ଶାଂଘାଇ ୱାର୍ଲ୍ଡ-ସ୍କିଲ୍ସ (WorldSkills) ମଞ୍ଚ ପାଇଁ ଓଡ଼ିଶାର ୧୩ ଜଣ ଦକ୍ଷ ଯୁବ ପ୍ରତିଯୋଗୀ ପ୍ରସ୍ତୁତ...
ଚୀନ୍ର ଶାଂଘାଇଠାରେ ସେପ୍ଟେମ୍ବର ୨୨ରୁ ୨୭ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ୪୮ତମ 'ୱାର୍ଲ୍ଡ-ସ୍କିଲ୍ସ ପ୍ରତିଯୋଗିତା ୨୦୨୬'ରେ ଓଡ଼ିଶାରୁ ୧୩ ଜଣ ପ୍ରତିଯୋଗୀ ଅଂଶଗ୍ରହଣ କରୁଛନ୍ତି।
ଏହି ପ୍ରତିଯୋଗିତା ଶାଂଘାଇସ୍ଥିତ 'ନ୍ୟାସନାଲ୍ ଏକ୍ସିବିସନ୍ ଆଣ୍ଡ କନଭେନସନ୍ ସେଣ୍ଟର'ରେ ଅନୁଷ୍ଠିତ ହେଉଛି।
ଏହି ଆନ୍ତର୍ଜାତୀୟ ପ୍ରତିଯୋଗିତାରେ ଭାରତ ସମେତ ୭୦ଟି ଦେଶର ପ୍ରାୟ ୧,୪୦୦ ଯୁବ ପ୍ରତିଯୋଗୀ ୬୪ଟି ବିଭାଗରେ ପ୍ରତିଦ୍ୱନ୍ଦ୍ୱିତା କରୁଛନ୍ତି।
ୱାର୍ଲ୍ଡ-ସ୍କିଲ୍ସ ପ୍ରତିଯୋଗିତାରେ ଅଂଶଗ୍ରହଣ କରିବା ପୂର୍ବରୁ, ପ୍ରତ୍ୟେକ ଦେଶ ନିଜର ଶ୍ରେଷ୍ଠ ପ୍ରତିଯୋଗୀମାନଙ୍କୁ ଚୟନ କରିବା ପାଇଁ ଆଞ୍ଚଳିକ ଏବଂ ଜାତୀୟ ସ୍ତରୀୟ ପ୍ରତିଯୋଗିତା ଆୟୋଜନ କରିଥିଲେ।
ସେହି ଅନୁଯାୟୀ, ଭାରତରେ ଅନୁଷ୍ଠିତ 'ଇଣ୍ଡିଆ-ସ୍କିଲ୍ସ (IndiaSkills) ପ୍ରତିଯୋଗିତା'ରେ ଶ୍ରେଷ୍ଠ ବିବେଚିତ ହୋଇଥିବା ପ୍ରାର୍ଥୀମାନଙ୍କୁ ଶାଂଘାଇ ୱାର୍ଲ୍ଡ-ସ୍କିଲ୍ସ ପ୍ରତିଯୋଗିତା ପାଇଁ ଚୟନ କରାଯାଇଥିଲା।
ଏହା ପୂର୍ବରୁ, ନୂଆଦିଲ୍ଲୀରେ ଅନୁଷ୍ଠିତ 'ଇଣ୍ଡିଆ-ସ୍କିଲ୍ସ ପ୍ରତିଯୋଗିତା ୨୦୨୫-୨୬'ରେ ସର୍ବାଧିକ ପଦକ ହାସଲ କରି ଓଡ଼ିଶା ପଦକ ତାଲିକାରେ ଶୀର୍ଷ ସ୍ଥାନ ଅଧିକାର କରିଥିଲା।
ସେଥିମଧ୍ୟରୁ, ଶ୍ରେଷ୍ଠ ୧୩ ଜଣ ପ୍ରତିଯୋଗୀଙ୍କୁ ଭାରତୀୟ ଦଳରେ ସାମିଲ ହେବା ଏବଂ ଶାଂଘାଇରେ ହେବାକୁ ଥିବା ୱାର୍ଲ୍ଡ-ସ୍କିଲ୍ସ ପ୍ରତିଯୋଗିତାରେ ଅଂଶଗ୍ରହଣ କରିବା ପାଇଁ ଚୟନ କରାଯାଇଥିଲା।
ଏହି ୧୩ ଜଣ ପ୍ରତିଯୋଗୀଙ୍କ ମଧ୍ୟରେ ଅଛନ୍ତି: ଦେବାଶିଷ ଗୌଡ଼ା ଓ ପ୍ରସାଦ କୁମାର ଦାସ (ଲ୍ୟାଣ୍ଡସ୍କେପ୍ ଗାର୍ଡେନିଂ), ପ୍ରିୟାଂଶୁ ଦେ (ୱେବ୍ ଟେକ୍ନୋଲୋଜି), ରଶ୍ମିତା କୌର ହଂସପାଲ (ହୋଟେଲ୍ ରିସେପସନ୍), ଦେବାଶିଷ ପଣ୍ଡା ଓ ଆଦିତ୍ୟ ପ୍ରକାଶ (ଅଟୋନୋମସ୍ ମୋବାଇଲ୍ ରୋବୋଟିକ୍ସ), ପିତାମ୍ବରମ୍ ଋଷିକେଶ (ୱାଟର ଟେକ୍ନୋଲୋଜି), ରାଜୀବ ଲୋଚନ ଚାନ୍ଦ (ଗ୍ରାଫିକ୍ ଡିଜାଇନ୍), ଜଗନ୍ନାଥ ମିଶ୍ର (ଇଣ୍ଡଷ୍ଟ୍ରିଆଲ୍ ମେକାନିକ୍ସ), ଝାନସ ସାଂଘାଇ ଗସ୍ତ ପୂର୍ବରୁ, ସେମାନେ ନିଜର ମାର୍ଗଦର୍ଶକଙ୍କ ଠାରୁ ପରାମର୍ଶ ଓ ନିର୍ଦ୍ଦେଶନା ଗ୍ରହଣ କରି ଅହମଦାବାଦ ଏବଂ ନୋଏଡ଼ା ଠାରେ କଠିନ ପ୍ରଶିକ୍ଷଣ ଲାଭ କରିଥିଲେ।
'ୱାର୍ଲ୍ଡ-ସ୍କିଲ୍ସ' (WorldSkills) ପ୍ରତିଯୋଗିତା ପୂର୍ବରୁ, 'ଓଡ଼ିଶା-ସ୍କିଲ୍ସ' (OdishaSkills) ୨୦୨୫-୨୬ ଏବଂ 'ଇଣ୍ଡିଆ-ସ୍କିଲ୍ସ' (IndiaSkills) ୨୦୨୫-୨୬ ରେ ସଫଳତା ହାସଲ କରିଥିବା ପ୍ରତିଯୋଗୀମାନଙ୍କୁ 'ବିଶ୍ୱ ଯୁବ ଦକ୍ଷତା ଦିବସ' (World Youth Skills Day) ଅବସରରେ ଆୟୋଜିତ ଏକ ରାଜ୍ୟସ୍ତରୀୟ ଉତ୍ସବରେ 'ମୁଖ୍ୟମନ୍ତ୍ରୀ ଦକ୍ଷତା ପୁରସ୍କାର' ପ୍ରଦାନ କରାଯାଇଥିଲା।
ପୂର୍ବ ବର୍ଷଗୁଡ଼ିକ ଭଳି, ଏଥର ମଧ୍ୟ ଆଶା କରାଯାଉଛି ଯେ 'ୱାର୍ଲ୍ଡ-ସ୍କିଲ୍ସ' ପ୍ରତିଯୋଗିତାରେ ଓଡ଼ିଶାର ପ୍ରତିଯୋଗୀମାନେ ଉତ୍କୃଷ୍ଟ ପ୍ରଦର୍ଶନ କରି ସଫଳତା ହାସଲ କରିବେ ଏବଂ ରାଜ୍ୟ ତଥା ଦେଶ ପାଇଁ ଗୌରବ ଆଣିବେ।
