ନୂଆଦିଲ୍ଲୀ ରେଳ ଷ୍ଟେସନରେ ନୂତନ ଅତ୍ୟାଧୁନିକ ଯାତ୍ରୀ ସୁବିଧା କେନ୍ଦ୍ର ନିରୀକ୍ଷଣ କଲେ କେନ୍ଦ୍ର ମନ୍ତ୍ରୀ ଅଶ୍ବିନୀ ବୈଷ୍ଣବ

ପ୍ରାୟ 7,000 ଯାତ୍ରୀଙ୍କୁ ସେବା ଦେବା ପାଇଁ ଡିଜାଇନ୍ କରାଯାଇଛି ଏହି କେନ୍ଦ୍ର

ପାର୍ବଣ ଋତୁରେ ଯାତ୍ରା ବୃଦ୍ଧି ମଧ୍ୟରେ ଯାତ୍ରୀମାନଙ୍କୁ ଅଧୂକ ଆରାମ ପ୍ରଦାନ କରିବ ଯାତ୍ରୀ ସୁବିଧା କେନ୍ଦ୍ର: କେନ୍ଦ୍ର ମନ୍ତ୍ରୀ

ଦେଶର ଅନ୍ୟାନ୍ୟ ଷ୍ଟେସନରେ ଏହିପରି ଯାତ୍ରୀ ସୁବିଧା କେନ୍ଦ୍ର ବିକଶିତ ହେବ: ଅଶ୍ବିନୀ ବୈଷ୍ଣବ

ଭିଡ଼ ହ୍ରାସ କରିବା ଏବଂ ଆରାମ ବୃଦ୍ଧି କରିବା ପାଇଁ ନୂତନ ଯାତ୍ରୀ ସୁବିଧା କେନ୍ଦ୍ର ପ୍ରି-ଟିକେଟିଂ, ଟିକେଟିଂ ଏବଂ ପୋଷ୍ଟ-ଟିକେଟିଂ ଜୋନରେ ବିଭକ୍ତ।

ଯାତ୍ରୀ ସୁବିଧା କେନ୍ଦ୍ରରେ 22ଟି ଟିକେଟ କାଉଣ୍ଡର, 25ଟି ଏଟିଭିଏମ, ଉନ୍ନତ ସୁରକ୍ଷା ବ୍ୟବସ୍ଥା ଏବଂ ବସିବା ସ୍ଥାନ, ଶୀତଳୀକରଣ ବ୍ୟବସ୍ଥା, ପରିମଳ ଏବଂ ସୂଚନା ସୁବିଧା ସମେତ ବ୍ୟାପକ ଯାତ୍ରୀ ସୁବିଧା ରହିଛି

ନୂଆଦିଲ୍ଲୀ ରେଳ ଷ୍ଟେସନ ଦେଶର ସବୁଠାରୁ ବ୍ୟସ୍ତବହୁଳ ଟର୍ମିନାଲଗୁଡ଼ିକ ମଧ୍ୟରୁ ଅନ୍ୟତମ । ଏଠାରେ ଯାତ୍ରୀଙ୍କ ଅଭିଜ୍ଞତାରେ ଗୁରୁତ୍ବପୂର୍ଣ୍ଣ ଉନ୍ନତି ପାଇଁ କେନ୍ଦ୍ର ରେଳ, ସୂଚନା ଓ ପ୍ରସାରଣ, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଶ୍ରୀ ଅଶ୍ବିନୀ ବୈଷ୍ଣବ ନବନିର୍ମିତ ଯାତ୍ରୀ ସୁବିଧା କେନ୍ଦ୍ର (ସ୍ଥାୟୀ ଧାରଣ କ୍ଷେତ୍ର) ପରିଦର୍ଶନ କରିଛନ୍ତି। ଏହି କେନ୍ଦ୍ରଟିକୁ ଯେକୌଣସି ସମୟରେ ପ୍ରାୟ 7,000 ଯାତ୍ରୀଙ୍କୁ ସ୍ଥାନ ଦେବା ପାଇଁ ଡିଜାଇନ୍ କରାଯାଇଛି, ଯାହା ପୂର୍ବ-ବୋର୍ଡିଂ ଆରାମ ଏବଂ ଯାତ୍ରୀଙ୍କ ପ୍ରବାହକୁ ଉଲ୍ଲେଖନୀୟ ଭାବେ ବୃଦ୍ଧି କରିବ ।

ଶ୍ରୀ ଅଶ୍ବିନୀ ବୈଷ୍ଣବ କହିଛନ୍ତି, “ ପାର୍ବଣ ଋତୁରେ ଯାତ୍ରୀ ସଂଖ୍ୟା ବୃଦ୍ଧି ପାଉଥିବାରୁ ନୂତନ ଭା ାବରେ ବିକଶିତ ଏହି ଅତ୍ୟାଧୁନିକ ଯାତ୍ରୀ ସୁବିଧା କେନ୍ଦ୍ର ଯାତ୍ରୀମାନଙ୍କୁ ଆରାମ ପ୍ରଦାନ କରିବ। ଦେଶର ଅନ୍ୟ ଷ୍ଟେସନଗୁଡ଼ିକରେ ଏହିପରି ଯାତ୍ରୀ ସୁବିଧା କେନ୍ଦ୍ର ବିକଶିତ କରାଯିବ।''

ଯାତ୍ରୀଙ୍କ ଗତିବିଧୂକୁ ସୁଗମ କରିବା ପାଇଁ ନୂତନ ଯାତ୍ରୀ ସୁବିଧା କେନ୍ଦ୍ରକୁ ରଣନୀତିକ ଭାବରେ ତିନୋଟି ଜୋନରେ ବିଭକ୍ତ କରାଯାଇଛି । ଏଠାରେ 2,860 ବର୍ଗମିଟର ପରିବ୍ୟାପ୍ତ ଏକ ଟିକେଟିଂ କ୍ଷେତ୍ର, 1,150 ବର୍ଗମିଟର ପୋଷ୍ଟ ଟିକେଟିଂ କ୍ଷେତ୍ର ଏବଂ 1,218 ବର୍ଗମିଟର ପରିବ୍ୟାପ୍ତ ଏକ ପ୍ରି ଟିକେଟିଂ କ୍ଷେତ୍ର ରହିଛି । ଏହି କେନ୍ଦ୍ରକୁ ଟର୍ମିନାଲର ମୁଖ୍ୟ ପ୍ରବେଶ ଦ୍ବାଗ ଦ୍ବାରରେ ଭିଡ଼ ହ୍ରାସ କରିବା ଏବଂ ଯାତ୍ରୀଙ୍କ ଆରାମକୁ ଉନ୍ନତ କରିବା ପାଇଁ ଡିଜାଇନ୍ କରାଯାଇଛି। 

ଯାତ୍ରୀଙ୍କ ସୁବିଧା ଏବଂ ସୁରକ୍ଷା ସୁନିଶ୍ଚିତ କରିବା ପାଇଁ ଉତ୍ତର ରେଳବାଇ କେନ୍ଦ୍ରକୁ ବ୍ୟାପକ, ଆଧୁନିକ ସୁବିଧା ସହିତ ସଜ୍ଜିତ କରିଛି।

ପ୍ରମୁଖ ବୈଶିଷ୍ଟ୍ୟଗୁଡ଼ିକ:

ଟିକେଟିଂ: 22ଟି ଆଧୁନିକ ଟିକେଟିଂ କାଉଣ୍ଡର ଏବଂ 25ଟି ସ୍ବୟଂଚାଳିତ ଟିକେଟ୍ ଭେଣ୍ଡିଂ ମେସିନ୍ (ଏଟିଭିଏମ)।

କ୍ଷମତା ଏବଂ ଆରାମ: 200 ଯାତ୍ରୀଙ୍କ ପାଇଁ ବସିବା କ୍ଷମତା ଏବଂ ଦକ୍ଷ ଶୀତଳୀକରଣ ପାଇଁ 18ଟି ହାଇ ଭଲ୍ୟୁମ୍ କମ୍ ସ୍ପିଡ୍ (ଏଚଭିଏଲଏସ) ଫ୍ୟାନ୍ ।

ପରିମଳ ଏବଂ ପାଣି: 652 ବର୍ଗମିଟର ଉପରେ ନିର୍ମିତ ଏକ ଉତ୍ସର୍ଗୀକୃତ ଶୌଚାଳୟ ବ୍ଲକ ଏବଂ ଏକ ଆରଓ-ଆଧାରିତ ବିଶୁଦ୍ଧ ପାନୀୟ ଜଳ ବ୍ୟବସ୍ଥା ଏଠାରେ ରହିଛି ।

ସୂଚନା ଏବଂ ସୁରକ୍ଷା: 24 ସ୍ଵିକର, ତିନୋଟି ଏଲଇଡି ଇଲେକ୍ଟ୍ରୋନିକ୍ ଟ୍ରେନ୍ ସୂଚନା ପ୍ରଦର୍ଶନ ଏବଂ 7ଟି ଆଧୁନିକ ଅଗ୍ନି ନିର୍ବାପନ ବ୍ୟବସ୍ଥା ସହିତ ଏକ ଦୃଢ଼ ଯାତ୍ରୀ ଘୋଷଣା ବ୍ୟବସ୍ଥା।

ସୁରକ୍ଷା: 18ଟି ସିସିଟିଭି କ୍ୟାମେରା, 5ଟି ଲଗେଜ୍ ସ୍କାନର ଏବଂ 5ଟି ଡୋର୍ ଫ୍ରେମ୍ ମେଟାଲ୍ ଡିଟେକ୍ଟର ସମେତ ଅତ୍ୟାଧୁନିକ ସୁରକ୍ଷା ବ୍ୟବସ୍ଥା।

ଉତ୍ତର ରେଳପଥ ଏହି କେନ୍ଦ୍ର ନିର୍ମାଣ ସମୟରେ ଅନେକ ଜଟିଳ ଆହ୍ବାନକୁ ସଫଳତାର ସହ ମୁକାବିଲା କରିଥିଲା । ନିର୍ମାଣ ସମୟରେ ଏଟିଏମ, ଏକ ଦିଲ୍ଲୀ ପୋଲିସ କ୍ୟାବିନ ଏବଂ ହୋର୍ଡିଂ ବୋର୍ଡ ଭଳି ବର୍ତ୍ତମାନର ଢାଞ୍ଚା ଭଙ୍ଗା ଯାଇଥିଲା ଏବଂ ସ୍ଥାନାନ୍ତର କରାଯାଇଥ୍ ଯାଇଥିଲା ।

ଏହା ବ୍ୟତୀତ, ଦୈନନ୍ଦିନ କାର୍ଯ୍ୟରେ କୌଣସି ବାଧା ବିନା ପାଣି ଲାଇନ, ଡ୍ରେନେଡ୍ ଡ୍ରନେଜ୍ ସିଷ୍ଟମ ଏବଂ ଓଏଫସି କେବୁଲ ଭଳି ଅତ୍ୟାବଶ୍ୟକ ସେବାଗୁଡ଼ିକର ସମ୍ବେଦନଶୀଳ ସ୍ଥାନ କାର୍ଯ୍ୟକାରୀ କରାଯାଇଥିଲା । ସ୍ଥାନାନ୍ତର

ବଶ୍ଯକ ସମାନ୍ତରାଳ ଭାବରେ, ଫୁଟ୍ ଓଭର ବ୍ରିଜ୍ 1ର ସମ୍ପ୍ରସାରଣ ସହିତ ଏକ ଅତ୍ୟାବ ଭିତ୍ତିଭୂମି ଉନ୍ନତିକରଣ ସମାପ୍ତ ହୋଇଥିଲା। ନୂଆଦିଲ୍ଲୀ ରେଳ ଷ୍ଟେସନଟେ ଷ୍ଟେସନରେ ଟ୍ରେନରୁ ଓହ୍ଲାଇଥିବା ଯାତ୍ରୀମାନେ ଏବେ ସିଧାସଳଖ ମେଟ୍ରୋ ଷ୍ଟେସନ ଆଡକୁ ପ୍ରସ୍ଥାନ ନ କରିପାରିବେ । ଏହା ବହୁମୁଖୀ ସଂଯୋଗୀକରଣରେ ଉଲ୍ଲେଖନୀୟ ଉନ୍ନତି ଆଣିବ ଏବଂ ପ୍ଲାଟଫର୍ମ ଭିଡ଼ ହ୍ରାସ କରିବ।

ଏହି ଅବସରରେ କେନ୍ଦ୍ରମନ୍ତ୍ରୀଙ୍କ ସହିତ ରେଳବାଇ ବୋର୍ଡର ଅଧ୍ଯକ୍ଷ ଏବଂ ସିଇଓ ଶ୍ରୀ ସତୀଶ କୁମାର ଉପସ୍ଥିତ ଥିଲେ । ଉତ୍ତର ରେଳବାଇର ମହାପ୍ରବନ୍ଧକ ଶ୍ରୀ ଅଶୋକ କୁମାର ବର୍ମା ଏବଂ ଅନ୍ୟାନ୍ୟ ବରିଷ୍ଠ ରେଳ ଅଧୂକାରୀମାନେ ସୁବିଧାର ଯୋଜନା ଏବଂ କାର୍ଯ୍ୟାନ୍ବୟନ ବିଷୟରେ ବିସ୍ତୃତ ସୂଚନା ପ୍ରଦାନ କରିଥିଲେ। ଏହି ଯାଞ୍ଚ ରେଳ ମନ୍ତ୍ରଣାଳୟର ଗୁରୁତ୍ବପୂର୍ଣ୍ଣ ଭିତ୍ତିଭୂମିର ଆଧୁନିକୀକରଣ ଏବଂ ଯାତ୍ରୀମାନଙ୍କ ପାଇଁ ବିଶ୍ବସ୍ତରୀୟ ସୁବିଧା ସୁନିଶ୍ଚିତ କରିବା ପ୍ରତି ପ୍ରତିବଦ୍ଧତାକୁ ଗୁରୁତ୍ବାରୋପ କରିଥିଲା।