ଜାତୀୟ ଶିକ୍ଷା ନୀତି ୨୦୨୫ ଆଲୋଚନା ଚକ୍ର...

ଜାତୀୟ ଶିକ୍ଷା ନୀତି ୨୦୨୫ ଆଲୋଚନା ଚକ୍ର...

ଓଡିଶା ସ୍ଥିତ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର ଜାତୀୟ ପରିଚାଳନା କମିଟି ବୈଠକ ଶ୍ରୀ ସଦାଶିବ କ୍ୟାମ୍ପସ ପୁରୀରେ ଅନୁଷ୍ଠିତ ହୋଇଯାଇଛି। 

ସମ୍ମାନିତ ଅତିଥିମାନେ ଆନୁଷ୍ଠାନିକ ଭାବରେ ପ୍ରଦୀପ ପ୍ରଜ୍ଜ୍ୱଳନ କରି ବୈଠକର ଶୁଭାରମ୍ଭ କରିଥିଲେ। 

କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟ, ଶ୍ରୀ ସଦାଶିବ କ୍ୟାମ୍ପସ, ପୁରୀର ନିର୍ଦ୍ଦେଶକ ପ୍ରଫେସର ପ୍ରଭାତ କୁମାର ମହାପାତ୍ର ଅତିଥିମାନଙ୍କୁ ସ୍ୱାଗତ କରିଥିଲେ ଏବଂ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟ ସମ୍ପର୍କରେ ପରିଚିତ କରାଇଥିଲେ। 

ଶିକ୍ଷା ସଂସ୍କୃତି ଉତ୍ଥାନ ଟ୍ରଷ୍ଟ, ଓଡ଼ିଶାର ରାଜ୍ୟ ସଂଯୋଜକ ଶ୍ରୀ ବିଶ୍ୱରଞ୍ଜନ ମିଶ୍ର, ସଂଯୋଜକ ଶ୍ରୀ ହେମନ୍ତ ଜେନା ଏବଂ ଡକ୍ଟର ବିକାଶ କୁମାର ଅତିଥିମାନଙ୍କୁ ଉପଢୌକନ ଏବଂ ପ୍ରଭୁ ଜଗନ୍ନାଥଙ୍କ ଏକ ଚିତ୍ର ପ୍ରଦାନ କରି ମଞ୍ଚ ଉପରେ ସ୍ୱାଗତ କରିଥିଲେ। 

ଶିକ୍ଷା ସଂସ୍କୃତି ଉତ୍ଥାନ ଟ୍ରଷ୍ଟର ଅଧ୍ୟକ୍ଷ ଡକ୍ଟର ପଙ୍କଜ ମିତ୍ତଲ ଟ୍ରଷ୍ଟର କାର୍ଯ୍ୟ ଏବଂ କାର୍ଯ୍ୟକଳାପ ଉପରେ ଆଲୋକପାତ କରିଥିଲେ।

ବୈଠକର ଉଦଘାଟନୀ ଅଧିବେଶନରେ “ଜାତୀୟ ଶିକ୍ଷା ନୀତି ୨୦୨୫ର ପରିପ୍ରେକ୍ଷୀରେ ଭାରତୀୟ ଜ୍ଞାନ ପରମ୍ପରା” ଶୀର୍ଷକ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା, ଯେଉଁଥିରେ ମୁଖ୍ୟ ଅତିଥି ଭାବରେ ଓଡ଼ିଶା ସରକାରଙ୍କ ଉଚ୍ଚଶିକ୍ଷା ମନ୍ତ୍ରୀ ଶ୍ରୀଯୁକ୍ତ ସୁରଜ ସୂର୍ଯ୍ୟବଂଶୀ ଏବଂ ସ୍ୱତନ୍ତ୍ର ଅତିଥି ଭାବରେ ଓଡ଼ିଶା ସରକାରଙ୍କ ଦକ୍ଷତା ଏବଂ ବୈଷୟିକ ଶିକ୍ଷା ମନ୍ତ୍ରୀ ଶ୍ରୀଯୁକ୍ତ ସମ୍ପଦ ଚନ୍ଦ୍ର ସ୍ୱାଇଁ ଯୋଗ ଦେଇଥିଲେ |

ରାଷ୍ଟ୍ରୀୟ ଶିକ୍ଷାନୀତି ୨୦୨୫ ସମ୍ପର୍କରେ ଗୁରୁତ୍ୱାରୋପ କରିବା ସହ ସଂସ୍କୃତ ଭାଷାର ଗରିମା ସମ୍ପର୍କରେ ଚର୍ଚ୍ଚା କରିଥିଲେ । 

ମୁଖ୍ୟ ବକ୍ତା ଭାବରେ ଶିକ୍ଷା ସଂସ୍କୃତି ଉତ୍ଥାନ ଟ୍ରଷ୍ଟର ଜାତୀୟ ସଚିବ ଡକ୍ଟର ଅତୁଲ କୋଠାରୀ ଜାତୀୟ ଶିକ୍ଷା ନୀତି ୨୦୨୫ ର ଗୁରୁତ୍ୱ ଉପରେ ଆଲୋକପାତ କରି ଭାରତୀୟ ଜ୍ଞାନ ପରମ୍ପରାର ଆବଶ୍ୟକତା ଉପରେ ମଧ୍ୟ ମତ ଉପସ୍ଥାପନା କରିଥିଲେ |

ଦୃଢ଼ ଭାବରେ କହିଥିଲେ ଯେ ଏହି ଐତିହାସିକ ଶିକ୍ଷା ନୀତି, ଯଦି ସଠିକ୍ ଭାବରେ କାର୍ଯ୍ୟକାରୀ ହୁଏ, ତେବେ ନିଃସନ୍ଦେହରେ ଏକ ବିକଶିତ ଭାରତର ମୂଳଦୁଆ ସ୍ଥାପନ କରିବାରେ ତାହା ସକ୍ଷମ ହେବ। 

ସଂସ୍କୃତ ଭାଷାର ଗୁରୁତ୍ୱ ଉପରେ ଆଲୋକପାତ କରିବା ସହ ସେ କହିଥିଲେ ଯେ, ଓଡ଼ିଶା ରାଜ୍ୟରେ ଏହାର ସଠିକ୍ କାର୍ଯ୍ୟାନ୍ୱୟନର ଆବଶ୍ୟକତା ରହିଛି, ଟ୍ରଷ୍ଟ ଜାତୀୟ ଶିକ୍ଷା ନୀତି ୨୦୨୫ ଏବଂ ଭାରତୀୟ ଜ୍ଞାନ ପରମ୍ପରାର କାର୍ଯ୍ୟାନ୍ୱୟନ ପାଇଁ ମଧ୍ୟପ୍ରଦେଶ ସରକାର ଏବଂ ଶିକ୍ଷା ବିଭାଗ ସହିତ ସହଯୋଗରେ କାର୍ଯ୍ୟ କରିଆସୁଛି, ସେହିପରି ଓଡ଼ିଶାରେ ମଧ୍ୟ ଏହା କରିବାକୁ ପ୍ରସ୍ତୁତ, ଯେଉଁଠାରେ ଆବଶ୍ୟକତା ପଡ଼ିବ ସେଠାରେ ଟ୍ରଷ୍ଟ ଏହି କାର୍ଯ୍ୟରେ ନିୟୋଜିତ ହେବ। 

ଶେଷରେ, କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟ, ଶ୍ରୀ ସଦାଶିବ କ୍ୟାମ୍ପସ, ପୁରୀର ବରିଷ୍ଠ ଆଚାର୍ଯ୍ୟ ପ୍ରଫେସର ଲଳିତ କୁମାର ସାହୁ ମଞ୍ଚରେ ଉପସ୍ଥିତ ସମସ୍ତ ଅତିଥି, ଟ୍ରଷ୍ଟର ବରିଷ୍ଠ କର୍ମୀ, ଶିକ୍ଷାବିତ୍ ଏବଂ ଅଧ୍ୟାୟୀଙ୍କ ବ୍ୟତୀତ, ସଭାରେ ଉପସ୍ଥିତ ଦେଶ ସାରାର ଗବେଷକମାନଙ୍କୁ ଧନ୍ୟବାଦ ଅର୍ପଣ କରିଥଲେ ଏବଂ ପରିଶେଷରେ ରାଷ୍ଟ୍ରଗାନ ପୂର୍ବକ ସଭା ସମାପ୍ତ ହୋଇଥିଲା ।

ସୂଚନାଯୋଗ୍ୟଯେ ୧୨ ରୁ ୧୪ ଅକ୍ଟୋବର ପର୍ଯ୍ୟନ୍ତ ଶ୍ରୀ ସଦାଶିବ ପରିସରରେ ଏହି ତ୍ରୀ ଦିବସୀୟ ରାଷ୍ଟ୍ରୀୟ ସଂଗୋଷ୍ଠି ଅନୁଷ୍ଠିତ ହେବ, ଯେଉଁଥିରେ “ଜାତୀୟ ଶିକ୍ଷା ନୀତି ୨୦୨୫ ପରିପ୍ରେକ୍ଷୀରେ ଭାରତୀୟ ଜ୍ଞାନ ପରମ୍ପରା ଶୀର୍ଷକ ଆଲୋଚନା ଚକ୍ରରେ ରାଜ୍ୟ ତଥା ରାଜ୍ୟ ବାହାରୁ ବହୁ ଶିକ୍ଷାବିତ୍‌ ଏବଂ ଗବେଷକ, ଗବେଷିକାମାନେ ଅଂଶଗ୍ରହଣ କରିବେ ।