍ଯ୍ୟନ୍ତ ସମସ୍ତ ଅଂଶୀଦାର ଆଗକୁ ଆସି ଏହି ଅଞ୍ଚଳରେ ବସବାସ କରିଥିବା ଅନୁପ୍ରବେଶକାରୀଙ୍କ ପ୍ରତ୍ୟାର୍ପଣ ଲାଗି ଏକାଠି କାମ କରିବାକୁ ଅନୁରୋଧ କରିଥିଲେ। ଶେଷରେ, ସେ ନିର୍ଦ୍ଦେଶ ଦେଇଥିଲେ ଯେ ପ୍ରତ୍ୟେକ ସୀମାନୁ ଜିଲ୍ଲାର ସ୍ଥାନୀୟ ପ୍ରଶାସନଗୁଡ଼ିକ ସେମାନଙ୍କର ନିର୍ଦ୍ଦିଷ୍ଟ ଚ୍ୟାଲେଞ୍ଜ ଏବଂ ଆବଶ୍ୟକତା ଅନୁଯାୟୀ ମାନକ କାର୍ଯ୍ୟ ପ୍ରଣାଳୀ (ଏସଓପି) ପ୍ରସ୍ତୁତ କରନ୍ତୁ, ଯାହା ନିଶ୍ଚିତ କରିବ ଯେ ଏହି ପ୍ରୋଟୋକଲଗୁଡ଼ିକ ପ୍ରଭାବଶାଳୀ ଭାବରେ ବିଦ୍ୟମାନ ଅନୁପ୍ରବେଶକାରୀଙ୍କ ଚିହ୍ନଟକୁ ସହଜ କରିବା ସହିତ ସଂଦିଗ୍ଧ ଡ୍ରୋନ ଏବଂ ନିଶାଦ୍ରବ୍ୟ ଚିହ୍ନଟ କରିବାରେ ସହାୟକ ହେବ।
ସ୍ଵରାଷ୍ଟ୍ରମନ୍ତ୍ରୀ କହିଥିଲେ ଯେ ପ୍ରତିଜିଲ୍ଲାରେ ବିଏସ୍ଏଫ, କୋଷ୍ଟଗାର୍ଡ, ଆୟକର ବିଭାଗ, ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଓ ଶୀର୍ଷ ବ୍ୟାଙ୍କ ପରିଚାଳକଙ୍କୁ ନେଇ ଏକ ସୁରକ୍ଷା ସମନ୍ବୟ ଗ୍ରୁପ୍ ଗଠନ ହେବା ଆବଶ୍ୟକ। ସେ କହିଥିଲେ ଯେ ଆୟକର, ବେଆଇନ ଅର୍ଥକାରବାର ନିବାରଣ, ସୀମା ଆଇନ ଇତ୍ୟାଦିର ପ୍ରଭାବୀ କାର୍ଯ୍ୟାନ୍ବୟନର ଉତ୍ତରଦାୟିତ୍ଵ ଜିଲ୍ଲାପାଳ, ଏସ୍ତି ଓ ସୀମାନ୍ଧ ରେଞ୍ଜ ପୁଲିସ
ମହାନିରୀକ୍ଷକ(ଆଇଜି)ଙ୍କ ଉପରେ ନ୍ୟସ୍ତ ହେବା ଆବଶ୍ୟକ।
ସୀମାନୁ ଜିଲ୍ଲାଗୁଡ଼ିକରେ ହାୱାଲା କାରବାର, ଆର୍ଥିକ କାରବାର, ମ୍ୟୁଲ୍ ଆକାଉଣ୍ଟ୍, ସେଲ୍ କମ୍ପାନୀ, ସନ୍ଦିଗ୍ଧ ଯାନବାହନ ଏବଂ ଜିଏସଟି ସଂଗ୍ରହ ଉପରେ କଡ଼ା ନଜର ରଖିବା ଉପରେ ଶ୍ରୀ ଶାହ ଗୁରୁତ୍ୱାରୋପ କରିଥିଲେ। ସେ କହିଥିଲେ ଯେ ଆର୍ଥିକ ଅପରାଧ ସହିତ ଲଢ଼ୁଥିବା ଏଜେନ୍ସିଗୁଡ଼ିକୁ ସୀମାନ୍ତ ଅଞ୍ଚଳ ବିଷୟରେ ସବିଶେଷ ସୂଚନା ଦିଆଯିବା ଉଚିତ ଏବଂ ଆୟକର ବିଭାଗ, ରିଜର୍ଭ ବ୍ୟାଙ୍କ ସହଯୋଗରେ, ବ୍ୟାପକ ସର୍ଭେ ଅଭିଯାନ ଚଳାଇବା ଉଚିତ।
କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ ଅନୁର୍ଜାତୀୟ ସାମୁଦ୍ରିକ ସୀମା ରେଖା ନିକଟତର ହେବା ଦୃଷ୍ଟିରୁ, ସାମୁଦ୍ରିକ ସୁରକ୍ଷାକୁ ପ୍ରାଥମିକତା ଦେବା ଏବଂ ଭାରତୀୟ ତଟରକ୍ଷୀ ବାହିନୀ ସହିତ ପ୍ରଭାବଶାଳୀ ସମନ୍ବୟ ସୁନିଶ୍ଚିତ କରିବାର ଆବଶ୍ୟକତା ରହିଛି। ସେ ଆହୁରି ମଧ୍ୟ ଉଲ୍ଲେଖ କରିଥିଲେ ଯେ 'ଭାଇବ୍ରାଣ୍ଡ ଗ୍ରାମ' ପଦକ୍ଷେପ ସହିତ, ସୀମାନ୍ତ ଗ୍ରାମଗୁଡ଼ିକରେ କେନ୍ଦ୍ର ଏବଂ ରାଜ୍ୟ ସରକାରଙ୍କ ସମସ୍ତ ଯୋଜନାର ଶତପ୍ରତିଶତ କାର୍ଯ୍ୟାନ୍ବୟନ ସୁନିଶ୍ଚିତ କରିବା ଅତ୍ୟନ୍ତ ଜରୁରୀ।
