ଦୁଇ ଦିନିଆ ୟୁଏଇ ଗସ୍ତରେ ବାହାରିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ :ଦୁଇ ଦିନିଆ ୟୁଏଇ ଗସ୍ତରେ ବାହାରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ଦିଲ୍ଲୀ ବିମାନବନ୍ଦରରୁ ସେ ଦୁବାଇ ଅଭିମୁଖେ ଯାଇଛନ୍ତି। ୟୁଏଇ ପରେ ସେ ମଧ୍ୟ କତାର ଯିବେ। ପିଏମ୍‌ଓ ଅନୁଯାୟୀ, ପ୍ରଧାନମନ୍ତ୍ରୀ ମୋଦି ୧୩-୧୪ ଫେବୃଆରୀରୁ ସଂଯୁକ୍ତ ରାଷ୍ଟ୍ର ଗସ୍ତ କରିବେ ଏବଂ ସେ ୧୪-୧୫ ଫେବୃଆରୀରୁ କାତାର ଗସ୍ତରେ ଯିବେ। ୨୦୧୪ ପରଠାରୁ ଏହା ତାଙ୍କର ସପ୍ତମ ୟୁଏଇ ଗସ୍ତ ଏବଂ ଦ୍ୱିତୀୟ କାତାର ଗସ୍ତ ହେବ। ଗତ ୯ ବର୍ଷ ମଧ୍ୟରେ ୟୁଏଇ ସହିତ ଭାରତର ସହଯୋଗ ବାଣିଜ୍ୟ ଏବଂ ପୁଞ୍ଜି ବିନିଯୋଗ, ପ୍ରତିରକ୍ଷା, ନିରାପତ୍ତା, ଖାଦ୍ୟ ଏବଂ ଶକ୍ତି ସୁରକ୍ଷା, ଶିକ୍ଷା ଭଳି ବିଭିନ୍ନ କ୍ଷେତ୍ରରେ ବୃଦ୍ଧି ପାଇଛି। ତେବେ ଏହି ଆଲୋଚନା ଦୁଇ ଦେଶ ମଧ୍ୟରେ ବ୍ୟାପକ ରଣନୀତିକ ଭାଗିଦାରୀକୁ ଆଗକୁ ବଢାଇବ। ପ୍ରଧାନମନ୍ତ୍ରୀ ମୋଦି ମଧ୍ୟ ଆବୁଧାବିରେ ଏକ ହିନ୍ଦୁ ମନ୍ଦିରର ଉଦଘାଟନ କରିବେ।