କେସିଙ୍ଗାରେ ‘ଜାତୀୟ ପୋଷଣ ମାସ-୨୦୨୫' ଓ ‘ମାଙ୍କ ପାଇଁ ଗଛଟିଏ' ସଚେତନତା କର୍ମଶାଳା
କେସିଙ୍ଗା,କଳାହାଣ୍ଡି(୧୮.୦୯.୨୫): ଭାରତ ସରକାରଙ୍କ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଅଧୀନସ୍ଥ କେନ୍ଦ୍ରୀୟ ସଂଚାର ବ୍ୟୁରୋ, ଭବାନୀପାଟଣା ପକ୍ଷରୁ ‘ଜାତୀୟ ପୋଷଣ ମାସ-୨୦୨୫' ଏବଂ ‘ମା'ଙ୍କ ପାଇଁ ଗଛଟିଏ ୨.୦′ ବିଷୟବସ୍ତୁ ଉପରେ ଏକ କର୍ମଶାଳା କେସିଙ୍ଗା ବ୍ଲକ ଶୋଭାଗୃହଠାରେ ଆୟୋଜିତ ହୋଇଛି ।
ଏହି କର୍ମଶାଳାର ଉଦ୍ଘାଟନ, କ୍ଷେତ୍ର ଅଧୂକାରୀ ଖଗେଶ ବାଇପାଇଙ୍କ ସଭାପତିତ୍ୱରେ କେସିଙ୍ଗା ପଞ୍ଚାୟତ ସମିତି ଅଧ୍ଯକ୍ଷ ଚନ୍ଦନ କୁମାର ସେନାପତିଙ୍କ ପ୍ରଦୀପ ପ୍ରଜ୍ବଳନ ଦ୍ବାରା ହୋଇଥିଲା। କାର୍ଯ୍ୟକ୍ରମରେ କେସିଙ୍ଗା ଗୋଷ୍ଠୀ ଉନ୍ନୟନ ଅଧୂକାରୀ ଜନ୍ମେଜୟ ସ୍ବାଇଁ ସମ୍ମାନିତ ଅତିଥ୍ ଭାବେ ଯୋଗଦେଇଥିଲେ। ଶିଶୁ ବିକାଶ ପ୍ରକଳ୍ପ ଅଧୂକାରିଣୀ ସୁଷମା କୁମାରୀ ମିଶ୍ର, ପଶ୍ଚିକୁଡ଼ି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଡା. କୁଞ୍ଜବିହାରୀ ସାହୁ, କାଉନ୍ସେଲର ସରିତା ଝୁମା, ନୂଆପଡା ଡାକ୍ତରଖାନାର ପୂର୍ବତନ ଅତିରିକ୍ତ ଜିଲ୍ଲା ଜନସ୍ବାସ୍ଥ୍ୟ ଯୋଗାଯୋଗ ଅଧୂକାରୀ କିଶୋରେ ଚନ୍ଦ୍ର ପଟେଲ ଓ ବିଷ୍ଣୁ ଚରଣ ସାହୁ ଅତିଥ୍ ବକ୍ତା ହିସାବରେ ଯୋଗଦେଇଥିଲେ।
କର୍ମଶାଳାରେ ଅତିଥୂମାନେ ଶିଶୁ, ବାଳିକା, ଗର୍ଭବତୀ ଓ ସୁନ୍ୟପାନକାରୀ ମହିଳା ତଥା ଜନସାଧାରଣଙ୍କୁ କିପରି, କୁପୋଷଣରୁ ଦୂରେଇ ସୁସୁ ଓ ସୁନ୍ଦର ସମାଜ ଗଠନ ହେବ ସେହି ବିଷୟରେ ସଚେତନ କରିଥିଲେ। ସେମାନେ କହିଥିଲେ ଯେ, ନିଜ ମା' ପ୍ରତି ସ୍ନେହ ଓ ସମ୍ମାନ ପ୍ରଦର୍ଶନ ସହିତ ଧରିତ୍ରୀ ମା'ଙ୍କ ସୁରକ୍ଷା ପାଇଁ ମା'ଙ୍କ ନାମରେ ଗଛଟିଏ ଲଗାଇବା ଆବଶ୍ୟକ। ଏହି କାର୍ଯ୍ୟକ୍ରମରେ ଆଖପାଖ ଅଞ୍ଚଳର ଶତାଧୂକ ମହିଳା, କିଶୋରୀ ବାଳିକା, ଅଙ୍ଗନବାଡ଼ି କର୍ମୀ, ଆଶା ଓ ସ୍ବୟଂସହାୟକ ଗୋଷ୍ଠୀର ମହିଳାମାନେ ଯୋଗ ଦେଇଥିଲେ।
କାର୍ଯ୍ୟକ୍ରମର ଆରମ୍ଭରେ ଅଂଶଗ୍ରହଣକାରୀମାନଙ୍କ ସହିତ ଏକ ସଚେତନତା ପଦଯାତ୍ରା ସହର ପରିକ୍ରମା କରିଥିଲା । ଏହି ପଦଯାତ୍ରାକୁ କେସିଙ୍ଗା ପଞ୍ଚାୟତ ସମିତି ଅଧ୍ଯକ୍ଷ ଚନ୍ଦନ କୁମାର ସେନାପତି ପତାକା ଦେଖାଇ ଶୁଭାରମ୍ଭ କରିଥିଲେ। ପରେ, କାର୍ଯ୍ୟକ୍ରମ ପୂର୍ବଦିନ ମହିଳାମାନଙ୍କୁ ନେଇ ବ୍ଲକ ପ୍ରାଙ୍ଗଣରେ ବୃକ୍ଷରୋପଣ କାର୍ଯ୍ୟକ୍ରମ ସହିତ ରଙ୍ଗୋଲି ପ୍ରତିଯୋଗିତା ଆୟୋଜନ କରାଯାଇଥିଲା। ବୃକ୍ଷରୋପଣ କାର୍ଯ୍ୟକ୍ରମରେ ରାଜ୍ୟସଭା ସାଂସଦ ସୁଜୀତ କୁମାର, କେସିଙ୍ଗା ବ୍ଲକ ଅଧ୍ୟକ୍ଷ, ଗୋଷ୍ଠୀ ଉନ୍ନୟନ ଅଧୂକାରୀ, ଶିଶୁ ବିକାଶ ପ୍ରକଳ୍ପ ଅଧୂକାରିଣୀ ଓ ଅନ୍ୟାନ୍ୟ ସ୍ଥାନୀୟ ପ୍ରତିନିଧୂମାନେ ଯୋଗଦେଇଥିଲେ।
ଅଂଶଗ୍ରହଣକାରୀମାନଙ୍କୁ ନେଇ କୁଇଜ୍, ପୁଷ୍ଟିକର ଖାଦ୍ୟ ପ୍ରଦର୍ଶନୀ ଓ ରଙ୍ଗୋଲି ପ୍ରତିଯୋଗିତା ଆୟୋଜନ କରାଯାଇଥିଲା । ଏଥିରେ ବିଜେତା ପ୍ରତିଯୋଗୀମାନଙ୍କୁ କେନ୍ଦ୍ରୀୟ ସଂଚାର ବ୍ୟୁରୋ ପକ୍ଷରୁ ପୁରସ୍କୃତ ମଧ୍ୟ କରାଯାଇଥିଲା । କାର୍ଯ୍ୟକ୍ରମର ଶେଷରେ କେନ୍ଦ୍ରୀୟ ସଂଚାର ବ୍ୟୁରୋ, ଭୁବନେଶ୍ବରଙ୍କ ପକ୍ଷରୁ ପ୍ରେରିତ ଗୀତ ଓ ନାଟକ ବିଭାଗ ଦ୍ବାରା ସୂଚନାମୂଳକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।
