ସୂଚନା ଓ ପ୍ରସାରଣ ମନ୍ତ୍ରଣାଳୟରେ ସ୍ବତନ୍ତ୍ର ଅଭିଯାନ ୫.୦
ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ସ୍ବତନ୍ତ୍ର ଅଭିଯାନ ୫.୦ ଅନ୍ତର୍ଗତ ଗୁରୁତ୍ଵପୂର୍ଣ୍ଣ ସଫଳତା ହାସଲ କରିଛି : ୧.୪୩ ଲକ୍ଷ କିଲୋଗ୍ରାମ ଅଳିଆ ନିଷ୍କାସନ, ୯୭୩ ସ୍ଥାନ ସଫା ହୋଇଛି ଏବଂ ୧୪,୦୦୦ ଫାଇଲ ସମୀକ୍ଷା କରାଯାଇଛି
ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ସ୍ବତନ୍ତ୍ର ଅଭିଯାନ ୫.୦ଅନ୍ତର୍ଗତ ସ୍ବଚ୍ଛତା, ଦକ୍ଷତା ଏବଂ ବିଚାରାଧୀନ ମାମଲାଗୁଡ଼ିକର ସମାଧାନ ପ୍ରତି ନିଜର ପ୍ରତିବଦ୍ଧତାକୁ ଦୋହରାଇଛି
ସ୍ବଚ୍ଛତାକୁ ସଂସ୍ଥାଗତ କରିବା ଏବଂ ବିଚାରାଧୀନ ମାମଲାଗୁଡ଼ିକୁ ହ୍ରାସ କରିବା ପାଇଁ ସୂଚନା ଏବଂ ପ୍ରସାରଣ ମନ୍ତ୍ରଣାଳୟରେ ସ୍ବତନ୍ତ୍ର ଅଭିଯାନ ୫.୦ ସକ୍ରିୟ ଚାଲିଛି।
ସୂଚନା ଏବଂ ପ୍ରସାରଣ ମନ୍ତ୍ରଣାଳୟ, ସାରା ଦେଶରେ ଏହାର ଗଣମାଧ୍ୟମ ୟୁନିଟ୍ ଏବଂ ଆଞ୍ଚଳିକ କାର୍ଯ୍ୟାଳୟ ସହିତ, ସ୍ବତନ୍ତ୍ର ଅଭିଯାନ ୫.୦ ରେ ସକ୍ରିୟ ଭାବରେ ଅଂଶଗ୍ରହଣ କରୁଛି। ଏହାର ଉଦ୍ଦେଶ୍ୟ ହେଉଛି କାର୍ଯ୍ୟକ୍ଷେତ୍ରଗୁଡ଼ିକୁ ସଫା କରିବା, ବିଚାରାଧୀନ ମାମଲାଗୁଡ଼ିକୁ ସଫା କରିବା ଏବଂ ଦକ୍ଷତା ବୃଦ୍ଧି କରିବା। ଅଭିଯାନର କାର୍ଯ୍ୟାନ୍ଵୟନ ପର୍ଯ୍ୟାୟ ୨ ଅକ୍ଟୋବର ୨୦୨୫ରେ ଆରମ୍ଭହୋଇଥିଲା ଏବଂ ଅଭିଯାନର ପ୍ରାରମ୍ଭିକ ପର୍ଯ୍ୟାୟରେ ସ୍ଥିର କରାଯାଇଥିବା ଲକ୍ଷ୍ୟ ହାସଲ କରିବା ପାଇଁ ଉତ୍ସର୍ଗୀକୃତ ପ୍ରୟାସ କରାଯାଉଛି ।
୨ ରୁ ୧୭ ଅକ୍ଟୋବର, ୨୦୨୫ ପର୍ଯ୍ୟନ୍ତ ଅଭିଯାନର ପ୍ରଥମ ପନ୍ଦର ଦିନ ମଧ୍ୟରେ ମନ୍ତ୍ରଣାଳୟର ସଫଳତାର ମୁଖ୍ୟଶଗୁଡ଼ିକ ନିମ୍ନଲିଖୂତ ପ୍ରକାରର ଅଟେ :
ମନ୍ତ୍ରଣାଳୟ ୪୯୩ଟି ବାହ୍ୟ ଅଭିଯାନ ଚଳାଇଛି, 973ଟି ସ୍ଥାନ ସଫା କରିଛି ଏବଂ ୧୦୪ଟି ଯାନକୁ ନିଷ୍କ୍ରିୟ କରାଯାଇଛି।
ପ୍ରାୟ ୧.୪୩ ଲକ୍ଷ କିଲୋଗ୍ରାମ ସ୍କ୍ରିପ୍ ନଷ୍ଟ କରାଯାଇଛି ଯାହା ଫଳରେ ୩୪,୨୭ ଲକ୍ଷ ଟଙ୍କା ରାଜସ୍ବ ଅର୍ଜନ ହୋଇଛି ଏବଂ ପ୍ରାୟ ୮୦୦୭ ବର୍ଗଫୁଟ ସ୍ଥାନ ଖାଲି କରାଯାଇଛି।
ପ୍ରାୟ ୧୩୯୦୦ଭୌତିକ ଫାଇଲ୍ ସମୀକ୍ଷା କରାଯାଇଛି ଯାହା ମଧ୍ୟରୁ ୩୯୫୭ଟି ଫାଇଲ୍ ବାଦ ଦିଆଯାଇଛି। ମୋଟ ୫୮୫ଟି ଇ - ଫାଇଲ୍ ସମୀକ୍ଷା କରାଯାଇଛି, ଯାହା ମଧ୍ୟରୁ ୧୬୫ଟି ବନ୍ଦ କରାଯାଇଛି।
ଅନ୍ୟାନ୍ୟ ସଫଳତା ବ୍ୟତୀତ ମୋଟ ୩୦୧ଟି ସାଧାରଣ ଅଭିଯୋଗ, ୫୭ଟି ପିଜି ଅପିଲ୍, ୧୬ଟି ସାଂସଦ ସନ୍ଦର୍ଭ, ୨ଟି ରାଜ୍ୟ ସରକାର ସନ୍ଦର୍ଭ ଏବଂ ୧ଟି ପିଏମଓ ସନ୍ଦର୍ଭ ସମାଧାନ କରାଯାଇଛି।
ସ୍ବତନ୍ତ୍ର ଅଭିଯାନ ୫.୦ ଅନୁର୍ଗତ ବିଭିନ୍ନ କାର୍ଯ୍ୟର ଅଗ୍ରଗତି ତଦାରଖ କରିବା ପାଇଁ ମନ୍ତ୍ରଣାଳୟର ଅଧୂକାରୀମାନଙ୍କର ଏକ ଦଳକୁ ବିଭିନ୍ନ କ୍ଷେତ୍ର କାର୍ଯ୍ୟାଳୟରେ ମଧ୍ୟ ମୁତୟନ କରାଯାଇଛି।
ମନ୍ତ୍ରଣାଳୟ ଏହି ଅଭିଯାନର ଉଦ୍ଦେଶ୍ୟ ପ୍ରତି ପ୍ରତିବଦ୍ଧ ଯେ କର୍ମକ୍ଷେତ୍ରର ସ୍ବଚ୍ଛତା ବୃଦ୍ଧି, ଉତ୍ପାଦକତା ବୃଦ୍ଧି, ସ୍ବଚ୍ଛତାକୁ ସଂସ୍ଥାଗତ କରିବା, ପଡ଼ି ରହିଥିବା ମାମଲାଗୁଡ଼ିକର ସମୟସୀମା ମଧ୍ୟରେ ସମାଧାନ ଏବଂ ଇ-ଆବର୍ଜନା ପରିଚାଳନାକୁ ପ୍ରୋତ୍ସାହିତ କରିବା ଯାହା ଦେଶର ସ୍ବଚ୍ଛତା ଏବଂ ସ୍ଥାୟୀତ୍ୱରେ ଯୋଗଦାନ ଦେବ।
