ଯୁଦ୍ଧ ସମୟରେ ସଙ୍କଟ ରେ ଥିବା ଭାରତୀୟଙ୍କ ପାଇଁ 'ସ୍ୱତନ୍ତ୍ର କକ୍ଷ'...
ନୂଆଦିଲ୍ଲୀ: ଆମେରିକା, ଇସ୍ରାଏଲ ଏବଂ ଇରାନ ମଧ୍ୟରେ ଚାଲିଥିବା ବିବାଦ ମଧ୍ୟରେ, ବୈଦେଶିକ ମନ୍ତ୍ରଣାଳୟ (MEA) ଭାରତୀୟ ନାଗରିକଙ୍କ ସୁରକ୍ଷା ପାଇଁ ଏକ ସ୍ଵତନ୍ତ୍ର ନିୟନ୍ତ୍ରଣ କକ୍ଷ ସ୍ଥାପନ କରିଛି। ବୈଦେଶିକ ମନ୍ତ୍ରଣାଳୟ ମୁଖପାତ୍ର ରଣଧୀର ଜୟସୱାଲ ଏକ୍ସ ରେ ଏହି ସୂଚନା ଦେଇଛନ୍ତି। ଫସି ରହିଥିବା ଭାରତୀୟମାନେ କିପରି ସାହାଯ୍ୟ ପାଇପାରିବେ, ସେଥ୍ପାଇଁ ହେଲ୍ପଲାଇନ୍ ନମ୍ବର ଜାରି କରାଯାଇଛି। ଏହି ନିୟନ୍ତ୍ରଣ କକ୍ଷର ମୁଖ୍ୟ ଉଦ୍ଦେଶ୍ୟ ହେଉଛି ଇରାନ, ଇସ୍ରାଏଲ ଏବଂ ଲେବାନନର ଯୁଦ୍ଧ ପ୍ରଭାବିତ ଅଞ୍ଚଳରେ ଉପସ୍ଥିତ ଭାରତୀୟ ନାଗରିକମାନଙ୍କୁ ଜରୁରୀକାଳୀନ ସହାୟତା ପ୍ରଦାନ କରିବା। ଏହି ସେଲ୍ ସିଧାସଳଖ ଇରାନ ଏବଂ ଇସ୍ରାଏଲରେ ଥିବା ଭାରତୀୟ ଦୂତାବାସ ସହିତ ଯୋଗାଯୋଗରେ ଅଛି। ଫସି ରହିଥିବା ୩୭ଟି ଜାହାଜ ଏବଂ ୧୧୦୦ ରୁ ଅଧୂକ ନାବିକଙ୍କ ସ୍ଥିତି ମଧ୍ୟ ଏଠାରୁ ମନିଟର କରାଯାଉଛି।
ଇରାନ ଏବଂ ଇସ୍ରାଏଲ ମଧ୍ୟରେ ଚାଲିଥିବା ବିବାଦ
ଯୋଗୁଁ ସାମୁଦ୍ରିକ ବାଣିଜ୍ୟ ଗୁରୁତର ଭାବରେ ପ୍ରଭାବିତ
ହୋଇଛି। ହର୍ମୁଜ୍ ରୁଟ୍ ବନ୍ଦ ହେବା ଦ୍ବାରା ପାରସ୍ୟ
ଉପସାଗର ଏବଂ ଓମାନ ଉପସାଗରରେ ୩୭ଟି
ଭାରତୀୟ ପତାକା ଜାହାଜ ଫସି ରହିଛି। ଏହି
ଜାହାଜଗୁଡ଼ିକରେ ୧୧୦୯ ଜଣ ଭାରତୀୟ ନାବିକ
ଅଛନ୍ତି। ଏହି ଜାହାଜଗୁଡ଼ିକ ଭାରତ ପାଇଁ ଅତ୍ୟାବଶ୍ୟକ
ଅଶୋଧୂତ ତେଲ ଏବଂ ଏଲଏନଜି ପରିବହନ କରିଛନ୍ତି।
ଆକ୍ରମଣରେ ତିନି ଜଣ ଭାରତୀୟ ନାବିକଙ୍କର ମଧ୍ୟ
ମୃତ୍ୟୁ ହୋଇଛି। ପରିସ୍ଥିତିକୁ ଦେଖ୍ ଜାହାଜ ଚଳାଚଳ
ମନ୍ତ୍ରଣାଳୟ ଏକ ‘କ୍ରିକ୍ ରେସପନ୍ସ ଟିମ୍' ଗଠନ କରିଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ନିଜେ ପରିସ୍ଥିତି
ଉପରେ ନଜର ରଖୁଛନ୍ତି। ସେ ଗତ ଦୁଇ ଦିନରେ ୮ଟି
ଉପସାଗରୀୟ ରାଷ୍ଟ୍ର (ସାଉଦି ଆରବ, ବାହାରିନ,
ଜୋର୍ଡାନ, ଓମାନ, କତାର, କୁଏତ ଇତ୍ୟାଦି) ର
ରାଷ୍ଟ୍ରପତିଙ୍କ ସହ ଫୋନ୍ରେ କଥା ହୋଇଛନ୍ତି।
