ଅମିତ ଶାହ ଙ୍କ ସାଗର ଜୈବିକ ପ୍ରକଳ୍ପ ଉଦଘାଟନ...
ମୋଦୀ ସରକାର ଏହା ସୁନିଶ୍ଚିତ କରିବେ ଯେ ସମବାୟ ସମିତିଗୁଡ଼ିକ ଦ୍ବାରା ଉତ୍ପାଦିତ ୫୦ ପ୍ରତିଶତ ଦୁଗ୍ଧ ଜାତୀୟ ଏବଂ ଅନ୍ତର୍ଜାତୀୟ ବଜାରରେ ପହଞ୍ଚିବ, ଯାହାଦ୍ବାରା ପଶୁପାଳକମାନେ ଉପକୃତ ହେବେ
କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି ଭିଡିଓ କନଫରେଟିଂ ଜରିଆରେ ଗୁଜରାଟରେ ଶ୍ରୀ ମୋତିଭାଇ ଆର ଚୌଧୁରୀ ସାଗର ସୈନିକ ସ୍କୁଲ (ଏମଆରସିଏସଏସ) ଏବଂ ସାଗର ଜୈବିକ କାରଖାନାକୁ ଉଦଘାଟନ କରିଛନ୍ତି। ଏହି ଅବସରରେ ଗୁଜରାଟର ମୁଖ୍ୟମନ୍ତ୍ରୀ ଶ୍ରୀ ଭୂପେନ୍ଦ୍ର ପଟେଲଙ୍କ ସମେତ ଅନେକ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।
ନିକଟରେ ଦିଲ୍ଲୀରେ ଘଟିଥିବା କାର୍ ବିସ୍ଫୋରଣରେ ପ୍ରାଣ ହରାଇଥିବା ପରିବାରବର୍ଗଙ୍କ ପ୍ରତି କେନ୍ଦ୍ର ସମବାୟ ମନ୍ତ୍ରୀ ଗଭୀର ସମବେଦନା ବ୍ୟକ୍ତ କରିଛନ୍ତି। ସେ କହିଥିଲେ ଯେ, ଏହି ଆତଙ୍କବାଦୀ କାର୍ଯ୍ୟକଳାପ ପାଇଁ ଦାୟୀ ସମସ୍ତଙ୍କୁ କଠୋର ଦଣ୍ଡ ସୁନିଶ୍ଚିତ କରିବା ଲାଗି ପ୍ରଧାନମନ୍ତ୍ରୀଙ୍କ ସଂକଳ୍ପ ନିଶ୍ଚିତ ଭାବେ ପୂରଣ ହେବ। ଦିଲ୍ଲୀ ଆତଙ୍କବାଦୀ ଆକ୍ରମଣର ଅପରାଧୀମାନଙ୍କୁ ଦିଆଯିବା ଦଣ୍ଡ ବିଶ୍ବକୁ ଏକ ବାର୍ତ୍ତା ପଠାଇବ ଯେ, ଆମ ଦେଶରେ ଏପରି ଆକ୍ରମଣ ବିଷୟରେ କେହି ଚିନ୍ତା କରିବାକୁ ସାହସ କରିବା ଉଚିତ୍ ନୁହେଁ।
ଶ୍ରୀ ଶାହ କହିଛନ୍ତି, ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସମଗ୍ର ବିଶ୍ବ ଗତ ୧୧ ବର୍ଷ ମଧ୍ୟରେ ଆତଙ୍କବାଦ ବିରୋଧରେ ଭାରତର ଲଢ଼େଇକୁ ସ୍ବୀକୃତି ଦେଇଛି ଏବଂ ପ୍ରଧାନମନ୍ତ୍ରୀ ମୋଦୀ ବିଶ୍ବ ସ୍ତରରେ ଏହି ଲଢ଼େଇର ନେତୃତ୍ୱ ନେବାରେ ଆଗରେ
ଅଛନ୍ତି। ଯେଉଁମାନେ ଏହି କାପୁରୁଷୋଚିତ କାର୍ଯ୍ୟ କରିଛନ୍ତି ଏବଂ ଏହା ପଛରେ ଅଛନ୍ତି, ସମସ୍ତଙ୍କୁ ଆଇନ ଆଗକୁ ଅଣାଯିବ ଏବଂ ଯଥାସମ୍ଭବ କଠୋର ଦଣ୍ଡ ଦିଆଯିବ। ଭାରତ ସରକାର ଏବଂ ଗୃହ ମନ୍ତ୍ରଣାଳୟ ଏହାକୁ ସୁନିଶ୍ଚିତ କରିବା ପାଇଁ ସମ୍ପୂର୍ଣ୍ଣ ଭାବେ ପ୍ରତିଶ୍ରୁତିବଦ୍ଧ।
କେନ୍ଦ୍ର ସମବାୟ ମନ୍ତ୍ରୀ କହିଛନ୍ତି ଯେ, ଆଜି ସାଗର ଜୈବିକ କାରଖାନା ଏବଂ ମୋତିଭାଇ ଚୌଧୁରୀ ସାଗର ସୈନିକ ସ୍କୁଲର ଉଦଘାଟନ ହୋଇଛି। 'ମୋତିଭାଇ କାକା' ହେଉଛନ୍ତି ମାନସାର ସମସ୍ତ ନାଗରିକଙ୍କ ପାଇଁ ଏକ ଆଦର୍ଶ ଏବଂ ପ୍ରେରଣା। ମୋତିଭାଇ ଏପରି ଏକ ଜୀବନ ବିତାଇଥିଲେ ଯାହା ସମ୍ପୂର୍ଣ୍ଣ ଭାବେ ମହାତ୍ମା ଗାନ୍ଧୀଙ୍କ ନୀତି ଉପରେ ଆଧାରିତ ଥୂଲା-ସଜୋଟ, ସ୍ବଚ୍ଛ ଏବଂ ଅସଂଖ୍ୟ ଲୋକଙ୍କ ମଧ୍ୟରେ ଏହି ମୂଲ୍ୟବୋଧଗୁଡ଼ିକର ପ୍ରସାର ପାଇଁ ସମର୍ପିତ। ସେ ଆହୁରି ମଧ୍ୟ କହିଛନ୍ତି ଯେ, ସେହି ସମୟରେ, ସମସ୍ତ ମହାନ ବ୍ୟକ୍ତି ଗୁଜରାଟର ପଶୁପାଳକ, କୃଷକ ଏବଂ ଗ୍ରାମ୍ୟ ସମୃଦ୍ଧିର ଦ୍ବାର ଖୋଲିବା ପାଇଁ କାର୍ଯ୍ୟ କରିଥିଲେ। ଆଜି ଅମୁଲ ବିଶ୍ବର ଏକ ନମ୍ବର ସମବାୟ ବ୍ରାଣ୍ଡରେ ପରିଣତ ହୋଇଛି ଏବଂ ଏହାର ମୂଳଦୁଆ ସେହି ସମୟର ବିଶିଷ୍ଟ ବ୍ୟକ୍ତିବିଶେଷଙ୍କ ଦ୍ବାରା ସ୍ଥାପନ କରାଯାଇଥିଲା।
ଶ୍ରୀ ଶାହ କହିଥିଲେ ଯେ, ମୋତିଭାଇ ଚୌଧୁରୀଙ୍କ ନାମରେ ସ୍ଥାପିତ ସାଗର ସୈନିକ ସ୍କୁଲ ଗୁଜରାଟର ଅନେକ ଜିଲ୍ଲାର ପିଲାମାନଙ୍କ ପାଇଁ ଭାରତୀୟ ସଶସ୍ତ୍ର ବାହିନୀରେ ସେବା କରିବାର ପଥ ଉନ୍ମୁକ୍ତ କରିବ। ଏକର ଜମିରେ ପରିବ୍ୟାପ୍ତ ଏହି ବିଦ୍ୟାଳୟଟି ୫୦ କୋଟି ଟଙ୍କା ବ୍ୟୟରେ ନିର୍ମିତ ହୋଇଛି ଏବଂ ଏଥିରେ ସ୍ମାର୍ଟ ଶ୍ରେଣୀଗୃହ, ଛାତ୍ରାବାସ, ଏକ ପାଠାଗାର ଏବଂ ଏକ କ୍ୟାଣ୍ଟିନ ସୁବିଧା ରହିଛି। ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଭାରତ ସରକାର ପିପିପି ମତେଲ ଅଧୀନରେ ସାରା ଦେଶରେ ୧୦୦ଟି ନୂତନ ସୈନିକ ବିଦ୍ୟାଳୟ ପ୍ରତିଷ୍ଠା କରିବାକୁ ନିଷ୍ପତ୍ତି ନେଇଛନ୍ତି ଏବଂ ସେଥ୍ ମଧ୍ୟରୁ ମୋତିଭାଇ ଚୌଧୁରୀ ସୈନିକ ବିଦ୍ୟାଳୟ ନିଶ୍ଚିତ ଭାବେ ମେହସାନା ପାଇଁ ଗୌରବର ପ୍ରତୀକ ହେବ।
କେନ୍ଦ୍ର ସମବାୟ ମନ୍ତ୍ରୀ କହିଛନ୍ତି, ଆଜି ସାଗର ଜୈବିକ କାରଖାନାର ମଧ୍ଯ ଉଦଘାଟନ କରାଯାଇଛି। ଅମୁଲ ବ୍ରାଣ୍ଡ ଅଧୀନରେ ବିଶ୍ବାସନୀୟ ଜୈବିକ ଉତ୍ପାଦ ଦେଶ ତଥା ବିଶ୍ବରେ ପହଞ୍ଚିବା ସୁନିଶ୍ଚିତ କରିବା ଏବଂ ଜୈବିକ ଚାଷରେ ନିୟୋଜିତ ସମସ୍ତ କୃଷକ ଉଚିତ ଲାଭ ପାଇବା ପାଇଁ ଏହି ପ୍ଲାଣ୍ଡ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଦୈନିକ ପ୍ରାୟ ୩୦ ମେଟ୍ରିକ୍ ଟନ୍ କ୍ଷମତା ବିଶିଷ୍ଟ ଏହି ପ୍ଲାଣ୍ଡ ଜାତୀୟ ଜୈବିକ ଉତ୍ପାଦନ କାର୍ଯ୍ୟକ୍ରମ (ଏନପିଓପି) ଏବଂ କୃଷି ଏବଂ ପ୍ରକ୍ରିୟାକୃତ ଖାଦ୍ୟ ଉତ୍ପାଦ ରପ୍ତାନୀ ବିକାଶ ପ୍ରାଧିକରଣ (ଏପିଇଡିଏ) ଦ୍ବାରା ପ୍ରମାଣିତ। ଏପିଇଡିଏ ସାର୍ଟିଫିକେଟ୍ କାରଣରୁ ଉତ୍ତର ଗୁଜରାଟର ପ୍ରାକୃତିକ କୃଷି କ୍ଷେତ୍ରରେ ନିୟୋଜିତ କୃଷକମାନେ ବହୁତ ଲାଭାନ୍ବିତ ହେବେ, କାରଣ ସେମାନଙ୍କ ଉତ୍ପାଦ ଏବେ ବିଶ୍ବ ବଜାରରେ ପହଞ୍ଚିପାରିବ। ଏହି ଜୈବିକ କାରଖାନାର ସମ୍ପ୍ରସାରଣ କେବଳ ସାରା ଦେଶର ନାଗରିକଙ୍କ ସ୍ବାସ୍ଥ୍ୟରେ ଉନ୍ନତି ଆଣିବ ନାହିଁ ବରଂ ଜୈବିକ ଚାଷ ସହିତ ଜଡିତ କୃଷକଙ୍କ ଆୟ ମଧ୍ୟ ବୃଦ୍ଧି କରିବ।
କେନ୍ଦ୍ର ସମବାୟ ମନ୍ତ୍ରୀ ଜୈବିକ କୃଷିରେ ନିୟୋଜିତ ସମସ୍ତ କୃଷକ ଏବଂ ସେମାନଙ୍କ ପରିବାରକୁ ଜୈବିକ ଉତ୍ପାଦ ବ୍ୟବହାର କରିବାକୁ ଅନୁରୋଧ କରିଛନ୍ତି ଯାହା ଦ୍ବାରା ସେମାନଙ୍କର ସମଗ୍ର ପରିବାର ସୁସ୍ଥ ରହିବେ। ୧୯୬୦ ମସିହାରେ ଦୁଧସାଗର ଡାଏରୀ ଦୈନିକ ମାତ୍ର ୩,୩୦୦ ଲିଟର କ୍ଷୀର ସଂଗ୍ରହ କରୁଥିଲା, ଯାହା ଏବେ ଦିନକୁ ୩୫ ଲକ୍ଷ ଲିଟରକୁ ବୃଦ୍ଧି ପାଇଛି। ଏହି ଡାଏରୀ ଗୁଜରାଟର ୧,୨୫୦ଟି ଗାଁର ପଶୁପାଳକ ଏବଂ ରାଜସ୍ଥାନ, ହରିୟାଣା, ମଧ୍ୟପ୍ରଦେଶ, ଉତ୍ତର ପ୍ରଦେଶ ଏବଂ ହିମାଚଳ ପ୍ରଦେଶର ୧୦ ଲକ୍ଷରୁ ଅଧିକ ଦୁଗ୍ଧ ଉତ୍ପାଦନ ଗୋଷ୍ଠୀ ସହିତ ସଂଯୁକ୍ତି। ଏହାର କାରବାର ୮,୦୦୦ କୋଟି ଟଙ୍କାରେ ପହଞ୍ଚିଛି। ୮ଟି ଆଧୁନିକ ଡାଏରୀ, ୨ଟି ଦୁଗ୍ଧ ଶୀତଳ କେନ୍ଦ୍ର, ୨ଟି ପଶୁଖାଦ୍ୟ କାରଖାନା ଏବଂ ୧ଟି ସିମେଣ୍ଡ ଉତ୍ପାଦନ ୟୁନିଟ୍ ସହିତ, ଦୁଧସାଗର ଡାଏରୀ ଆଜି ଗୁଜରାଟର ଶ୍ୱେତ ବିପ୍ଳବରେ ଏକ ପ୍ରମୁଖ ଭୂମିକା ଗ୍ରହଣ କରୁଛି।
