କମିଶନରେଟ୍ ପୁଲିସରେ ମହିଳା ଟ୍ରାଫିକ୍ କନଷ୍ଟେବଳ ଶୁଭମିତ୍ରା ସାହୁଙ୍କର ନିଖୋଜ ଘଟଣାର ପର୍ଦା ପାଶ ହୋଇଛି |
"ଆଜିର ସମାଜରେ କେଵଳ ଶିକ୍ଷିତ ମଣିଷ ଅର୍ଥ ପାଇଁ ନିଜ ପତ୍ନୀଙ୍କୁ ହତ୍ୟା କରୁଥିବା ବେଳେ ଅଶିକ୍ଷିତ ମଣିଷ ନିଜ ସ୍ତ୍ରୀର ଚରିତ୍ର ପାଇଁ ହତ୍ୟା କରୁଛି"
କମିଶନରେଟ୍ ପୁଲିସରେ ମହିଳା ଟ୍ରାଫିକ୍ କନଷ୍ଟେବଳ ଶୁଭମିତ୍ରା ସାହୁଙ୍କର ନିଖୋଜ ଘଟଣାର ପର୍ଦା ପାଶ ହୋଇଛି |
କନଷ୍ଟେବଲ ଦୀପକ ରାଉତ ଯେ କି ସେହି ଅଫିସ ରେ କାମ କରନ୍ତି, ସେ ହିଁ ଶୁଭମିତ୍ରା ସାହୁଙ୍କୁ ତଣ୍ଟିଚିପି ହତ୍ୟା କରିଥିଲେ | ସେ ତାଙ୍କୁ ଭୁବନେଶ୍ୱରରେ ହତ୍ୟା କରିବା ପରେ ମୃତଦେହକୁ ନିଜ କାରରେ ନେଇ କେନ୍ଦୁଝର ଜିଲ୍ଲା ଘଟଗାଁରେ ଜଙ୍ଗଲରେ ପୋତି ଦେଇଥିଲେ ଦୀପକ।
୨୦ ଲକ୍ଷ ଟଙ୍କା ପାଇଁ ସେ କନଷ୍ଟେବଲ ଶୁଭମିତ୍ରା ସାହୁଙ୍କୁ ହତ୍ୟା କରିଥିବା ପୁଲିସ୍ର ଜେରା ବେଳେ କହିଥିବା ସୂଚନା ମିଳିଛି।
ଆହୁରି ମଧ୍ୟ ଜଣାପଡ଼ିଛି ଯେ ଶୁଭମିତ୍ରା ଓ ଦୀପକ କୋର୍ଟରେ ୨୦୨୪ ଜୁଲାଇ ୭ ତାରିଖରେ କୋର୍ଟରେ ବାହା ହୋଇଥିଲେ। ଦୀପକଙ୍କୁ ପୁଲିସ୍ ଜେରା କରିବା ବେଳେ ଏହି କଥା ସାମ୍ନାକୁ ଆସିଛି। ଉଭୟଙ୍କ ମ୍ୟାରେଜ୍ ସାର୍ଟିଫିକେଟ୍ ମଧ୍ୟ ପାଇଛି ପୁଲିସ।
ଦୀପକ ପୂର୍ବରୁ ବାହା ହୋଇଥିଲେ ଏବଂ ଏକ ଦୁର୍ଘଟଣାରେ ତାଙ୍କ ପ୍ରଥମ ସ୍ତ୍ରୀଙ୍କ ମୃତ୍ୟୁ ହୋଇଥିଲା ବୋଲି ପୁଲିସ ଜାଣିବାକୁ ପାଇଛି। ଦୀପକ ତାଙ୍କ ପ୍ରଥମ ସ୍ତ୍ରୀଙ୍କ ନାଁରେ କୋଟିଏ ଟଙ୍କାର ବୀମା କରିଥିଲେ। ତେଣୁ ତାଙ୍କ ପ୍ରଥମ ସ୍ତ୍ରୀଙ୍କ ମୃତ୍ୟୁ ମାମଲା ଏବେ ସନ୍ଦେହ ଘେରକୁ ଚାଲି ଆସିଛି। କମିଶନରେଟ୍ ପୁଲିସ ଶୁଭମିତ୍ରା ହତ୍ୟା ଘଟଣା ସହିତ ଦୀପକଙ୍କ ପ୍ରଥମ ପତ୍ନୀଙ୍କ ମୃତ୍ୟୁ ଘଟଣାର ମଧ୍ୟ ତଦନ୍ତ କରୁଛି।
କମିଶନରେଟ୍ ପୁଲିସର ଏକ ଟିମ୍ ଅଭିଯୁକ୍ତ ଦୀପକଙ୍କୁ ସାଙ୍ଗରେ ଧରି ଘଟଗାଁ ଯାଇଛନ୍ତି। ସେଠାରେ ସିନ୍ ରିକ୍ରିଏସନ୍ ସହିତ ଶୁଭମିତ୍ରାଙ୍କ ମୃତଦେହକୁ ମାଟିତଳୁ ବାହାର କରାଯିବ |
ଗତ ୬ ତାରିଖ ଦିନ ଶୁଭମିତ୍ରା ଡ୍ୟୁଟିକୁ ଯାଇଥିଲେ ଓ ସନ୍ଧ୍ୟା ୭ଟାରେ ଭଡ଼ାଘରକୁ ଫେରିଥିଲେ। କିନ୍ତୁ ତା’ପରଠାରୁ ତାଙ୍କ ମୋବାଇଲ୍ ସୁଇଚ୍ ଅଫ୍ ରହିଥିଲା। ଦୁଇ ଦିନ ଧରି ଶୁଭମିତ୍ରାଙ୍କ ସହିତ ଯୋଗାଯୋଗ ସମ୍ଭବ ହୋଇନପାରିବାରୁ ତାଙ୍କ ବାପା ଭୁବନେଶ୍ୱର ଡିସିପି ଅଫିସ୍ ଯାଇ ପଚରାଉଚରା କରିଥିଲେ। ତେବେ ଝିଅର ପତ୍ତା ନମିଳିବାରୁ ସେ କ୍ୟାପିଟାଲ୍ ଥାନାରେ ନିଖୋଜ ମାମଲା ରୁଜୁ କରିଥିଲେ। କମିଶନରେଟ୍ ପୁଲିସ ଘଟଣାକୁ ଗୁରୁତ୍ୱର ସହିତ ନେଇ ଓ ଶୁଭମିତ୍ରାଙ୍କୁ ଖୋଜିବା ପାଇଁ ସ୍ପେଶାଲ ସ୍କ୍ୱାଡ୍କୁ ଦାୟିତ୍ୱ ଦିଆଯାଇଥିଲା। ସ୍ପେଶାଲ ସ୍କ୍ୱାଡ୍ ଶୁଭମିତ୍ରାଙ୍କ କଲ୍ ଡିଟେଲ୍ସ ଯାଞ୍ଚ କରିବା ପରେ କମିଶନରେଟ୍ ପୁଲିସରେ କାର୍ଯ୍ୟ କରୁଥିବା ଦୀପକ ରାଉତଙ୍କ ଉପରେ ସନ୍ଦେହ କରିଥିଲା। ତାଙ୍କୁ ମାରାଥନ ଜେରା କରିବା ପରେ ସେ ପୁଲିସ ଆଗରେ ସତ ସ୍ୱୀକାର କରିଥିଲେ ବୋଲି ଜଣାପଡ଼ିଛି।
