ରାଞ୍ଚି ଆକାଶବାଣୀ କେନ୍ଦ୍ରରେ 'ବିକଶିତ ଭାରତ ୨୦୪୭ ' ଉପରେ ଆଲୋଚନା
ରାଞ୍ଚି ଆକାଶବାଣୀ କେନ୍ଦ୍ରରେ 'ବିକଶିତ ଭାରତ ୨୦୪୭ ' ଉପରେ ଆଲୋଚନା
ଏଫ ଏମ୍ ପ୍ରସାରଣର ସମ୍ପୂର୍ଣ୍ଣ ଉପଯୋଗ ପାଇଁ ଏଡିଜିଙ୍କ ପରାମର୍ଶ
ରାଞ୍ଚି, ୧୯/୦୨/୨୦୨୬ : ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ପତ୍ର ସୂଚନା କାର୍ଯ୍ୟାଳୟ ରାଞ୍ଚି/ଭୁବନେଶ୍ବରର ଅତିରିକୁ
ମହାନିର୍ଦ୍ଦେଶକ ଶ୍ରୀ ଅଖେଳ କୁମାର ମିଶ୍ର ରାଞ୍ଚିକୁ ତାଙ୍କର ତିନି ଦିନିଆ ଗସ୍ତରେ ଯାଇ ଆଜି ରାଞ୍ଚି ଆକାଶବାଣୀ କେନ୍ଦ୍ର ପରିଦର୍ଶନ କରିଛନ୍ତି । ଏହି ଅବସରରେ ସେ ଅଧୂକାରୀ ଏବଂ କର୍ମଚାରୀଙ୍କ ସହ ଆଲୋଚନା କରିବା ସହିତ 'ବିକଶିତ ଭାରତ ୨୦୪୭' ଲକ୍ଷ୍ୟ ସମ୍ପର୍କରେ ଗଣମାଧ୍ୟମ ଏବଂ ପ୍ରସାରଣ କ୍ଷେତ୍ରରେ ହେଉଥିବା ଡିଜିଟାଲ ପରିବର୍ତ୍ତନ ଉପରେ ବିସ୍ତୃତ ଭାବେ ମତ ବିନିମୟ କରିଥିଲେ ।
ଶ୍ରୀ ମିଶ୍ର କହିଥିଲେ ଯେ ସମଗ୍ର ବିଶ୍ବରେ ଡିଜିଟାଲ ପରିବର୍ତ୍ତନ ଦ୍ରୁତ ଗତିରେ ଘଟୁଛି ଏବଂ ଭାରତ ମଧ୍ୟ ଏହି ପରିବର୍ତ୍ତନର ଏକ ଗୁରୁତ୍ଵପୂର୍ଣ୍ଣ ଅଂଶ । ସେ କହିଛନ୍ତି ଯେ ଜନସାଧାରଣଙ୍କ ସୂଚନା ଏବଂ ମନୋରଞ୍ଜନର ବ୍ୟବହାର ଢାଞ୍ଚାରେ ବ୍ୟାପକ ପରିବର୍ତ୍ତନ ଆସିଛି, ଯାହା ସୂଚନା ପ୍ରସାର ପ୍ରକ୍ରିୟାକୁ ମଧ୍ୟ ପ୍ରଭାବିତ କରିଛି। ନୂତନ ମନୋରଞ୍ଜନ ମାଧ୍ୟମ ଏବଂ ଡିଜିଟାଲ ପ୍ଲାଟଫର୍ମର ଆଗମନ ସହିତ, ବିଷୟବସ୍ତୁର ପ୍ରକୃତି ଏବଂ ଏହାର ଚାହିଦା କ୍ରମାଗତ ଭାବରେ ବଦଳୁଛି।
ସେ କହିଥିଲେ ଯେ ଗଣମାଧ୍ଯମ କ୍ଷେତ୍ରରେ ଆଜି ଅନେକ ଧାରା ପ୍ରଚଳିତ ରହିଛି, ଯାହା ୩୦ ବର୍ଷ ପୂର୍ବେ ନଥ୍ଲା । ବୈଷୟିକ ପ୍ରଗତି ସହ ସ୍ଥାନୀୟ କଣ୍ଟେଣ୍ଟର ଗୁରୁତ୍ବ ମଧ୍ୟ ବୃଦ୍ଧି ପାଇଛି । ବିଶେଷ କରି ରାଞ୍ଚି ଭଳି ସହରରେ ଏହା ଉପରେ ଧ୍ୟାନ ଦିଆଯିବା ଆବଶ୍ୟକ ।
ଶ୍ରୀ ମିଶ୍ର ଆକାଶବାଣୀ କେନ୍ଦ୍ରର କର୍ମଚାରୀମାନଙ୍କୁ ପ୍ରଶଂସା କରି କହିଥିଲେ ଯେ ସ୍ଥାନୀୟ ବିଷୟବସ୍ତୁ ଏବଂ ଆଞ୍ଚଳିକ ସାମଗ୍ରୀକୁ ପ୍ରୋତ୍ସାହିତ କରିବାରେ ସେମାନଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଛି। ଏଫ.ଏମ. ପ୍ରସାରଣରେ ସୃଜନଶୀଳତାର ବିପୁଳ ସମ୍ଭାବନା ରହିଛି ବୋଲି ଉଲ୍ଲେଖ କରି ସେ କର୍ମଚାରୀମାନଙ୍କୁ ଏହି ସୁଯୋଗର ସମ୍ପୂର୍ଣ୍ଣ ଉପଯୋଗ କରିବାକୁ ଆହ୍ବାନ କରିଥିଲେ। ସେ ଏହା ମଧ୍ୟ କହିଥିଲେ ଯେ ପ୍ରସାରଣ କ୍ଷେତ୍ରରେ ଆର୍ଥକ ଦିଗ ଗୁରୁତ୍ବପୂର୍ଣ୍ନ, କିନ୍ତୁ ଲାଭର ଉଦ୍ଦେଶ୍ୟ ରଖ୍ କେବେ ବି ଜନସେବାର ମୌଳିକ ଲକ୍ଷ୍ୟକୁ ଦୁର୍ବଳ କରିବା ଉଚିତ ନୁହେଁ। କାର୍ଯ୍ୟକ୍ରମ ସମୟରେ, ଗଣମାଧ୍ୟମ ଏବଂ ପ୍ରସାରଣର ପରିବର୍ତ୍ତିତ ପ୍ରକୃତି, ଡିଜିଟାଲ୍ ଯୁଗରେ ବିଷୟବସ୍ତୁ ସୃଷ୍ଟି, ସୂଚନା ପ୍ରସାରରେ ନୂତନ ଧାରା ଏବଂ ଜନସେବା ପ୍ରସଙ୍ଗରେ ପ୍ରସାରଣ ଗଣମାଧ୍ୟମର ଭୂମିକା ଉପରେ ଏକ ଅର୍ଥପୂର୍ଣ୍ନ ଆଲୋଚନା ହୋଇଥିଲା।
ଏହି ଆଲୋଚନା ଅଧୂକାରୀ ଏବଂ କର୍ମଚାରୀଙ୍କ ପାଇଁ ଜ୍ଞାନପ୍ରଦ ଏବଂ ପ୍ରେରଣାଦାୟୀ ଥୂଲା। ରାଞ୍ଚି ଆକାଶ ବାଣୀ କେନ୍ଦ୍ରର ମୁଖ୍ୟ ଶ୍ରୀ ଡି. ସି. ହେମ୍ବ୍ରମ୍, କାର୍ଯ୍ୟକ୍ରମ ମୁଖ୍ୟ ଶ୍ରୀ ଜାଭିୟର୍ କାଣ୍ଡୁଲନା, ସମ୍ବାଦ ବିଭାଗ ମୁଖ୍ୟ ଶ୍ରୀମତୀ ମହବିଶ୍ ରହମାନ୍, କାର୍ଯ୍ୟକ୍ରମ ନିର୍ଦ୍ଦେଶକ ଶ୍ରୀ ପ୍ରଭୁ ଶରଣ, କାର୍ଯ୍ୟକ୍ରମ ନିର୍ଦ୍ଦେଶକ ଶ୍ରୀ ସଞ୍ଜୀବ କୁମାର ଲାଲ୍, ଆକାଶ ବାଣୀ କେନ୍ଦ୍ରର ଉଦଘୋଷକମାନେ ଏହି ବୈଠକରେ ଉପସ୍ଥିତ ଥିଲେ।
