ଆଞ୍ଚଳିକ ଶିକ୍ଷା ପ୍ରତିଷ୍ଠାନରେ 'ଜାଦୁଇ ପିଟାରା' ସଚେତନତା କାର୍ଯ୍ୟକ୍ରମ
ଭୁବନେଶ୍ବର,୨୯/୦୯/୨୫: ଜେଜେବାପା ଏବଂ ଜେଜେମାଆ ହେଉଛନ୍ତି ପରିବାରର ସମ୍ପଦ, ପ୍ରେମମୟ ପରମ୍ପରାର ପ୍ରତିଷ୍ଠାତା, ମହାନ କାହାଣୀକାର ଏବଂ ଆମ ସାମାଜିକ-ସାଂସ୍କୃତିକ ଐତିହ୍ୟର ରକ୍ଷକ। ସେମାନଙ୍କର ନିଃସ୍ବାର୍ଥପର ପ୍ରେମ, ଯନ୍ତ୍ର ଓ ମାର୍ଗଦର୍ଶନ ପିଲାମାନଙ୍କ ସାମଗ୍ରିକ ବିକାଶକୁ ସମୃଦ୍ଧ କରିଥାଏ, ଯାହା ଜାତୀୟ ଶିକ୍ଷା ନୀତି ୨୦୨୦ର ସାମଗ୍ରିକ ବିକାଶ ଦୃଷ୍ଟିକୋଣ ସହିତ ସଙ୍ଗତିଶୀଳ। ଏହି ପରିପ୍ରେକ୍ଷୀରେ, ଆଞ୍ଚଳିକ ଶିକ୍ଷା ପ୍ରତିଷ୍ଠାନ ପକ୍ଷରୁ ଆଜି ଏହାର ଅନୁବନ୍ଧିତ ପିଏମ୍ ଶ୍ରୀ ପ୍ରୟୋଗିକ ବହୁମୁଖୀ ବିଦ୍ୟାଳୟ ସହଯୋଗରେ ଏକ ଅଭିନବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ଏହି କାର୍ଯ୍ୟକ୍ରମରେ ବିଦ୍ୟାଳୟର ବାଲ୍ ବାଟିକା ଛାତ୍ରଛାତ୍ରୀଙ୍କ ଜେଜେମା' ଜେଜେବାପା, ପିତାମାତା ଏଥିରେ ଅଂଶଗ୍ରହଣ କରିଥିଲେ । ଜାତୀୟ ଶିକ୍ଷାନୀତି ୨୦୨୦ ଆଧାରରେ ହୋଇଥିବା କାର୍ଯ୍ୟକ୍ରମ ଅନ୍ତର୍ଗତ ଏହି ଉତ୍ସବରେ ଆଞ୍ଚଳିକ ଶିକ୍ଷା ପ୍ରତିଷ୍ଠାନର ଭାରପ୍ରାପ୍ତ ଅଧ୍ଯକ୍ଷ ପ୍ରଫେସର ଲକ୍ଷ୍ମୀଧର ବେହେରା ଯୋଗଦେଇ ଭାରତ ସରକାରଙ୍କ ଶିକ୍ଷା ମନ୍ତ୍ରାଳୟ ଅନ୍ତର୍ଗତ ଏନ୍.ସି.ଇ.ଆର୍.ଟିର ଯାଦୁପେଡ଼ି କିଭଳି କୋମଳମୋତି ଛାତ୍ରଛାତ୍ରୀଙ୍କୁ ଶାରୀରିକ ଓ ମାନସିକ ଆନନ୍ଦ ଦେବା ସହ ଭାରତୀୟ ଜ୍ଞାନ ପରମ୍ପରାକୁ ଅବଗତ କରାଏ ବୋଲି ବୁଝାଇ କହିଥିଲେ।
ବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଅଖ୍ଳେଶ୍ବର ମିଶ୍ର, ଜେଜେମା' ଜେଜେବାପା କିପରି ପରିବାରକୁ ଏକତ୍ର ବାନ୍ଧି ରଖ୍ ପାରିବାରିକ ବନ୍ଧନକୁ ଦୃଢ଼ ଓ ଶକ୍ତି କରନ୍ତି ସେ ବିଷୟରେ ବୁଝାଇ କହିଥିଲେ । ପରେ ସେ “ଯାଦୁଇ ପିଟାରା" ଭିତରେ ଥିବା ବିଭିନ୍ନ ଶିକ୍ଷଣ ସାମଗ୍ରୀ ପ୍ରଦର୍ଶନ କରି, ଶିଶୁ ବିକାଶରେ ଏହାର ବିଭିନ୍ନ ପ୍ରାସଙ୍ଗିକତା ଏବଂ ପ୍ରୟୋଗ ବିଷୟରେ ବୁଝାଇଥିଲେ।
କାର୍ଯ୍ୟକ୍ରମରେ ଉପସ୍ଥିତ ଥୂବା ଜେଜେବାପା ଓ ଜେଜେମାଆମାନେ ‘ଯାଦୁଇ ପିଟାରା' ଅନୁସନ୍ଧାନ କରିବାରେ ବହୁତ ଆଗ୍ରହ ପ୍ରଦର୍ଶନ କରିଥିଲେ ଏବଂ ତୃଣମୂଳ ସ୍ତରରେ ଶିକ୍ଷାକୁ ସୁଦୃଢ଼ କରିବା ପାଇଁ ଏନ.ସି.ଇ.ଆର.ଟି.ର ପଦକ୍ଷେପକୁ ପ୍ରଶଂସା କରିଥିଲେ।
ପରିଶେଷରେ ବାଲ ବାଟିକାର କୁନିକୁନି ପିଲାମାନଙ୍କ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏହି ସୁବସରରେ ପିତାମାତା, ଶିକ୍ଷକ ଓ ଆଞ୍ଚଳିକ ଶିକ୍ଷା ପ୍ରତିଷ୍ଠାନ ପକ୍ଷର ଅଧ୍ୟାପକମାନେ ସହଭାଗୀ ହୋଇଥିଲେ, ଯାହା ଏହି କାର୍ଯ୍ୟକ୍ରମକୁ ସହଯୋଗୀତାପୂର୍ଣ୍ଣ ଓ ସମୃଦ୍ଧ କରିଥିଲା ।
