ଉଦୀୟମାନ ବିଜ୍ଞାନ, ପ୍ରଯୁକ୍ତିବିଦ୍ୟା ଓ ନବସୃଜନ ସମ୍ମିଳନୀ ୨୦୨୫କୁ ସମ୍ବୋଧନ କଲେ ପ୍ର ପ୍ରଧାନମନ୍ତ୍ରୀ ଶ୍ରୀ ଶ୍ରୀ ନରେନ୍ଦ୍ର ମୋଦୀ

୧ ଲକ୍ଷ କୋଟି ଟଙ୍କାର ଗବେଷଣା, ବି ବିକାଶ ଓ ନବସୃଜନ ଯୋଜନାର ଶୁଭାରମ୍ଭ କଲେ ପ୍ରଧାନମନ୍ତ୍ରୀ

ଆମେ ଗବେଷଣାର । ସହଜତା ଉପରେ ଧ୍ୟାନ ଦେଉଛୁ ଯାହା ଦ୍ବାରା ଭାରତରେ ଏକ ଆଧୁନିକ ନବସୃଜନ ଇକୋସିଷ୍ଟମ ବିକଶିତ ହୋଇପାରିବ: ପ୍ରଧାନମନ୍ତ୍ରୀ

ଯେତେବେଳେ ବିଜ୍ଞାନ ବିଶାଳତା ସହ ମିଶେ, ନବସୃଜନ ସମାବେଶୀ ହୁଏ, ଯେ ପତେବେଳେ । ପ୍ରଯୁକ୍ତି ପରିବର୍ତ୍ତନର ବାହକ ହୁଏ, ସେତେବେଳେ ମହାନ ସଫଳତାର ଭିଭି ସ୍ଥାପନ ହୁଏ : ପ୍ରଧାନମନ୍ତ୍ରୀ

ଭାରତ ଆଉ କେବଳ ପ୍ରଯୁକ୍ତିର । ଗ୍ରାହକ ନୁହେଁ, ବରଂ ପ୍ରଯୁକ୍ତି ବିଦ୍ୟା ମାଧ୍ଯମରେ ପରିବର୍ଭନର ନେତୃତ୍ବ ନେଉଛି:

ପ୍ରଧାନମନ୍ତ୍ରୀ

ଆଜି ଭାରତରେ ବିଶ୍ୱର ସବୁଠାରୁ ସଫଳ ଡିଜିଟାଲ୍ ସାର୍ବଜନୀନ ଭିତ୍ତିଭୂମି ଅଛି: ପ୍ରଧାନମନ୍ତ୍ରୀ

ଆଜି ଭାରତ ନୈତିକ ଏବଂ ମାନବ-କେନ୍ଦ୍ରିକ କୃତ୍ରିମ ବୁଦ୍ଧିମତ୍ତା ପାଇଁ ଏକ ବୈଶ୍ୟକ ଢାଞ୍ଚା ଗଠନ କରୁଛି: ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନୂଆଦି ଲ୍ଲୀର ଭାରତ ମଣ୍ଡପମଠାରେ ଉଦୀୟମାନ ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ନବସୃଜନ ସମ୍ମିଳନୀ (ଇଏସଟିଆଇସି) ୨୦୨୫କୁ ସମ୍ବୋଧନ କରିଥିଲେ I ଏହି ଅବସରରେ, ପ୍ରଧାନମନ୍ତ୍ରୀ ଭାରତ ଏବଂ ବିଦେଶରୁ ଆସିଥିବା ବୈଜ୍ଞାନିକ, ଉଦ୍ଭାବକ, ଶିକ୍ଷାନୁଷ୍ଠାନର ସଦସ୍ୟ ଏବଂ ଅନ୍ୟାନ୍ୟ ବିଶିଷ୍ଟ ଅତିଥିମାନଙ୍କୁ ସ୍ବାଗତ କରିଥିଲେ I ଆଇସିସି ମହିଳା ବିଶ୍ୱକପ୍ ୨୦୨୫ରେ ଭାରତର ଚିତ୍ତାକର୍ଷକ ବିଜୟ ବିଷୟରେ ଉଲ୍ଲେଖ କରି ଶ୍ରୀ ମୋଦୀ କହିଛନ୍ତି ଯେ, ସମଗ୍ର ଦେଶ ଭାରତୀୟ କ୍ରିକେଟ ଦଳର ସଫଳତାରେ ଉତ୍ସାହିତ I ଏହା ଭାରତର ପ୍ରଥମ ମହିଳା ବିଶ୍ୱକପ୍ ବିଜୟ ବୋଲି ସେ ଉଲ୍ଲେଖ କରିଥିଲେ ଏବଂ ମହିଳା କ୍ରିକେଟ ଦଳକୁ ହାର୍ଦ୍ଦିକ ଅଭିନନ୍ଦନ ଜଣାଇଥିଲେ I ପ୍ରଧାନମନ୍ତ୍ରୀ କହିଥିଲେ ଯେ ଦେଶ ସେମାନଙ୍କ ପାଇଁ ଗର୍ବିତ ଏବଂ ସେମାନଙ୍କର ସଫଳତା ଦେଶର ଲକ୍ଷ ଲକ୍ଷ ଯୁବକଙ୍କୁ ପ୍ରେରଣା ଦେବ ।

ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଯେ, ଗତକାଲି ଭାରତ ବିଜ୍ଞାନ ଏବଂ ପ୍ରଯୁକ୍ତି ବିଦ୍ୟା ଜଗତରେ ଏକ ଗୁରୁତ୍ବପୂର୍ଣ୍ଣ ସଫଳତା ହାସଲ କରିଛି I ସେ ଭାରତୀୟ ବୈଜ୍ଞାନିକମାନଙ୍କ ଦ୍ବାରା ଭାରତର ସବୁଠାରୁ ଭାରୀ ଯୋଗାଯୋଗ ଉପଗ୍ରହର ସଫଳ ଉତକ୍ଷେପଣ ଉପରେ ଆଲୋକପାତ କରିଥିଲେ ଏବଂ ଏହି ମିଶନରେ ସାମିଲ ସମସ୍ତ ବୈଜ୍ଞାନିକ ତଥା ଇସ୍ରୋକୁ ହୃଦୟର ସହିତ ଅଭିନନ୍ଦନ ଜଣାଇଥିଲେ I ଶ୍ରୀ ମୋଦୀ ଗୁରୁତ୍ୱାରୋପ କରିଥିଲେ ଯେ, ଆଜି ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ପାଇଁ ଏକ ଐତିହାସିକ ଦିନ । ଏକବିଂଶ ଶତାବ୍ଦୀରେ, ଉଦୀୟମାନ ବିଜ୍ଞାନ, ପ୍ରଯୁକ୍ତି ବିଦ୍ୟା ଏବଂ ନବସୃଜନ ଉପରେ ବିଚାର ଏବଂ ଦିଗଦର୍ଶନ ପ୍ରଦାନ କରିବା ପାଇଁ ବିଶ୍ବସ୍ତରୀୟ ବିଶେଷଜ୍ଞମାନଙ୍କର ଅନେକ ଆବଶ୍ୟକତା ରହିଛି। ଏହି ଆବଶ୍ୟକତା ଏକ ଆଇଡିଆକୁ ଜନ୍ମ ଦେଇଥିଲା, ଯାହା ଏହି ସମ୍ମିଳନୀର ମୂଳ ଚିନ୍ତାଧାରାରେ ପରିଣତ ହୋଇଥୁଲା I ଏହି ଚିନ୍ତାଧାରା ବର୍ଭମାନ ଏହି ସମ୍ମିଳନୀ ମାଧ୍ଯମରେ ରୂପ ନେଉଛି ବୋଲି ସେ ଖୁସି ପ୍ରକାଶ କରିଥିଲେ I ପ୍ରଧାନମନ୍ତ୍ରୀ ଏହି ପଦକ୍ଷେପରେ ବିଭିନ୍ନ ମନ୍ତ୍ରଣାଳୟ, ଘରୋଇ କ୍ଷେତ୍ର, ଷ୍ଟାର୍ଟଅପ୍ ଏବଂ ଛାତ୍ରଛାତ୍ରୀଙ୍କ ଅଂଶଗ୍ରହଣକୁ ପ୍ରଶଂସା କରିଥିଲେ। ସେ କହିଥିଲେ ଯେ, ଆଜି ଆମମାନଙ୍କ ମଧ୍ୟରେ ନୋବେଲ ବିଜେତାମାନଙ୍କ ଉପସ୍ଥିତି ଆମ ପାଇଁ ଏକ ସମ୍ମାନର ବିଷୟ I ସେ ଉପସ୍ଥିତ ସମସ୍ତଙ୍କୁ ସ୍ବାଗତ କରିଥିଲେ ଏବଂ ସମ୍ମିଳନୀର ସଫଳତା କାମନା କରିଥିଲେ।