ଦିଶା ପ୍ରୋଜେକଟ (ନିଶା ନିବାରଣ) କେନ୍ଦ୍ର ଅନୁମତିକୁ ନେଇ ବଡ଼ ଦୁର୍ନୀତିର ଅଭିଯୋଗ...

ଓଡ଼ିଶା ସରକାରଙ୍କ SSEPD ବିଭାଗ ତରଫରୁ ୨୦୨୫-୨୬ ବର୍ଷ ପାଇଁ ୫ ଟି ଜିଲ୍ଲା ଯଥା ଅନୁଗୋଳ, ବଲାଙ୍ଗୀର, ମାଲକାନଗିରି, ନବରଙ୍ଗପୁର ଓ ଖୋର୍ଦ୍ଧା ଜିଲ୍ଲା ର ଭୁବନେଶ୍ୱର ପାଇଁ DISHA PROJECT (ନିଶା ନିବାରଣ) କେନ୍ଦ୍ର ପରିଚାଳନା କରିବା ହେତୁ ଅଭିଜ୍ଞତା ନ ଥିବା ଅନୁଷ୍ଠାନ ମାନଙ୍କୁ ଅନୁମତି ଦିଆ ହେବାକୁ ସ୍ଥିରୀକୃତ ହୋଇଅଛି । 

ଏହା ବିଶ୍ୱସ୍ତ ସୂତ୍ରରୁ ତଥା ଅନୁମତି ପାଇବାକୁ ଥିବା ଅନୁଷ୍ଠାନ ମାନଙ୍କର କର୍ମଚାରୀ ମାନଙ୍କ ଠାରୁ ଜାଣିବାକୁ ମିଳିଛି ଯେ, ସରକାରଙ୍କ ପ୍ରତିଷ୍ଠିତ ବ୍ୟକ୍ତିତ୍ୱ ଓ ଅଧିକାରୀ ଉତ୍କୋଚ ନେଇ ଉକ୍ତ ଏନଜିଓ ଅନୁଷ୍ଠାନ ମାନଙ୍କୁ ଅନୁମତି ଦେବାକୁ ବିଭାଗକୁ ସୁପାରିଶ କରିଛନ୍ତି ।

ଅନୁଗୋଳ ଜିଲ୍ଲା ପାଇଁ ABHAHAN ନାମକ ଏକ ସଂସ୍ଥା, ଯାହାର ଏପରି କାର୍ଯ୍ୟ ପରିଚାଳନା ପାଇଁ କୌଣସି ଅନୁଭୂତି ନାହିଁ, କିନ୍ତୁ ସଂସ୍ଥାର ସମ୍ପାଦକ ମାନ୍ୟବର ଜଣେ ମନ୍ତ୍ରୀ ଙ୍କ ଭ୍ରାତା ହୋଇଥିବାରୁ ତାଙ୍କ ସୁପାରିଶରେ ଉତ୍କୋଚ ନେଇ ଉକ୍ତ ସଂସ୍ଥା କୁ ଅନୁମତି ଦେବାକୁ ବିଭାଗକୁ ନିର୍ଦ୍ଦେଶ ଦେଇଛନ୍ତି ।

ବଲାଙ୍ଗୀର ଜିଲ୍ଲା ପାଇଁ ଯୁବଜ୍ୟୋତି ଯୁବକ ସଂଘ ନାମକ ଅନୁଷ୍ଠାନଠାରୁ 12 ଲକ୍ଷ ଟଙ୍କା ଉତକୋଚ ନେଇ ସେହି ଏନଜିଓ କୁ ଅନୁମତି ଦେବାକୁ ନିଜେ ସରକାରଙ୍କ ଜଣେ ମନ୍ତ୍ରୀ ସୁପାରିଶ କରିଥିବା ଅଭିଯୋଗ ସାଧାରଣରେ ହେଉଛି l

ଆଶ୍ଚର୍ଯ୍ୟର ବିଷୟ ଏହିକି ଯେ, ନବରଙ୍ଗପୁର ଓ ମାଲକାନଗିରି ଭଳି ସମ୍ବେଦନ ଶୀଳ ଜିଲ୍ଲା ପାଇଁ ଯଥାକ୍ରମେ ପୁରୀ ଜିଲ୍ଲା ର ନୀଳାଚଳ ସେବା ପ୍ରତିଷ୍ଠାନ ଓ ଯାଜପୁର ଜିଲ୍ଲା ର CISD ଅନୁଷ୍ଠାନ କୁ ଖୋଦ୍ ବିଭାଗୀୟ ମନ୍ତ୍ରୀ ଉତ୍କୋଚ ନେଇ ଅନୁମତି ଦେବାକୁ ସୁପାରିଶ କରିଥିବା ସାଙ୍ଘାତିକ ଅଭିଯୋଗ ହେଉଛି lଏହି ଅନୁଷ୍ଠାନ ମାନଙ୍କର ଏହି ଉଭୟ ଜିଲ୍ଲା ରେ କୌଣସି ସ୍ଥିତି ନାହିଁ, କିମ୍ୱା ପୂର୍ବରୁ ନିଶା ନିବାରଣ ନେଇ କୌଣସି କାର୍ଯକ୍ରମ କରି ନାହାନ୍ତି ।

ସେହିପରି ଭୁବନେଶ୍ୱର ପାଇଁ ଗୋଟିଏ ଏନଜିଓ ଠାରୁ ସର୍ବାଧିକ ଉତ୍ତକୋଚ ନେଇ ଏହି ଅନୁଷ୍ଠାନ କୁ ଅନୁମତି ଦେବାକୁ ସରକାରଙ୍କ ଜଣେ ମାନ୍ୟବର ମନ୍ତ୍ରୀସୁପାରିଶ କରିଥିବା ଆଲୋଚନା ହେଉଛି ।

ଖୁବ୍ ଶୀଘ୍ର ଏ ନେଇ SSEPD ବିଭାଗ ତରଫରୁ ବିଧି ମୁତାବକ ନୋଟିଫିକସନ୍ ଜାରି ହେବ ବୋଲି ଉକ୍ତ ଅନୁଷ୍ଠାନ ମାନଙ୍କର କର୍ମଚାରୀ ମାନଙ୍କ ଠାରୁ ସର୍ବ ସାଧାରଣ ରେ ଶୁଣିବାକୁ ମିଳୁଛି ।

ଏ ସମସ୍ତ ପ୍ରକ୍ରିୟାରେ ମାନ୍ୟବର ମୁଖ୍ୟମନ୍ତ୍ରୀ ହସ୍ତକ୍ଷେପ କରି ଉପଯୁକ୍ତ ଅନୁସନ୍ଧାନ କରନ୍ତୁ ବୋଲି ସାମାଜିକ କର୍ମୀ ବିମ୍ବାଧର ବିଶ୍ୱାଳ ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି l

ବିମ୍ବାଧର ବିଶ୍ୱାଳ 

ସାମାଜିକ କର୍ମୀ 

ଦୂରଭାଷ -7008261125