କେରଳ ରାଜ୍ୟପାଳଙ୍କ ସହ ମତବିନିମୟ କଲେ ଓଡ଼ିଶା ଗଣମାଧ୍ଯମ ପ୍ରତିନିଧ୍
କେରଳ ରାଜ୍ୟପାଳଙ୍କ ସହ ମତବିନିମୟ କଲେ ଓଡ଼ିଶା ଗଣମାଧ୍ଯମ ପ୍ରତିନିଧ୍
ଭିଝିଞ୍ଜମ ଅନ୍ତର୍ଜାତୀୟ ବନ୍ଦର ପରିଦର୍ଶନ
ସ୍ବାସ୍ଥ୍ୟ ଏବଂ ଶିକ୍ଷା କ୍ଷେତ୍ରରେ କେରଳର ପ୍ରଗତି ସମାବେଶୀ ଶାସନର ପ୍ରତିଫଳନ: ରାଜ୍ୟପାଳ ଶ୍ରୀ ରାଜେନ୍ଦ୍ର ବିଶ୍ବନାଥ ଆର୍ଲେକର
ଭାରତର ସାମୁଦ୍ରିକ କ୍ଷମତାକୁ ସୁଦୃଢ଼ କରିବ ଭିଝିଞ୍ଜମ ଅନ୍ତର୍ଜାତୀୟ ବନ୍ଦର
ପତ୍ର ସୂଚନା କାର୍ଯ୍ୟାଳୟ (ପିଆଇବି)ର ଗଣମାଧ୍ଯମ ପରିଦର୍ଶନ କାର୍ଯ୍ୟକ୍ରମ ଅନ୍ତର୍ଗତ ଓଡ଼ିଶାର ଏକ ଗଣମାଧ୍ଯମ ପ୍ରତିନିଧ୍ ଦଳ କେରଳର ରାଜ୍ୟପାଳ ଶ୍ରୀ ରାଜେନ୍ଦ୍ର ବିଶ୍ବନାଥ ଆର୍ଲେକରଙ୍କୁ ଭେଟିଛନ୍ତି। ଏହି ପ୍ରତିନିଧ୍ ଦଳ କେରଳ ରାଜ୍ୟପାଳଙ୍କ ସହ ପ୍ରଶାସନ, ସହଯୋଗୀ ସଂଘୀୟ ବ୍ୟବସ୍ଥା ଏବଂ ରାଜ୍ୟରେ ଗ୍ରହଣ କରାଯାଇଥିବା ବିଭିନ୍ନ ବିକାଶମୂଳକ ପଦକ୍ଷେପ ଓ ନୀତିଗତ ହସ୍ତ ସ୍ତକ୍ଷେପର ପ୍ରମୁଖ ଦିଗଗୁଡ଼ିକ ଉପରେ ଫଳପ୍ରଦ ଏବଂ ବିସ୍ତୃତ ଆଲୋଚନା କରିଥିଲେ I
ଆଲୋଚନା ସମୟରେ ରାଜ୍ୟପାଳ କହିଥିଲେ, ସାମାଜିକ କ୍ଷେତ୍ର, ବିଶେଷକରି ସ୍ବାସ୍ଥ୍ୟ ଏବଂ ଶିକ୍ଷା କ୍ଷେତ୍ରରେ କେରଳ ଅନେକ ସଫଳତା ହାସଲ କରିଛି । ରାଜ୍ୟ ମାନବ ବିକାଶ ସୂଚକାଙ୍କରେ ନିରନ୍ତର ଭଲ ପ୍ରଦର୍ଶନ କରିଛି I ସେ କେରଳର ସୁଦୃଢ଼ ସ୍ବାସ୍ଥ୍ୟ ଭିଭିଭୂ ଭୂମି ଏବଂ ରାଜ୍ୟର 100 ପ୍ରତିଶତ ସାକ୍ଷରତା ହାସଲ ବିଷୟରେ ଉଲ୍ଲେଖ କରିଥିଲେ | ଏଥିସହିତ ସମାବେଶୀ ଏବଂ ଦୀର୍ଘସ୍ଥାୟୀ ବିକାଶରେ ଶିକ୍ଷାର ଭୂମିକା ଉପରେ ଗୁରୁତ୍ବାରୋପ କରିଥିଲେ I ରାଜ୍ୟପାଳ କେରଳର ସମୃଦ୍ଧ ସାଂସ୍କୃତିକ ଐତିହ୍ୟ, ପ୍ରାକୃତିକ ସୌନ୍ଦର୍ଯ୍ୟ ଏବଂ ବଂ ଉଚ୍ଚ ସ୍ବଚ୍ଛତା ମାନଦଣ୍ଡ ବିଷୟରେ ମଧ୍ୟ କହିଥିଲେ | ଏଗୁଡ଼ିକୁ ସେ ରାଜ୍ୟ ପରିଚୟର ଅବିଚ୍ଛେଦ୍ୟ ଅ ଅଙ୍ଗ ଭାବରେ ବର୍ଣ୍ଣନା କରିଥିଲେ I ଓଡ଼ିଶା ସହିତ ତାଙ୍କର ସମ୍ପର୍କକୁ ମନେ ପକାଇ ସେ ରାଜ୍ୟ ଗସ୍ତର ଅଭିଜ୍ଞତା ବାଣ୍ଟିଥିଲେ ଏବଂ ପରିଦର୍ଶନରେ ଆସିଥିବା ସାମ୍ବାଦିକମାନଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଥିଲେ I ଏହି ଆଲୋଚନାରେ ଗଣତାନ୍ତ୍ରିକ ପ୍ରଶାସନ ଏବଂ ସାମ୍ବିଧାନିକ ପ୍ରତିଷ୍ଠାନଗୁଡ଼ିକର
ଭୂମିକା ଉପରେ ଆଲୋକପାତ କରାଯାଇଥିଲା I ଏହି ପ୍ରତିନିଧ୍ ଦଳ ରାଜ୍ୟପାଳଙ୍କୁ ସେମାନଙ୍କ କେରଳ ଗସ୍ତ ବିଷୟରେ ସୂଚନା ଦେଇଥିଲେ ଏବଂ ସେମାନଙ୍କର ଅଭିଜ୍ଞତା ବାଣ୍ଟିଥିଲେ I
ପ୍ରତିନିଧ୍ ଦଳ ଭିଝିଞ୍ଜମ ଅନ୍ତର୍ଜାତୀୟ ସାମୁଦ୍ରିକ ବନ୍ଦର ମଧ୍ଯ ପରିଦର୍ଶନ କରିଥିଲେ | ସେଠାରେ ସେମାନଙ୍କୁ ବନ୍ଦରର ଭିତ୍ତିଭୂମି, ପରିଚାଳନାଗତ କାର୍ଯ୍ୟଦକ୍ଷତା ଏବଂ ରଣନୀତିକ ଗୁରୁତ୍ବ ବିଷୟରେ ସୂଚନା ଦିଆଯାଇଥିଲା I ଭିଝିଞ୍ଜମ ଅନ୍ତର୍ଜାତୀୟ ବନ୍ଦର ବାଣିଜ୍ୟିକ କାର୍ଯ୍ୟର ଗୋଟିଏ ବର୍ଷ ପୂରଣ କରିଛି ଏବଂ ଭାରତର ସବୁଠାରୁ ଉନ୍ନତ ଗଭୀର ଜଳ ବନ୍ଦର ମଧ୍ୟରୁ ଅନ୍ୟତମ ଭାବରେ ଉଭା ହୋଇଛି । ୧୮-୨୦ ମିଟର ପ୍ରାକୃତିକ ସାମୁଦ୍ରିକ ଗଭୀରତା ଏବଂ ପ୍ରମୁଖ ପୂର୍ବ-ପଶ୍ଚିମ ଅନ୍ତର୍ଜାତୀୟ ଜାହାଜ ମାର୍ଗ ସହିତ ସଂଯୋଗ ହୋଇଥିବା ଏହି ବନ୍ଦର ସର୍ବନିମ୍ନ ଡ୍ରେଜିଂ ସହିତ ଅଲ୍ଡ । ଲାର୍ଜ କଣ୍ଟେନର ଜାହାଜ (ୟୁଏଲସିଭି) ପରିଚାଳନା କରିବାକୁ ସକ୍ଷମ। ଓଡ଼ିଶା ଗଣମାଧ୍ଯମ ପ୍ରତିନିଧ୍ ଦଳକୁ ବନ୍ଦରର ସ୍ବୟଂଚାଳିତ ବ୍ୟବସ୍ଥା, ପ୍ରଯୁକ୍ତି-ଚାଳିତ ପ୍ରଣାଳୀ ଏବଂ ଉଚ୍ଚ
କାର୍ଯ୍ୟ ଦକ୍ଷତା ବିଷୟରେ ସୂଚନା ଦିଆଯାଇଥିଲା । ଏସବୁ ସୁବିଧା ଭିଝିଞ୍ଜମକୁ ଏକ ଗୁରୁତ୍ବପୂର୍ଣ ପଣ୍ୟ କାରବାର କେନ୍ଦ୍ର ରୂପେ ସ୍ଥାନିତ କରେ ଏବଂ ବିଶ୍ବ ସାମୁଦ୍ରିକ ବାଣିଜ୍ୟରେ ଭାରତ ଭୂମିକାକୁ ମଜବୁତ କରିଥାଏ I
ଓଡ଼ିଶା ଗଣମାଧ୍ୟମ ପ୍ରତିନିଧ୍ ଦଳ ଏହି ଗସ୍ତ ସମୟରେ ପିଆଇବି ତିରୁଅନନ୍ତପୁରମର ରମର ଅତିରିକ୍ତ ମହାନିର୍ଦ୍ଦେଶକ ଶ୍ରୀ ଭି. ପଲାନିସାମିଙ୍କୁ ମଧ୍ଯ ସାକ୍ଷାତ କରିଥିଲେ। ବିକାଶମୂଳକ ସାମ୍ବ ସାମ୍ବାଦିକତାକୁ ପ୍ରୋତ୍ସାହନ ଦେବା ଏବଂ ସରକାର ଓ ଗଣମାଧ୍ଯମ ମଧ୍ୟରେ ଯୋଗାଯୋଗକୁ ସୁଦୃଢ଼ କରିବାରେ ପିଆଇବିର ଭୂମିକା ଉପରେ ଆଲୋଚନା ହୋଇଥିଲା।
ପିଆଇବି ଭୁବନେଶ୍ବରର ଉପ-ନିର୍ଦ୍ଦେଶକ ଶ୍ରୀ ମନୋଜ କୁମାର ଜାଲି, ଗଣମାଧ୍ୟମ ଓ ଯୋଗାଯୋଗ ଅଧ୍କାରୀ ସ୍ବାଧୀନ ଶକ୍ତି ପ୍ରସାଦ ଏହି ଗସ୍ତକୁ ପରିଚାଳନା କରିଥିଲେ ।
