ଚଳିତ ବର୍ଷର ଦ୍ୱିତୀୟ ରାଷ୍ଟ୍ରୀୟ ଲୋକ ଅଦାଲତ ହେବ May ମଇ ୯ ତାରିଖ...
ଚଳିତ ବର୍ଷର ଦ୍ୱିତୀୟ ରାଷ୍ଟ୍ରୀୟ ଲୋକ ଅଦାଲତ ଆସନ୍ତା ମଇ ମାସ ୯ ତାରିଖରେ ଖୋର୍ଦ୍ଧା ଜିଲ୍ଲାର ସମସ୍ତ ବିଚାର ବିଭାଗୀୟ ଅଦାଲତ ପରିସରରେ ଅନୁଷ୍ଠିତ ହେବ ।
ଏ ସମ୍ପର୍କରେ ଖୋର୍ଦ୍ଧା ଜିଲ୍ଲା ଆଇନ ସେବା ପ୍ରାଧିକରଣ, ଭୁବନେଶ୍ୱରଙ୍କ ସଚିବ ଶ୍ରୀମତୀ ସଲୋମୀ ସାହୁ ପ୍ରକାଶ କରିଛନ୍ତି ।
ଉକ୍ତ ଲୋକ ଅଦାଲତରେ ପ୍ରାୟ ସମସ୍ତ ପ୍ରକାରର ବିଚାରାଧିନ ମାମଲା ଯଥା ରଫାଯୋଗ୍ୟ ଫୌଜଦାରୀ ମାମଲା, ପ୍ଲି ବାରଗେନିଙ୍ଗ, ଚେକ୍ ବାଉନ୍ସ, ଋଣ ଆଦାୟ, ଦୁର୍ଘଟଣାଜନିତ ମାମଲା, ରଫାଯୋଗ୍ୟ ଟ୍ରାଫିକ୍ ଚାଲାଣ, ଶ୍ରମ ବିବାଦ, ଜନଉପଯୋଗୀ ମାମଲା, ବିଦ୍ୟୁତ, ଜଳ, ବୈବାହିକ ବିବାଦ, ପାରିବାରିକ ବିବାଦ (ଛାଡ଼ପତ୍ର ବ୍ୟତୀତ), ଜମି ଅଧିଗ୍ରହଣ, ଚାକିରି ଓ ଅବସର ସମ୍ପର୍କିତ ପେନ୍ସନ୍ ମାମଲା, ରାଜସ୍ୱ, ଆଇପିଆର୍ କେସ୍, ଖାଉଟି ମାମଲା, ଅନ୍ୟାନ୍ୟ ଦେୱାନି ମାମଲା ସହିତ ଫୌଜଦାରୀ ମାମଲାଗୁଡ଼ିକ ବିଭିନ୍ନ ଜିଲ୍ଲା ଓ ଉପଖଣ୍ଡ କୋର୍ଟମାନଙ୍କରେ ଆଗତ କରାଯାଇ ଆପୋଷ ବୁଝାମଣା ଜରିଆରେ ମାମଲାର ସମାଧାନ କରାଯାଇପାରିବ ।
ସେହିପରି ପ୍ରାକ୍ ମୋକଦ୍ଦମା ବା କୌଣସି ଅଦାଲତରେ ମାମଲା ନଥାଇ ମଧ୍ୟ ଜିଲ୍ଲା ଆଇନ ସେବା ପ୍ରାଧିକରଣ ବା ତାଲୁକ୍ ଆଇନ ସେବା କମିଟିଙ୍କ ମାଧ୍ୟମରେ ଜନସାଧାରଣମାନେ ଋଣ ଅନାଦେୟ ମାମଲା, ସକ୍ସେସନ୍ କେସ୍, ଟ୍ରାଫିକ୍ ଚାଲାଣ (ଭର୍ଚୁଆଲ୍ କୋର୍ଟ/ ଇ-ଚାଲାଣ), ଶ୍ରମ ଓ ନିଯୁକ୍ତି, ବଦ୍ୟୁତ ଓ ଜଳ, ରାଜସ୍ୱ ଓ ଜମି ଅଧିଗ୍ରହଣ, ସ୍ଥାୟୀ ଲୋକ ଅଦାଲତରେ ଜନଉପଯୋଗୀ ମାମଲା, ବୈବାହିକ, ମଧ୍ୟସ୍ଥତା ଜାରିଆରେ ବୈବାହିକ ଓ ଘରୋଇ ହିଂସା ମାମଲାର ସମାଧାନ, ବାଣିଜ୍ୟିକ ମାମଲାର ସମାଧାନ, ଆବ୍ରିଟେସନ୍, ଖାଉଟି ବିବାଦ ଏବଂ ଅନ୍ୟାନ୍ୟ ଜମିବାଡ଼ି ବିବାଦର ଆପୋଷ ସମାଧାନ ଏହି ରାଷ୍ଟ୍ରୀୟ ଲୋକ ଅଦାଲତରେ ହୋଇଥାଏ
ଏ ସବୁ ଅନୁଷ୍ଠିତ ହେବାର ଯଥେଷ୍ଟ ପୂର୍ବରୁ ବିଭାଗୀୟ ଅଦାଲତ କିମ୍ବା ଆଇନ ସେବା ବିଭାଗ ପାଖରେ ନିଜ ନିଜର ମାମଲା ଆଗତ କରାଇ ଏହାର ଫଇସଲା କରିବା ପାଇଁ ଯତ୍ନବାନ ହେବାକୁ ଆଇନ୍ ସେବା ପ୍ରାଧିକରଣ, ଭୁବନେଶ୍ୱର ଜନସାଧାରଣଙ୍କୁ ନିବେଦନ କରିଛନ୍ତି।
ଏହାର ସୁଫଳ ନେବାକୁ ପରାମର୍ଶ ସେ ପରାମର୍ଶ ଦେଇଛନ୍ତି ।
ମାମଲାଗୁଡ଼ିକ ଲୋକ ଅଦାଲତରେ ଫଇସଲା କରିବା ପାଇଁ କୌଣସି ଆର୍ଥିକ ଖର୍ଚ୍ଚ ପଡ଼େନାହିଁ । ଏହାର ରାୟ ଚୂଡ଼ାନ୍ତ ଓ ବୈଧ ଅଟେ ।
