ଫ୍ରାନ୍ସ ଏବଂ ସ୍ଲୋଭାକିଆ ଗସ୍ତ ପୂର୍ବରୁ ପ୍ରଧାନମନ୍ତ୍ରୀଙ୍କ ପ୍ରସ୍ଥାନ ବିବୃତ୍ତ
୧୩ ଜୁନ୍ ୨୦୨୬: ପିଆଇବି ଦିଲ୍ଲୀ
ଫ୍ରାନ୍ସର ରାଷ୍ଟ୍ରପତି ଶ୍ରୀ ଇମାନୁଏଲ ମାକ୍ରନ ଏବଂ ସ୍ଲୋଭାକର ପ୍ରଧାନମନ୍ତ୍ରୀ ଶ୍ରୀ ରବର୍ଟ ଫିକୋଙ୍କ ନିମନ୍ତ୍ରଣରେ ମୁଁ ୧୩ରୁ ୧୮ ଜୁନ୍ ୨୦୨୬ ପର୍ଯ୍ୟନ୍ତ ଫ୍ରାନ୍ସ ଏବଂ ସ୍ଲୋଭାକ ଗସ୍ତ କରିବି ।
ଭାରତର ରଣନୈତିକ ଦୃଷ୍ଟିକୋଣରେ ଫ୍ରାନ୍ସ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛି । ଚଳିତ ବର୍ଷ ଆରମ୍ଭରେ, ରାଷ୍ଟ୍ରପତି ମାକ୍ରନ ଭାରତ ଗସ୍ତ କରିଥିଲେ ଏବଂ ଆମେ ଆମର ସମ୍ପର୍କକୁ ଏକ ସ୍ବତନ୍ତ୍ର ବିଶ୍ବ ରଣନୈତିକ ସହଭାଗୀତା ସୁରକୁ ଉନ୍ନୀତ କରିଥିଲୁ । ଯେତେବେଳେ ମୁଁ ନିସ୍ରେ ରାଷ୍ଟ୍ରପତି ମାକ୍ରନ୍ଙ୍କୁ ଭେଟିବି, ଆମେ ଫେବୃଆରୀ ପରଠାରୁ ହୋଇଥିବା ଅଗ୍ରଗତି ସମୀକ୍ଷା କରିବୁ ଏବଂ ଆମର ସହଯୋଗରେ ପରବର୍ତ୍ତୀ ପଦକ୍ଷେପଗୁଡିକର ତାଲିକା ପ୍ରସ୍ତୁତ କରିବୁ । ପାରସ୍ପରିକ ସ୍ବାର୍ଥର ବିଶ୍ବସୁରୀୟ ପ୍ରସଙ୍ଗଗୁଡିକୁ ମଧ୍ୟ ଗୁରୁତ୍ବ ଦେବା ଉପରେ ଆମର ଆଲୋଚନା ପାଇଁ ମୁଁ ଆଗ୍ରହୀ ଅଛି।
ନିସ୍ରେ ମୁଁ ୧୪ ଜୁନ୍ ୨୦୨୬ରେ ରାଷ୍ଟ୍ରପତି ମାକ୍ରନଙ୍କ ସହ 'ଭାରତ ଇନୋଭେଟ୍ସ' ଉଦ୍ଘାଟନ କରିବାକୁ ମଧ୍ୟ ଉତ୍ସାହର ସହିତ ଅପେକ୍ଷା କରିଛି । ଭାରତ-ଫ୍ରାନ୍ସ ନବାଚାର ବର୍ଷର ପୃଷ୍ଠଭୂମିରେ ଆୟୋଜିତ ହେବାକୁ ଥିବା ଏହି ଐତିହାସିକ କାର୍ଯ୍ୟକ୍ରମ, ଭାରତର ସବୁଠାରୁ ପ୍ରତିଶ୍ରୁତିବଦ୍ଧ ଷ୍ଟାର୍ଟ-ଅପ୍ଗୁଡିକୁ ବିଶ୍ବ ନିବେଶ ସହିତ ସଂଯୋଗ କରିବ ଏବଂ ଭାରତର ଉଚ୍ଚଶିକ୍ଷା ଇକୋସିଷ୍ଟମ୍ରୁ ଉବଭ ହେଉଥିବା ନବାଚାର ପାଇଁ ଏକ ପ୍ରମୁଖ ଉତ୍ପ୍ରେରକ ଭାବରେ କାର୍ଯ୍ୟ କରିବ ।
ନିସ୍ରୁ, ମୁଁ ୧୪-୧୫ଜୁନ୍ ୨୦୨୬ ପର୍ଯ୍ୟନ୍ତ ସ୍ଲୋଭାକିଆକୁ ସରକାରୀ ଗସ୍ତରେ ଯାତ୍ରା କରିବି, ଯାହା ୧୯୯୩ରେ ସ୍ଲୋଭାକିଆର ସ୍ବାଧୀନତା ପରେ ଜଣେ ଭାରତୀୟ ପ୍ରଧାନମନ୍ତ୍ରୀଙ୍କ ପ୍ରଥମ ଗସ୍ତ । ଏହି ଐତିହାସିକ ଗସ୍ତ ଆମର ଦ୍ବିପାକ୍ଷିକ ସମ୍ପର୍କକୁ ମଜବୁତ କରିବା ସହ ଅଧୂକ ଗତିଶୀଳ କରାଇବ । ମୁଁ ବ୍ରାଟିସ୍ଲାଭାରେ ରାଷ୍ଟ୍ରପତି ପେଲେଗ୍ରୀନି ଏବଂ ପ୍ରଧାନମନ୍ତ୍ରୀ ଫିକୋଙ୍କ ସହିତ ଆଲୋଚନା କରିବାକୁ ଆଗ୍ରହୀ ରହିଛି । ମୋତେ ସ୍ଲୋଭାକିଆରେ ବ୍ୟାବସାୟିକ ନେତାମାନଙ୍କ ସହିତ ଆଲୋଚନା କରିବାର ସୁଯୋଗ ମଧ୍ୟ ମିଳିବ । ଭାରତ-ୟୁରୋପୀୟ ସଂଘ ମୁକ୍ର ବାଣିଜ୍ୟ ଚୁକ୍ତିନାମାକୁ ଅଧୂକ ଗତିଶୀଳ କରିବା ସହ ଏହି ଗସ୍ତ ୟୁରୋପୀୟ ସଂଘ ସହିତ ଆମର ରଣନୈତିକ ସହଭାଗୀତାକୁ ଆହୁରି ମଜବୁତ କରିବ, ଯାହାର ସ୍ଲୋଭାକିଆ ଏକ ଗୁରୁତ୍ବପୂର୍ଣ୍ଣ ଏବଂ ସମ୍ମାନିତ ସଦସ୍ୟ ।
ସ୍ଲୋଭାକିଆରୁ ମୁଁ ଏଭିଆନ୍ ଯାତ୍ରା କରିବି, ଯେଉଁଠାରେ ମୁଁ ୧୬ ଏବଂ ୧୭ ଜୁନ୍ ୨୦୨୬ରେ ଆୟୋଜିତ ହେବାକୁ ଥିବା ଜି୭ ଶିଖର ସମ୍ମିଳନୀରେ ଅଂଶଗ୍ରହଣ କରିବି । ଜି୭ରେ ଭାରତର ଉପସ୍ଥିତି ଆମର ସହଯୋଗୀ ଦେଶମାନେ ଆମ ଉପରେ ରଖୁଥିବା ବିଶ୍ବାସ ଏବଂ ବିଶ୍ବସୁରରେ ଭାରତର ବୃଦ୍ଧି ପାଉଥିବା ପ୍ରତିଷ୍ଠାକୁ ପ୍ରତିଫଳିତ କରେ । ଏହା ଲଗାତାର ୮ମ ଜି୭ ଶିଖର ସମ୍ମିଳନୀ ଯେଉଁଥିରେ ଭାରତକୁ ନିମନ୍ତ୍ରଣ କରାଯାଇଛି । ଜି୭ରେ, ଭାରତ କେବଳ ନିଜ ପାଇଁ ନୁହେଁ, ବରଂ ଏହା ଗ୍ଲୋବାଲ ସାଉଥ୍ର ଆକାଂକ୍ଷାକୁ ମଧ୍ୟ ସ୍ବର ଦେବ ।
ମୁଁ ୧୮ ଜୁନ୍ ୨୦୨୬ରେ ପ୍ୟାରିସ୍ରେ ମୋର ଫ୍ରାନ୍ସ ଗସ୍ତ ଶେଷ କରିବି ଯେଉଁଠାରେ ମୁଁ ରାଷ୍ଟ୍ରପତି ମାକ୍ରନ୍ଙ୍କ ସହିତ ଭିଭାଟେକ୍ ୨୦୨୬ରେ ଯୋଗଦେବି । ଭିଭାଟେକ୍ ହେଉଛି ୟୁରୋପର ପ୍ରଯୁକ୍ତିବିଦ୍ୟା ଏବଂ ନବାଚାରର ଏକ ପ୍ରମୁଖ ସମାବେଶ । ଏହି ସଂସ୍କରଣରେ ଭାରତର ସବୁଠାରୁ ବଡ଼ ଜାତୀୟ ପାଭିଲିୟନ୍ ରହିବ, ଯାହା ଭାରତୀୟ ଏବଂ ୟୁରୋପୀୟ ନବାଚାର ଇକୋସିଷ୍ଟମ୍ ମଧ୍ଯରେ ସହଭାଗୀତାର ବିଶାଳ ସମ୍ଭାବନାର ଏକ ଉପଯୁକ୍ତ ପ୍ରତୀକ । ମୁଁ ପ୍ୟାରିସ୍ରେ ସ୍ଵନ୍ଦନଶୀଳ ଭାରତୀୟ ସମ୍ପ୍ରଦାୟର ସଦସ୍ୟମାନଙ୍କୁ ଭେଟିବାକୁ ମଧ୍ୟ ଆଗ୍ରହୀ ଅଛି, ଯେଉଁମାନେ ଆମ ଦୁଇ ରାଷ୍ଟ୍ର ମଧ୍ୟରେ ଏକ ଜୀବନ୍ଧ ସେତୁ ।
ଫ୍ରାନ୍ସ ଏବଂ ସ୍ଲୋଭାକିଆକୁ ମୋର ଗସ୍ତ ୟୁରୋପ ଏବଂ ଜ୭ ସହିତ ଭାରତର ଗଭୀର ସମ୍ପର୍କକୁ ସୁଦୃଢ଼ କରିବ ଏବଂ ମହାଦେଶ ତଥା ବାହାରେ ଆମର ସହଭାଗୀତାର ଦିଗନ୍ତକୁ ବିସ୍ତାର କରିବା ପାଇଁ ଆମର ଦୃଢ଼ ପ୍ରତିବଦ୍ଧତାକୁ ପ୍ରଦର୍ଶନ କରିଛି.
