ପରିଦର୍ଶନରେ ଆସିଥିବା ଗଣମାଧ୍ୟମ ଦଳ ଏବଂ PIB ଓ CBC ର ଅଧିକାରୀଙ୍କ ମଧ୍ୟରେ ଏକ ଆଲୋଚନାତ୍ମକ ଅଧିବେଶନ...
ଏଥିରେ ଅଂଶଗ୍ରହଣକାରୀମାନେ ସାମ୍ପ୍ରତିକ ପ୍ରସଙ୍ଗ, ଉଦୀୟମାନ ଧାରା ଏବଂ ଡିଜିଟାଲ୍ ଯୁଗରେ ସାମ୍ବାଦିକତାର ପରିବର୍ତ୍ତନଶୀଳ ଦାୟିତ୍ୱ ସମ୍ପର୍କରେ ନିଜର ମତାମତ ଆଦାନପ୍ରଦାନ କରିଥିଲେ।
ସଭାରେ ଉଦ୍ବୋଧନ ଦେଇ ଭୁବନେଶ୍ୱରସ୍ଥିତ PIB ଓ CBCର ଅତିରିକ୍ତ ମହାନିର୍ଦ୍ଦେଶକ ଶ୍ରୀ ଅଖିଳ କୁମାର ମିଶ୍ର ଡିଜିଟାଲ୍ ଯୁଗରେ ସାମ୍ବାଦିକତାର ଦ୍ରୁତ ପରିବର୍ତ୍ତନ ଏବଂ ଏହି କ୍ଷେତ୍ର ସମ୍ମୁଖୀନ ହେଉଥିବା ନୂତନ ଆହ୍ୱାନଗୁଡ଼ିକ ଉପରେ ଆଲୋକପାତ କରିଥିଲେ।
ସେ ମତ ଦେଇଥିଲେ ଯେ ସମାଜରେ ନିଜର ପରିଚୟ ଓ ଭୂମିକାକୁ ନେଇ ସାମ୍ବାଦିକତା ବର୍ତ୍ତମାନ ଏକ ଅସ୍ତିତ୍ୱ ସଙ୍କଟର ସମ୍ମୁଖୀନ ହେଉଛି।
ବର୍ତ୍ତମାନ ପ୍ରାୟ ଦୁଇ-ତୃତୀୟାଂଶ ଖବର ଗ୍ରହଣକାରୀ ସୋସିଆଲ୍ ମିଡିଆ ମାଧ୍ୟମରେ ଖବର ପାଉଛନ୍ତି ବୋଲି ଉଲ୍ଲେଖ କରି ସେ କହିଥିଲେ ଯେ ଗଣମାଧ୍ୟମ ଓ ସୋସିଆଲ୍ ମିଡିଆର ବର୍ଦ୍ଧିତ ମିଶ୍ରଣ ପାରମ୍ପାରିକ ସାମ୍ବାଦିକତା ମୂଲ୍ୟବୋଧ ଓ କାର୍ଯ୍ୟଶୈଳୀକୁ ପରିବର୍ତ୍ତିତ କରୁଛି।
ପରିବର୍ତ୍ତନଶୀଳ ଗଣମାଧ୍ୟମ ପରିବେଶ ସହ ଖାପ ଖୁଆଇବା ସହିତ ସାମ୍ବାଦିକତାର ମୂଳ ନୀତିଗୁଡ଼ିକୁ ସୁରକ୍ଷିତ ରଖିବାର ଆବଶ୍ୟକତା ଉପରେ ଶ୍ରୀ ମିଶ୍ର ଗୁରୁତ୍ୱାରୋପ କରିଥିଲେ; ସେ ପାରମ୍ପାରିକ ମୂଲ୍ୟବୋଧ ଏବଂ ବିକାଶଶୀଳ ଗଣମାଧ୍ୟମ ବ୍ୟବସ୍ଥାର ଆବଶ୍ୟକତା ମଧ୍ୟରେ ସନ୍ତୁଳନ ରକ୍ଷା କରିବାର ଗୁରୁତ୍ୱକୁ ମଧ୍ୟ ଦର୍ଶାଇଥିଲେ।
ସେ ଆହୁରି ମଧ୍ୟ ଉଲ୍ଲେଖ କରିଥିଲେ ଯେ ଖବର ସୃଷ୍ଟିକାରୀ, ରିପୋର୍ଟର, ସମ୍ପାଦକ, ଗ୍ରହଣକାରୀ ଏବଂ ବିତରକଙ୍କ ମଧ୍ୟରେ ଥିବା ସୀମାରେଖା କ୍ରମଶଃ ଅସ୍ପଷ୍ଟ ହୋଇଯାଉଛି, ଯାହା ଫଳରେ ବୃତ୍ତିଗତ ନୈତିକତା, ବିଶ୍ୱସନୀୟତା ଏବଂ ସାମ୍ବାଦିକତା ସମ୍ବନ୍ଧୀୟ ଦାୟିତ୍ୱବୋଧ ପୂର୍ବାପେକ୍ଷା ଅଧିକ ଗୁରୁତ୍ୱପୂର୍ଣ୍ଣ ହୋଇପଡ଼ିଛି।
ଏହି କାର୍ଯ୍ୟକ୍ରମରେ PIB କେରଳର ଉପ-ନିର୍ଦ୍ଦେଶକ ଡକ୍ଟର ଅଥିରା ଥାମ୍ପି, PIB ଜୟପୁରର ଉପ-ନିର୍ଦ୍ଦେଶକ ଶ୍ରୀ ଧର୍ମେଶ ଭାରତୀ ଏବଂ PIB ଚଣ୍ଡିଗଡ଼ର ନିର୍ଦ୍ଦେଶକ ଶ୍ରୀ ପ୍ରୀତମ ସିଂହ ଉପସ୍ଥିତ ଥିଲେ।
ଆଗତ ସାମ୍ବାଦିକ ଦଳଙ୍କୁ ସ୍ୱାଗତ ଜଣାଇବା ସହ କାର୍ଯ୍ୟକ୍ରମ ଆରମ୍ଭ ହୋଇଥିଲା ଏବଂ ଏହା ପରେ ତିନି ରାଜ୍ୟରୁ ଅଂଶଗ୍ରହଣ କରିଥିବା ସାମ୍ବାଦିକମାନଙ୍କର ପରିଚୟ ପର୍ବ ଅନୁଷ୍ଠିତ ହୋଇଥିଲା।
ଏଥିସହିତ 'ଏକ ଭାରତ ଶ୍ରେଷ୍ଠ ଭାରତ' କାର୍ଯ୍ୟକ୍ରମର ଗୁରୁତ୍ୱ ଉପରେ ମଧ୍ୟ ଆଲୋକପାତ କରାଯାଇଥିଲା; ବିଶେଷକରି ସାଂସ୍କୃତିକ ଆଦାନପ
