ଭାରତ ସରକାରଙ୍କ ତରଫରୁ CISF ରେ ଆରମ୍ଭ ହୋଇଯାଇଛି ମହିଳା ତାଲିମ ପ୍ରଶିକ୍ଷିଣ

କେନ୍ଦ୍ରୀୟ ଶିଳ୍ପ ସୁରକ୍ଷା ବଳ (CISF)ଘୋଷଣା କରିଛି ଯେ ଏହାର ପ୍ରଥମ ମହିଳା କମାଣ୍ଡୋ ୟୁନିଟ୍ ଏବେ ଆରମ୍ଭ ହୋଇଛି। ଏହି ସ୍ବତନ୍ତ୍ର ମହିଳା ସ୍କୁୱାର୍ଡ ଦେଶର ବିମାନବନ୍ଦର ଏବଂ ଅନ୍ୟାନ୍ୟ ସମ୍ବେଦନଶୀଳ ପ୍ରତିଷ୍ଠାନରେ ସୁରକ୍ଷା ଦାୟିତ୍ଵ ପାଇଁ ନିୟୋଜିତ ହେବ। 

ଏବେ ମହିଳା କମାଣ୍ଡୋମାନଙ୍କୁ ମଧ୍ୟପ୍ରଦେଶର ବାରୱାହାରେ ଅବସ୍ଥିତ ଆଞ୍ଚଳିକ ତାଲିମ କେନ୍ଦ୍ର (RTC)ରେ ସ୍ବତନ୍ତ୍ର ତାଲିମ ଦିଆଯାଉଛି। 

ମୁଖପାତ୍ରଙ୍କସୂଚନା ଅନୁଯାୟୀ, ଏହି ଆଠ ସପ୍ତାହର ଉନ୍ନତ କମାଣ୍ଡୋ ପାଠ୍ୟକ୍ରମ ବିଶେଷ ଭାବରେ ମହିଳା ସୁରକ୍ଷା କର୍ମୀଙ୍କ ପାଇଁ ଡିଜାଇନ୍ କରାଯାଇଛି। 

ଏହାର ଲକ୍ଷ୍ୟ ହେଉଛି ସେମାନଙ୍କୁ ଉଚ୍ଚ ସୁରକ୍ଷା ପ୍ରତିଷ୍ଠାନ ଓ ପ୍ଲାଣ୍ଟଗୁଡ଼ିକରେ ନିୟୋଜିତ କ୍ରିକ୍ ରିଆକ୍ସନ୍ ଟିମ୍ (QRT) ଏବଂ ସ୍ପେଶାଲ୍ ଟାସ୍କ ଫୋର୍ସ (STF) ର ଦାୟିତ୍ଵ ପାଇଁ ପ୍ରସ୍ତୁତ କରିବା।

ଏହି କାର୍ଯ୍ୟକ୍ରମରେ ସ୍ବାସ୍ଥ୍ୟ ସୁସ୍ଥତା ଏବଂ ଅସ୍ପୃଶସ୍ତ୍ର ବ୍ୟବହାର ପାଇଁ ତାଲିମ, ଚାପପୂର୍ଣ୍ଣ ପରିସ୍ଥିତିରେ ଲାଇଭ୍-ଫାୟାର ଡ୍ରିଲ୍, ଦୌଡ଼, ବାଧା-ପାର ଅଭ୍ୟାସ, ରାପେଲିଂ ଭଳି ସହନଶୀଳତା-ବର୍ଷିତ ତାଲିମ ଅନୁର୍ଭୁକ୍ତ। ଏହା ବ୍ୟତୀତ, ଏହାକୁ ଜଙ୍ଗଲରେ ବଞ୍ଚିବାର କଳା, ଚ୍ୟାଲେଞ୍ଜି ପରିସ୍ଥିତିରେ ଶୀଘ୍ର ନିଷ୍ପତ୍ତି ନେବାର କ୍ଷମତା ଏବଂ ଦଳଗତ କାର୍ଯ୍ୟ ତାଲିମ ଦେବା ପାଇଁ ସ୍ଵତନ୍ତ୍ର ଭାବରେ ଡିଜାଇନ୍ କରାଯାଇଛି । ଏଥିରେ ରେ ୪୮ ଘଣ୍ଟାର ଆତ୍ମବିଶ୍ବାସ ବୃଦ୍ଧିକାରୀ ବ୍ୟାୟାମ ମଧ୍ୟ ଅନୁର୍ଭୁକ୍ତ। 

ଅଧୂକାରୀଙ୍କ ସୂଚନା ଅନୁଯାୟୀ, ଦେଶର ବିଭିନ୍ନ ବିମାନବନ୍ଦର ମାନଙ୍କରେ ବର୍ତ୍ତମାନ ନିୟୋଜିତ ଥୂବା ପ୍ରଥମ ବ୍ୟାଚ୍ ମହିଳାମାନେ ଅଗଷ୍ଟ ୧୧ ରୁ ତାଲିମ ନେଉଛନ୍ତି। ଏହା ଅକ୍ଟୋବର ୪ ପର୍ଯ୍ୟନ୍ତ ଜାରି ରହିବ। ଏହା ପରେ ଦ୍ବିତୀୟ ବ୍ୟାଚ୍ ଅକ୍ଟୋବର ୬ ରୁ ନଭେମ୍ବର ୨୯ ପର୍ଯ୍ୟନ୍ତ ଚାଲିବ |

ଏହି ମହିଳା କମାଣ୍ଡୋ ୟୁନିଟ୍‌ର ଉଦେଶ୍ୟ ହେଉଛି ଯେ

ପ୍ରାରମ୍ଭରେ ଏହି ସ୍ବତନ୍ତ୍ର ତାଲିମ କାର୍ଯ୍ୟକ୍ରମରେ ଅତି କମରେ ୧୦୦ ଜଣ ମହିଳା କର୍ମଚାରୀଙ୍କୁ ସାମିଲ କରାଯିବ।

ଏହି ମହିଳାମାନେ ବିଭିନ୍ନ ବିମାନ ସୁରକ୍ଷା ଗୋଷ୍ଠୀ (ASG) ଏବଂ ଅନ୍ୟାନ୍ୟ ସମ୍ବେଦନଶୀଳ CISF ୟୁନିଟ୍‌ରୁ ଆସିବେ। 

ମୁଖପାତ୍ରଙ୍କ ସୂଚନା ଅନୁଯାୟୀ ବାହିନୀର ଲକ୍ଷ୍ୟ ହେଉଛି ଏହି ମହିଳା ତାଲିମ କାର୍ଯ୍ୟକ୍ରମଗୁଡ଼ିକୁ ଏହାର ନିୟମିତ ତାଲିମ ଗଠନର ସ୍ଥାୟୀ ଅଂଶ କରିବା । ତାଲିମ ସମାପ୍ତ କରିବା ପରେ, ଏହି ମହିଳା କର୍ମଚାରୀମାନଙ୍କୁ ପ୍ରଥମେ ବିମାନବନ୍ଦରରେ ନିୟୋଜିତ କରାଯିବ ଏବଂ ତା'ପରେ ସେମାନଙ୍କୁ ଅନ୍ୟ ସମ୍ବେଦନଶୀଳ ପ୍ରତିଷ୍ଠାନରେ ମଧ୍ୟ ଦାୟିତ୍ବ ଦିଆଯିବ।

ଗୃହ ମନ୍ତ୍ରଣାଳୟ ଦ୍ବାରା ନିର୍ଦ୍ଧାରିତ ୧୦% ମହିଳା ପ୍ରତିନିଧୂତ୍ବର ଲକ୍ଷ୍ୟକୁ ସଫଳତାର ସହ ହାସଲ କରିବା ପାଇଁ କେନ୍ଦ୍ରୀୟ ଶିଳ୍ପ ସୁରକ୍ଷା ବାହିନୀ (CISF) ମହିଳା ନିଯୁକ୍ତି ବୃଦ୍ଧି କରୁଛି। ବର୍ତ୍ତମାନ, CISFରେ ମହିଳାଙ୍କ ସଂଖ୍ୟା ୧୨,୪୯୧ ଯାହା ବାହିନୀର ମୋଟ ଶକ୍ତିର ପ୍ରାୟ ୮%। ୨୦୨୬ ମସିହା ସୁଦ୍ଧା, ଏଥିରେ ୨,୪୦୦ରୁ ଅଧୂକ ମହିଳା କର୍ମଚାରୀଙ୍କୁ ନିଯୁକ୍ତି ଦିଆଯିବ। ଭବିଷ୍ୟତରେ, ନିଯୁକ୍ତି ପ୍ରକ୍ରିୟା ଏପରି ଭାବରେ ସଂଗଠିତ କରାଯିବ ଯେ ବାହିନୀରେ ମହିଳାଙ୍କ ଅଂଶଗ୍ରହଣ ନିରନ୍ତର ଭାବରେ ଅତି କମରେ ୧୦% ରହିବ। 

ଏହି ବର୍ଷ ଆରମ୍ଭରେ, ଗୃହ ମନ୍ତ୍ରଣାଳୟ CISFର ପ୍ରଥମ ମହିଳା ବାଟାଲିୟନକୁ ଅନୁମୋଦନ କରିଥିଲା। ଏହି ବାଟାଲିୟନ ଦିଲ୍ଲୀ ନିକଟରେ ପ୍ରତିଷ୍ଠା କରାଯାଉଛି ଏବଂ ଏହାର ମହିଳା ସୁରକ୍ଷା କର୍ମୀମାନଙ୍କୁ ସଂସଦ ଭବନ, ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର, ଦିଲ୍ଲୀ ମେଟ୍ରୋ ଏବଂ ଜାତୀୟ ରାଜଧାନୀରେ ଅନ୍ୟାନ୍ୟ ପ୍ରମୁଖ ସରକାରୀ ପ୍ରତିଷ୍ଠାନଗୁଡ଼ିକୁ ସୁରକ୍ଷା ଦେବା ପାଇଁ ନିୟୋଜିତ କରାଯିବ।