ଆଇଆଇଏମସି ଢେଙ୍କାନାଳ ପକ୍ଷରୁ ଦୁଇଟି ନୂଆ ସ୍ନାତକୋତ୍ତର ପାଠ୍ୟକ୍ରମ ଘୋଷଣା
ଆଇଆଇଏମସି ଢେଙ୍କାନାଳ ପକ୍ଷରୁ ଦୁଇଟି ନୂଆ ସ୍ନାତକୋତ୍ତର ପାଠ୍ୟକ୍ରମ ଘୋଷଣା
ଶିକ୍ଷାବର୍ଷ 2026-27 ପାଇଁ ସିୟୁଇଟି-ପିଜି ପ୍ରବେଶିକା ପରୀକ୍ଷା ମାଧ୍ୟମରେ ହେବ ନାମଲେଖା
ଆଇଆଇଏମସି ଢେଙ୍କାନାଳ ପକ୍ଷରୁ ଆସନା ଶିକ୍ଷାବର୍ଷରୁ ଦୁଇଟି ନୂତନ ସ୍ନାତକୋତ୍ତର ଡିଗ୍ରୀ ପାଠ୍ୟକ୍ରମ ଆରମ୍ଭ ହେବାକୁ ଯାଉଛି । ସେଗୁଡ଼ିକ ହେଲା କର୍ପୋରେଟ୍ ଯୋଗାଯୋଗ ଏବଂ ବ୍ରାଣ୍ଡ୍ ମ୍ୟାନେଜମେଣ୍ଟରେ ଏମଏ ଏବଂ ଗଣମାଧ୍ଯମ ଓ ଯୋଗାଯୋଗ ପ୍ରଶାସନରେ ଏମଏ। ଆଇଆଇଏମସି ଢେଙ୍କାନାଳ ଏକ ଡିମତ୍ ବିଶ୍ବବିଦ୍ୟାଳୟ ମାନ୍ୟତା ଲାଭ କରିଛି। ଏହା ଜାତୀୟ ପରୀକ୍ଷଣ ସଂସ୍ଥା (ଏନଟିଏ) ଦ୍ବାରା ପରିଚାଳିତ ହେବାକୁ ଥିବା ସାଧାରଣ ବିଶ୍ବବିଦ୍ୟାଳୟ ପ୍ରବେଶିକା ପରୀକ୍ଷା (ସିୟୁଇଟି-ପିଜି) ମାଧ୍ଯମରେ 2026-27 ପାଇଁ ନାମଲେଖା ଘୋଷଣା କରିଛି। ସିୟୁଇଟି-ପିଜି 2026 ପାଇଁ ଅନଲାଇନ୍ ପଞ୍ଜୀକରଣ ଆରମ୍ଭହୋଇସାରିଛି ଏବଂ ଆବେଦନ କରିବାର ଶେଷ ତାରିଖ 20 ଜାନୁଆରୀ 2026 ରଖାଯାଇଛି। ଆଗ୍ରହୀ ପ୍ରାର୍ଥୀମାନେ ସିୟୁଇଟି-ପିଜି ପୋର୍ଟାଲ୍ ମାଧ୍ୟମରେ ଆବେଦନ କରିପାରିବେ।
ଆଇଆଇଏମସି ଢେଙ୍କାନାଳର ଆଞ୍ଚଳିକ ନିର୍ଦ୍ଦେଶକ ପ୍ରଫେସର ଆନନ୍ଦ ପ୍ରଧାନ କହିଛନ୍ତି, “କର୍ପୋରେଟ୍ ଯୋଗାଯୋଗ ଏବଂ ବ୍ରାଣ୍ଡ ପରିଚାଳନାରେ ଏମଏ ଏବଂ ଗଣମାଧ୍ୟମ ଓ ଯୋଗାଯୋଗ ପ୍ରଶାସନରେ ଏମଏ ପାଠ୍ୟକ୍ରମ ପ୍ରଚଳନ ସହିତ ଆଇଆଇଏମସି ଢେଙ୍କାନାଳ ବିକଶିତ ଶିଳ୍ପ ଆବଶ୍ୟକତା ଏବଂ ଭାରତର ଦ୍ରୁତ ପରିବର୍ତ୍ତିତ ଗଣମାଧ୍ଯମ ଓ ଯୋଗାଯୋଗ ପରିବେଶ ସହିତ ଏହାର ଶିକ୍ଷାଦାନ ବ୍ୟବସ୍ଥାକୁ ସୁଦୃଢ଼ କରୁଛି।
ସେ ଆହୁରି ମଧ୍ୟ କହିଛନ୍ତି, ଏହି ପାଠ୍ୟକ୍ରମଗୁଡ଼ିକ ଉଚ୍ଚ-ପ୍ରଭାବଶାଳୀ ବୃତ୍ତଗତ କ୍ଷମତା ସହିତ ଦୃଢ଼ ଧାରଣାଗତ ଭିତ୍ତିଭୂମି ନିର୍ମାଣ କରିବା ପାଇଁ ଡିଜାଇନ୍ କରାଯାଇଛି, ଯାହା ଛାତ୍ରଛାତ୍ରୀମାନଙ୍କୁ ଗଣମାଧ୍ୟମ, ଯୋଗାଯୋଗ, ସାର୍ବଜନୀନ ନୀତି, ବ୍ରାଣ୍ଡିଂ ଏବଂ ଶାସନ-ସମ୍ବନ୍ଧୀୟ କ୍ଷେତ୍ରଗୁଡ଼ିକରେ ନେତୃତ୍ବ ଭୂମିକା ଗ୍ରହଣ କରିବାକୁ ସକ୍ଷମ କରିଥାଏ।"
ଆଇଆଇଏମସି ଢେଙ୍କାନାଳରେ ଗଣମାଧ୍ୟମ ଏବଂ ଯୋଗାଯୋଗ ପ୍ରଶାସନରେ ଗଣ ଯୋଗାଯୋଗ ଓ ସାମ୍ବାଦିକତା ପାଠ୍ୟକ୍ରମରେ ଅର୍ଥନୀତି, ରାଜନୀତି ବିଜ୍ଞାନ, ଆଇନ ଏବଂ ସମାଜବିଜ୍ଞାନ ଛାତ୍ରଛାତ୍ରୀ ନାମ ଲେଖାଇପାରିବେ। ସେହିପରି ଗଣ ଯୋଗାଯୋଗ ଏବଂ ସାମ୍ବାଦିକତା, ଅର୍ଥନୀତି, ବାଣିଜ୍ୟ ଏବଂ ସାଧାରଣ ବିଷୟର ଛାତ୍ରଛାତ୍ରୀ କର୍ପୋରେଟ୍ ଯୋଗାଯୋଗ ଏବଂ ବ୍ରାଣ୍ଡ ପରିଚାଳନାରେ ପ୍ରବେଶିକା ପରୀକ୍ଷା ଦେଇ ପାଠ ପଢ଼ିପାରିବେ।
2026-27 ପାଇଁ ନାମଲେଖା ବିଜ୍ଞପ୍ତିରେ, ଆଇଆଇଏମସି ଏହାର ଅନ୍ୟ କ୍ୟାମ୍ପସରେ ଆହୁରି ଚାରୋଟି ସ୍ନାତକୋତ୍ତର ପାଠ୍ୟକ୍ରମରେ ନାମଲେଖା ଘୋଷଣା କରିଛି । ସେଗୁଡ଼ିକ ହେଲା -ମିଡିଆ ବ୍ୟବସାୟ ଅଧ୍ୟୟନରେ ଏମଏ (ଦିଲ୍ଲୀ), ଷ୍ଟ୍ରାଟେଜିକ୍ କମ୍ୟୁନିକେସନ୍ରେ ଏମଏ (ଦିଲ୍ଲୀ), ନ୍ୟୁ ମିଡିଆ କମ୍ୟୁନିକେସନ୍ରେ ଏମଏ (ଦିଲ୍ଲୀ, ଜମ୍ମୁ, ଆଇଜଲ୍ ଏବଂ କୋଟ୍ଟାୟମ) ଏବଂ ସ୍ବାସ୍ଥ୍ୟ ଯୋଗାଯୋଗରେ ଏମଏ (ଦିଲ୍ଲୀ) । ପ୍ରବେଶିକା ପରୀକ୍ଷା ଅଧୀନରେ ମଧ୍ୟ ପିଜି ଡିପ୍ଲୋମା ପାଠ୍ୟକ୍ରମ ପାଇଁ ମଧ୍ୟ ବିଜ୍ଞପ୍ତି ଜାରି କରାଯାଇଛି, ଯେଉଁଥିରେ ସାମ୍ବାଦିକତାରେ ପିଜି ଡିପ୍ଲୋମା (ଇଂରାଜୀ), ସାମ୍ବାଦିକତାରେ ପିଜି ଡିପ୍ଲୋମା (ହିନ୍ଦୀ), ରେଡିଓ ଏବଂ ଟିଭି ସାମ୍ବାଦିକତାରେ ପିଜି ଡିପ୍ଲୋମା, ବିଜ୍ଞାପନ ଏବଂ ଲୋକସମ୍ପର୍କରେ ପିଜି ଡିପ୍ଲୋମା ସାମିଲ ରହିଛି ।
ଏମଏ ପାଠ୍ୟକ୍ରମ ପାଇଁ, ଅତି କମରେ 55% ନମ୍ବର ସହିତ ଯେକୌଣସି ବିଷୟରେ ସ୍ନାତକ ଡିଗ୍ରୀଧାରୀ ଭାରତୀୟ ନାଗରିକମାନେ ଆବେଦନ କରିବାକୁ ଯୋଗ୍ୟ। ନାମଲେଖା ବିଜ୍ଞପ୍ତିରେ ନିର୍ଦ୍ଦିଷ୍ଟ ସତ୍ତାବଳୀ
ଅନୁଯାୟୀ, ସ୍ନାତକୋତ୍ତରର ଶେଷ ବର୍ଷ/ସେମିଷ୍ଟରରେ ଥିବା ଛାତ୍ରଛାତ୍ରୀମାନେ ମଧ୍ୟ ଏଥିପାଇଁ ଯୋଗ୍ୟ ।
ଏମଏ ପାଠ୍ୟକ୍ରମ ଗୁଡ଼ିକ ପାଇଁ କୌଣସି ବୟସ ସୀମା ନାହିଁ।
ଆଗ୍ରହୀ ପ୍ରାର୍ଥୀମାନଙ୍କୁ ଜାତୀୟ ପରୀକ୍ଷା ଏଜେନ୍ସି ମାଧ୍ୟମରେ ସିୟୁଇଟି (ପିଜି) 2026 ପାଇଁ ଅନଲାଇନରେ ପଞ୍ଜୀକରଣ କରିବାକୁ ପଡିବ। ଅନଲାଇନରେ ଆବେଦନ ଦାଖଲ କରିବାର ଶେଷ ତାରିଖ 20 ଜାନୁଆରୀ 20261 ଅଧିକ ସୂଚନା ପାଇଁ, ପ୍ରାର୍ଥୀମାନେ ସିୟୁଇଟି (ପିଜି) ପୋର୍ଟାଲ୍ ଏବଂ ଆଇଆଇଏମସି ୱେବସାଇଟ୍ ପରିଦର୍ଶନ କରିପାରିବେ।
