ସାବଧାନ ! ହୋଇଯାଇ ପାରେ ତୁମ ଗାଡ଼ିମଟର କଳା ତାଲିକା ଭୁକ୍ତ...

ଭୁବନେଶ୍ୱର ଏବଂ କଟକରେ ମୋଟ ୨୫୮ଟି ଯାନକୁ କଳା ତାଲିକାଭୁକ୍ତ କଲା ରାଜ୍ୟ ପରିବହନ ଅଥରିଟି |

ବହୁ ସଂଖ୍ୟକ ଯାନବାହନ ମାଲିକ ଅଭ୍ୟାସଗତ ଭାବରେ ଟ୍ରାଫିକ୍ ନିୟମ ଉଲ୍ଲଂଘନ କରୁଛନ୍ତି ଏବଂ ଏପରି ଉଲ୍ଲଂଘନ ପାଇଁ ଆଦାୟ କରାଯାଇଥିବା ଜରିମାନା ପୈଠ କରିବାରେ ବିଫଳ ହେଉଛନ୍ତି।

ପ୍ରଥମ ପର୍ଯ୍ୟାୟରେ ୨୫୮ ଜଣ ଉଲ୍ଲଂଘନକାରୀଙ୍କୁ ଚିହ୍ନଟ କରାଯାଇଛି ଏବଂ କମିଶନରେଟ୍ ପୋଲିସ ଦ୍ୱାରା ସମ୍ପୃକ୍ତ ଯାନଗୁଡ଼ିକର ପଞ୍ଜିକରଣ ପ୍ରମାଣପତ୍ର ଏବଂ ଫିନେସ୍ ପ୍ରମାଣପତ୍ର ବାତିଲ ପାଇଁ ରାଜ୍ୟ ପରିବହନ ପ୍ରାଧିକରଣ (STA), ଓଡ଼ିଶାକୁ ଏକ ଆନୁଷ୍ଠାନିକ ଅନୁରୋଧ ପଠାଯାଇଛି। 

ଏହି ପରିପ୍ରେକ୍ଷୀରେ, STA ସମସ୍ତ ଆଞ୍ଚଳିକ ପରିବହନ କାର୍ଯ୍ୟାଳୟ (RTO)କୁ ଏପରି ଯାନଗୁଡ଼ିକୁ କଳାତାଲିକାଭୁକ୍ତ କରିବାକୁ ଏବଂ ପଞ୍ଜିକରଣ ପ୍ରମାଣପତ୍ର ଏବଂ ଫିଟନେସ୍ ପ୍ରମାଣପତ୍ର ବାତିଲ ପାଇଁ କାର୍ଯ୍ୟାନୁଷ୍ଠାନ ଆରମ୍ଭ କରିବାକୁ ନିର୍ଦ୍ଦେଶ ଜାରି କରିଛି, ବିଶେଷକରି ଯେଉଁମାନେ ବାରମ୍ବାର ଟ୍ରାଫିକ୍ ଉଲ୍ଲଂଘନ କରି ଚାଲିଥିଲେ |