ମହବୁବନଗର-ସିକନ୍ଦରାବାଦ-ମେଡଚାଲ ସେକ୍ସନରେ ବୈଦ୍ୟୁତିକ ଟ୍ରାକ୍ସନ୍ ସିଷ୍ଟମ୍ ଉନ୍ନତିକରଣକୁ ଭାରତୀୟ ରେଳବାଇର ମଞ୍ଜୁରୀ
ମହବୁବନଗର-ସିକନ୍ଦରାବାଦ-ମେଡଚାଲ ସେକ୍ସନରେ ବୈଦ୍ୟୁତିକ ଟ୍ରାକ୍ସନ୍ ସିଷ୍ଟମ୍ ଉନ୍ନତିକରଣକୁ ଭାରତୀୟ ରେଳବାଇର ମଞ୍ଜୁରୀ
ଭାରତୀୟ ରେଳବାଇ ଦକ୍ଷିଣ କେନ୍ଦ୍ରୀୟ ରେଳବାଇର ମହବୁବନଗର-ସିକନ୍ଦରାବାଦ-ମେଡଚାଲ ସେକ୍ସନରେ ରେଳ ଚଳାଚଳ ବୃଦ୍ଧି ପାଇଁ ଏକ ଗୁରୁତ୍ବପୂର୍ଣ୍ଣ ପ୍ରକଳ୍ପକୁ ମଞ୍ଜୁରୀ ଦେଇଛି। ଏହି ପ୍ରକଳ୍ପ ଅଧୀନରେ, ବିଦ୍ୟମାନ ୧x୨୫ କେ. ଭି. ବୈଦ୍ୟୁତିକ ଟ୍ରାକ୍ସନ ପ୍ରଣାଳୀକୁ ଏକ ଆଧୁନିକ ୨×୨୫ କେ.ଭି. ବୈଦ୍ୟୁତିକ ଟ୍ରାକ୍ସନ ପ୍ରଣାଳୀକୁ ଉନ୍ନୀତ କରାଯିବ । ପାଖାପାଖୂ ୧୪୧ କିଲୋମିଟର ଦୀର୍ଘ ରେଳପଥ ଉପରେ ୨୮୫.୧ କୋଟି ଟଙ୍କା ବ୍ୟୟରେ ଏହି କାର୍ଯ୍ୟ ହାତକୁ ନିଆଯିବ।
ଏହି ପ୍ରକଳ୍ପ ସାରା ଦେଶରେ ବ୍ୟସ୍ତବହୁଳ ରେଳ କରିଡରରେ କ୍ଷମତା ବୃଦ୍ଧି ପାଇଁ ଭାରତୀୟ ରେଳବାଇର ଚାଲୁଥିବା ଉନ୍ନତିକରଣର ଏକ ଅଂଶ । ୨x୨୫ କେ.ଭି. ବ୍ୟବସ୍ଥାର ପ୍ରଚଳନ ରେଳ ଚଳାଚଳ ପାଇଁ ଅଧୂକ ସ୍ଥିର ଏବଂ ଦକ୍ଷ ବିଦ୍ୟୁତ୍ ଯୋଗାଣ ପ୍ରଦାନ କରିବ, ଯାହା ରେଳ ସେବାକୁ ସହଜ, ନିରାପଦ ଏବଂ ଅଧୂକ ବିଶ୍ବସନୀୟ କରିବ।
ମହବୁବନଗର-ସିକନ୍ଦରାବାଦ-ମେଡଚାଲ ସେକ୍ସନ ଦେଶର ଏକ ଗୁରୁତ୍ବପୂର୍ଣ ହାଇ-ଡେନସିଟି ନେଟୱାର୍କ (ଏଚଡିଏନ) ମାର୍ଗର ଅଂଶବିଶେଷ। ଏହା ଧର୍ମବରମ-ଧୋନେ-ମହବୁବନଗର-ସିକନ୍ଦରାବାଦ-ମେଡଚଲ-ମୁଦଖେଡ-ଇନ୍ଦୋର-ଆଜମେର ରେଳ କରିଡରରେ ପଡ଼େ, ଯାହା ଯଥେଷ୍ଟ ଯାତ୍ରୀ ଏବଂ ମାଲ ପରିବହନ କରିଥାଏ।
ଏହି ପ୍ରକଳ୍ପ ସମ୍ପୂର୍ଣ୍ଣ ହେବା ପରେ ଉକ୍ତ ମାର୍ଗରେ ଟ୍ରେନ୍ ପରିଚାଳନାରେ ଆହୁରି ଉନ୍ନତି ଆଣିବ। ମାଲ ପରିବହନ ଅଧୂକ ଦକ୍ଷ ହେବ, ଯାହା ଦ୍ବାରା ମାଲ ପରିବହନର ଗତି ଏବଂ କ୍ଷମତା ଉଭୟ ବୃଦ୍ଧି ପାଇବ। ଏହି ପ୍ରକଳ୍ପ ସମଗ୍ର ଅଞ୍ଚଳରେ ବାଣିଜ୍ୟ, ଶିଳ୍ପ ଏବଂ ଅର୍ଥନୈତିକ କାର୍ଯ୍ୟକଳାପକୁ ମଧ୍ଯ ସହାୟକ ହେବ ବୋଲି ଆଶା କରାଯାଉଛି।
ଏହି ପଦକ୍ଷେପ ଏକ ଆଧୁନିକ, ଭବିଷ୍ୟତ ପ୍ରସ୍ତୁତ ରେଳ ନେଟୱାର୍କର ବିକାଶ ପାଇଁ ଭାରତୀୟ ରେଳବାଇର ପ୍ରତିବଦ୍ଧତାକୁ ଆହୁରି ମଜବୁତ କରିବ ଏବଂ ଉନ୍ନତ ରେଳ ଭିତ୍ତଭୂମି ଏବଂ ପରିଚାଳନା ଦକ୍ଷତା ମାଧ୍ୟମରେ ଉଭୟ ଯାତ୍ରୀ ଏବଂ ଶିଳ୍ପକୁ ଉପକୃତ କରିବ।
