ଗୁଗୁଲ୍ ଏଆଇ ହବ୍ ଭାରତର ଡିଜିଟାଲ ଅର୍ଥବ୍ୟବସ୍ଥାରେ ବ୍ୟାପକ ପରିବର୍ତ୍ତନ ଆଣିବ: କେନ୍ଦ୍ର ମନ୍ତ୍ରୀ ଅଶ୍ବିନୀ ବୈଷ୍ଣବ

ଏଆଇ-ପ୍ରଥମ ଭିତ୍ତିଭୂମି, ସ୍ବଚ୍ଛ ଶକ୍ତି ଏବଂ ଉଚ୍ଚ-ମୂଲ୍ୟର ନିଯୁକ୍ତି ସୃଷ୍ଟିକୁ ମିଳିବ ପ୍ରୋତ୍ସାହନ : କେନ୍ଦ୍ର ମନ୍ତ୍ରୀ

ବିଶାଖାପାଟଣାରେ ୧୫ ବିଲିୟନ ଡଲାରର ଏଆଇ ହବ୍ ଘୋଷଣା କଲା ଗୁଗୁଲ୍; ବିକଶିତ ଭାରତ ଦୃଷ୍ଟିକୋଣ ସହିତ ମିଳିତ ଭାବରେ ଏଆଇ-ଚାଳିତ ସେବାକୁ ଆଗକୁ ବଢ଼ାଇବା ପାଇଁ ଭାରତରେ କମ୍ପାନୀର ସର୍ବବୃହତ ନିବେଶ

ଉତ୍ତର-ପୂର୍ବ ରାଜ୍ୟଗୁଡ଼ିକରେ ଯୋଗାଯୋଗ ବୃଦ୍ଧି ପାଇଁ ଭାଇଜାଗ୍-ସିଙ୍ଗେ ଡିଜିଟାଲ୍ ଲିଙ୍କ୍ ପ୍ରସ୍ତାବ ଦେଲେ ଶ୍ରୀ ଅଶ୍ଵିନୀ ବୈଷ୍ଣବ; ମ୍ୟାମାର ଦେଇ ରେଳଟେଲ୍ ନେଟୱାର୍କ ଏବଂ ସୀମାପାର କେବୁଲ୍ ସମ୍ପ୍ରସାରଣ ଉପରେ କଲେ ଗୁରୁତ୍ବାରୋପ

"ଆମେ ଆଣ୍ଡାମାନକୁ ବିଶ୍ବ ଇଣ୍ଟରନେଟ୍ ଡାଟା ସ୍ଥାନାନ୍ତର ପାଇଁ ପରବର୍ତ୍ତୀ ପ୍ରମୁଖ କେନ୍ଦ୍ରରେ ପରିଣତ କରିପାରିବା; ଭାରତ ସରକାର ପୂର୍ଣ୍ଣ ସମର୍ଥନ ଯୋଗାଇଦେବେ" - ଶ୍ରୀ ଅଶ୍ବିନୀ ବୈଷ୍ଣବ

ବିଶାଖାପାଟଣାରେ ଗୁଗୁଲ୍ ଏଆଇ ହବ୍ ଭାରତର ଡିଜିଟାଲ୍ ଅର୍ଥବ୍ୟବସ୍ଥାରେ ବ୍ୟାପକ ପରିବର୍ତ୍ତନ ଆଣିବ ବୋଲି କେନ୍ଦ୍ର ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରୀ ଶ୍ରୀ ଅଶ୍ବିନୀ ବୈଷ୍ଣବ କହିଛନ୍ତି। ଆଗାମୀ ମୀ ଭାରତ ଏଆଇ ସମ୍ମିଳନୀରେ ଅଂଶଗ୍ରହଣ କରିବା ପୂର୍ବରୁ ଗୁଗୁଲ୍ ଦ୍ବାରା ଆୟୋଜିତ ଏକ କାର୍ଯ୍ୟକ୍ରମ ‘ଭାରତ ଏଆଇ ଶକ୍ତି'କୁ ସମ୍ବୋଧୂତ୍ବ କରି ସେ ଏହା କହିଛନ୍ତି। କେନ୍ଦ୍ର ମନ୍ତ୍ରୀ କହିଛନ୍ତି, “ଗୁଗୁଲ୍ ଏଆଇ ହବ୍ ଭାରତର ଡିଜିଟାଲ୍ ଅର୍ଥବ୍ୟବସ୍ଥା ପାଇଁ ଏକ ନୂତନ ଯୁଗର ଆରମ୍ଭ କରିବାକୁ ଯାଉଛି । ଏହି ଭିତ୍ତିଭୂମି ନୂତନ ସମୁଦ୍ର କେବୁଲ ନେଟୱାର୍କରେ ନିବେଶ ଦ୍ବାରା ଏବଂ ସ୍ବଚ୍ଛ ଶକ୍ତି ଦ୍ବାରା ପରିଚାଳିତ ଏଆଇ-ପ୍ରଥମ ଡାଟା ସେଣ୍ଟର ସ୍ଥାପତ୍ୟ କ୍ଷେତ୍ରରେ ନୂତନ ଭୂମି ସୃଷ୍ଟି କରିଛି। ଏହା କେବଳ ଏଆଇ-ଚାଳିତ ସେବାର ଏକ ନୂତନ ଯୁଗକୁ ଇନ୍ଧନ ଦେବ ନାହିଁ ବରଂ ସାରା ଦେଶରେ ଉଚ୍ଚ-ମୂଲ୍ୟର ଚାକିରି ଏବଂ ଆର୍ଥକ ସୁଯୋଗ ସୃଷ୍ଟି କରିବ। ଏହି ସହଭାଗୀତା ଭାରତରେ ବିଶ୍ବସ୍ତରୀୟ ପ୍ରଯୁକ୍ତିବିଦ୍ୟା ଆଣିବା ଗୌରବର ବିଷୟ।" ଭାରତ ଏଆଇ ମିଶନର ଲକ୍ଷ୍ୟକୁ ଆଗକୁ ବଢ଼ାଇବାରେ ଏହି ହବର ଭୂର୍ମିକା ଉପରେ ଗୁରୁତ୍ବାରୋପ କରି ମନ୍ତ୍ରୀ କହିଛନ୍ତି, ଏହି ଡିଜିଟାଲ୍ ଭିତ୍ତିଭୂମି ଇଣ୍ଡିଆ ଏଆଇ ମିଶନର ଲକ୍ଷ୍ୟ ପୂରଣ କରିବାରେ ବିଶେଷ ସହାୟକ ହେବ।"

ଶ୍ରୀ ଅଶ୍ବିନୀ ବୈଷ୍ଣବ ଭାରତର ଡିଜିଟାଲ୍ ଅର୍ଥବ୍ୟବସ୍ଥାରେ ଏଆଇ ସେବାଗୁଡ଼ିକୁ ଏକ ପ୍ରମୁଖ ଉଦୀୟମାନ କ୍ଷେତ୍ର ଭାବରେ ଅଭିହିତ କରିଥିଲେ । ପ୍ରତିଭା ଏବଂ ନିଯୁକ୍ତି ସୃଷ୍ଟି ପାଇଁ ଏହି ସୁବିଧାକୁ ବ୍ୟବହାର କରିବାକୁ ପାଇଁ କେନ୍ଦ୍ର ମନ୍ତ୍ରୀ ଗୁଗୁଲକୁ ଅନୁରୋଧ କରିଥିଲେ। ଇଣ୍ଡିଆ ଏଆଇ ମିଶନ ଅଧୀନରେ ସାଧାରଣ କମ୍ପ୍ୟୁଟ୍ ଭିତ୍ତଭୂମିର ଅଂଶ ଭାବରେ ଏନଭିଡିଆର ଜିପିୟୁ (ଗ୍ରାଫିକ୍ସ ପ୍ରୋସେସିଂ ୟୁନିଟ୍) ସହିତ ପ୍ରତିଦ୍ବନ୍ଦିତା କରିବା

ପାଇଁ ସେ ଗୁଗୁଲର ଟିପିୟୁ (ଟେନସର ପ୍ରୋସେସିଂ ୟୁନିଟ୍)କୁ ସ୍ବାଗତ କରିଥିଲେ। ମନ୍ତ୍ରୀ ଏହା ମଧ୍ୟ ଆଲୋକପାତ କରିଥିଲେ ଯେ ଏଆଇ ହବ୍ ଇଣ୍ଡିଆ ଏଆଇ ମିଶନର ଲକ୍ଷ୍ୟକୁ ସାକାର କରିବା ଦିଗରେ ବିଶେଷ ସହାୟକ ହେବ। ଦ୍ରୁତ ଏଆଇ-ଚାଳିତ ପରିବର୍ତ୍ତନ ମଧ୍ୟରେ ଆଇଟି ପେସାଦାରମାନଙ୍କର ବ୍ୟାପକ ଉନ୍ନତ କୌଶଳ ବିକାଶ ଏବଂ ଉନ୍ନତୀକରଣର ଆବଶ୍ୟକତା ଉପରେ ଶ୍ରୀ ବୈଷ୍ଣବ ଗୁରୁତ୍ବାରୋପ କରିଥିଲେ।

ସେ ଗୁଗୁଲକୁ ଏହି ପ୍ରୟାସରେ ଶିଳ୍ପକୁ ସମର୍ଥନ କରିବାକୁ ଅନୁରୋଧ କରିଥିଲେ।

କେନ୍ଦ୍ର ମନ୍ତ୍ରୀ ସମୁଦ୍ର ତଳ କେବୁଲ ସଂଯୋଗ ଉପରେ ଗୁରୁତ୍ବାରୋପ କରି କହିଥିଲେ, “ଆଣ୍ଡାମାନ ৩০° ନିକୋବର ଦ୍ବୀପପୁଞ୍ଜ ରଣନୀର୍ତିକ ଭାବରେ ଗୁରୁତ୍ଵପୂର୍ଣ୍ଣ ସ୍ଥାନରେ ଅବସ୍ଥିତ। ସିଙ୍ଗାପୁର ପୂର୍ବରୁ ଅତ୍ୟଧୂକ ଚାପରେ ରହିଛି। ଆମେ କାହିଁକି ଆଣ୍ଡାମାନକୁ ବିଶ୍ବ ଇଣ୍ଟରନେଟ୍ ଡାଟା ସ୍ଥାନାନ୍ତର ପାଇଁ ପରବର୍ତ୍ତୀ ପ୍ରମୁଖ କେନ୍ଦ୍ର କରିପାରିବା ନାହିଁ? ଭାରତ ସରକାରଙ୍କ ଦୃଷ୍ଟିକୋଣରୁ, ଆମେ ଏହି ପଦକ୍ଷେପ ପାଇଁ ପୂର୍ଣ୍ଣ ସମର୍ଥନ ପ୍ରଦାନ କରିବୁ। ଆଣ୍ଡାମାନ ଦ୍ବୀପପୁଞ୍ଜ ଗୁଗୁଲ୍ ଏବଂ ଅନ୍ୟାନ୍ୟ ଇଣ୍ଟରନେଟ୍-ଭିତ୍ତିକ ସଂଗଠନଗୁଡ଼ିକୁ ଦକ୍ଷିଣ-ପୂର୍ବ ଏସିଆ, ଅଷ୍ଟ୍ରେଲିଆ ଏବଂ ନୂତନ ଡାଟା କ୍ଷମତା ଖୋଜୁଥ‌ିବା ଅନ୍ୟାନ୍ୟ ଅଞ୍ଚଳ ସହିତ ସଂଯୋଗ କରିବାରେ ସାହାଯ୍ୟ କରିପାରିବ।"

କେନ୍ଦ୍ର ମନ୍ତ୍ରୀ ଉତ୍ତର-ପୂର୍ବ ରାଜ୍ୟଗୁଡ଼ିକରେ ଡିଜିଟାଲ୍ ସଂଯୋଗକୁ ସୁଦୃଢ଼ କରିବା ପାଇଁ ଏକ ଭାଇଜାଗ୍-ସିକ୍ସେ (ମିଆଁମାର) ଲିଙ୍କ୍ ସ୍ଥାପନ କରିବାର ପ୍ରସ୍ତାବ ମଧ୍ଯ ଦେଇଥିଲେ । ବେ ବର୍ତ୍ତମାନର ରେଳଟେଲ୍ ନେଟୱାର୍କକୁ ବୃଦ୍ଧି କରିବାର ଆବଶ୍ୟକତା ଉପରେ ଆଲୋକପାତ କରିଥିଲେ। ସେ ଉଲ୍ଲେଖ କରିଥିଲେ ଯେ ମିଆଁମାର ଦେଇ ମିଜୋରାମକୁ କେବୁଲ ବିସ୍ତାର କରିବା ଏକ ପ୍ରମୁଖ ପଦକ୍ଷେପ ହେବ, କାରଣ ସାଇରାଙ୍ଗ ପର୍ଯ୍ୟନ୍ତ ରେଳ ଲାଇନ ପୂର୍ବରୁ ସମ୍ପୂର୍ଣ୍ଣ ହୋଇସାରିଛି ଏବଂ ମାନ୍ୟବର ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ ଏହାକୁ ର୍ମିଆଁମାର ସୀମା ପର୍ଯ୍ୟନ୍ତି ବିସ୍ତାର କରିବା ପାଇଁ କାର୍ଯ୍ୟ ଚାଲିଛି।

ଆନ୍ଧ୍ର ପ୍ରଦେଶର ମୁଖ୍ୟମନ୍ତ୍ରୀ ଶ୍ରୀ ଏନ. ଚନ୍ଦ୍ରବାବୁ ନାଇଡୁ ଏହି ଅବସରରେ କହିଛନ୍ତି, ଆନ୍ଧ୍ର ପ୍ରଦେଶରେ ଏହି ଗୁରୁତ୍ବପୂର୍ଣ୍ଣ ନିବେଶ ଭାରତର ଡିଜିଟାଲ୍ ପରିବର୍ତ୍ତନ ଯାତ୍ରାରେ ଏକ ନୂତନ ଅଧ୍ୟାୟ । ଗୁଗୁଲ୍ କ୍ଲାଉଡ୍‌ର ସିଇଓ ଥମାସ୍ କୁରିଆନ୍ ଆଲୋକପାତ କରିଥିଲେ, ବିଶାଖାପାଟଣାରେ ଥ‌ିବା ଗୁଗୁଲ୍ ଏଆଇ ହବ୍ ଭାରତର ଡିଜିଟାଲ୍ ଭବିଷ୍ୟତରେ ଏକ ଐତିହାସିକ ନିବେଶକୁ ପ୍ରତିନିଧୂତ୍ବ କରେ। ବ୍ୟାପକ ଆକାରରେ ଶିଳ୍ପ ଆଧାରିତ ଏଆଇ ଭିତ୍ତିଭୂମି ପ୍ରଦାନ କରି ଆମେ ବ୍ୟବସାୟଗୁଡ଼ିକୁ ଦ୍ରୁତ ନବସୃଜନ କରିବାକୁ ଏବଂ ସମାବେଶୀ ଅଭିବୃଦ୍ଧି ପାଇଁ ଅର୍ଥପୂର୍ଣ୍ଣ ସୁଯୋଗ ସୃଷ୍ଟି କରିବାକୁ ସକ୍ଷମ କରୁଛୁ।

ଗୁଗୁଲ୍ ଆନ୍ଧ୍ରପ୍ରଦେଶର ବିଶାଖାପାଟଣାରେ ଏକ କୃତ୍ରିମ ବୁଦ୍ଧିମତ୍ତା (ଏଆଇ) ହବ୍ ପ୍ରତିଷ୍ଠା ଘୋଷଣା କରିଛି, ଯାହା କମ୍ପାନୀକୁ ସମଗ୍ର ଭାରତରେ ଏଆଇ-ଚାଳିତ ପରିବର୍ତ୍ତନକୁ ତ୍ବରାନ୍ବିତ କରିବା ଲକ୍ଷ୍ୟରେ ଏହାର ସମ୍ପୂର୍ଣ୍ଣ ଏଆଇ ଷ୍ଟାକ୍ ନିୟୋଜିତ କରିବାକୁ ସକ୍ଷମ କରିବ। ନୂତନ ଏଆଇ ହବ୍ ଉନ୍ନତ ଏଆଇ ଭିତ୍ତିଭୂମି, ଡାଟା ସେଣ୍ଟର କ୍ଷମତା, ବଡ଼ ପରିମାଣର ନବୀକରଣୀୟ ଶକ୍ତି ଉତ୍ସ ଏବଂ ଏକ ବିସ୍ତାରିତ ଫାଇବର-ଅପ୍ଟିକ୍ ନେଟୱାର୍କକୁ ଗୋଟିଏ ସ୍ଥାନରେ ଏକାଠି କରିବ।

ପାଞ୍ଚ ବର୍ଷ (2026-2030) ମଧ୍ୟରେ ପ୍ରାୟ 15 ବିଲିୟନ ଡଲାରର ଏହି ନିବେଶ ଭାରତରେ ଗୁଗୁଲର ଏପର୍ଯ୍ୟନ୍ତ ସର୍ବବୃହତ ନିବେଶ ଏବଂ ଭାରତ ସରକାରଙ୍କ ବିକଶିତ ଭାରତ ଦୃଷ୍ଟିକୋଣ ସହିତ ସମନ୍ବୟ ରଖୁଛି, ଯାହା ଏଆଇ-ଚାଳିତ ସେବାଗୁଡ଼ିକର ବିସ୍ତାରକୁ ତ୍ବରାନ୍ବିତ କରିବାକୁ ଚେଷ୍ଟା କରେ।

ବିଶାଖାପାଟଣାର ଗୁଗୁଲ୍ ଏଆଇ ହବ୍ ରେ ଏକ ଉଦ୍ଦେଶ୍ୟ-ନିର୍ମିତ ଡାଟା ସେଣ୍ଟର କ୍ୟାମ୍ପସ୍ ଅନୁର୍ଭୁକ୍ତ ହେବ, ଯାହା ସାରା ଭାରତ ଏବଂ ସାରା ବିଶ୍ବରେ ଡିଜିଟାଲ୍ ସେବାର ଚାହିଦା ପୂରଣ କରିବାରେ ସାହାଯ୍ୟ କରିବା ପାଇଁ ଗିଗାୱାଟ୍-ସ୍କେଲ କମ୍ପ୍ୟୁଟ୍ କ୍ଷମତା ଯୋଗ କରିବ

ଏହି ଏଆଇ ହବ୍ ବ୍ୟବସାୟ ଏବଂ ସଂଗଠନଗୁଡ଼ିକୁ ସେମାନଙ୍କର ନିଜସ୍ବ ଏଆଇ-ଚାଳିତ ସମାଧାନ ନିର୍ମାଣ ଏବଂ ସ୍କେଲ୍ କରିବା ପାଇଁ ଆବଶ୍ୟକ ଉଚ୍ଚ-କାର୍ଯ୍ୟକ୍ଷମତା ।ର୍ଯ୍ୟକ୍ଷମତା ଏବଂ ଏବଂ କମ୍-ଲାଟେନ୍ସୀ ସେବା ମଧ୍ୟ ପ୍ରଦାନ କରିବ, ଗବେଷଣା ଏ ଏବଂ ବିକାଶକୁ ତ୍ବରାନ୍ବିତ କରିବ ଏବଂ ଶେଷରେ ଭାରତକୁ ଏଆଁଇ-ଚାଳିତ ଭବିଷ୍ୟତରେ ଏକ ବିଶ୍ବ ନେତା ଭାବରେ ନିଜର ସ୍ଥାନ ସୁରକ୍ଷିତ କରିବାରେ ସାହାଯ୍ୟ କରିବ।