କାଲୋଲ ପୌରପାଳିକାରେ ୧୪୪ କୋଟି ଟଙ୍କା ମୂଲ୍ୟର ଭିତ୍ତିପ୍ରସ୍ତର ସ୍ଥାପନ ଓ ଉଦଘାଟନ କଲେ କେନ୍ଦ୍ର ଗୃହମନ୍ତ୍ରୀ
ଉତ୍ପାଦକୁ ପ୍ରାଥମିକତା ଦିଅନ୍ତୁ" – ପ୍ରଧାନମନ୍ତ୍ରୀଙ୍କ ଆହ୍ବାନ "ମା' ଭଉଣୀଙ୍କ ସମେତ ସମସ୍ତେ ସ୍ବଦେଶୀ ଉତ୍ପ
ସ୍ବଦେଶୀ ସାମଗ୍ରୀକୁ ଗ୍ରହଣ କରିବା ଦ୍ବାରା ଦେଶରେ ଅନେକ ବ୍ୟବସା ସାୟ ସୁଯୋଗ ସୃଷ୍ଟି ହେବ ଏବଂ ଆମର ଅର୍ଥବ୍ୟବସ୍ଥା ଦ୍ରୁତ ଗତିରେ ବିଶ୍ବର ତୃତୀୟ ସର୍ବବୃହତ୍ ଅର୍ଥବ୍ୟବସ୍ଥା ସ୍ଥାରେ ପରିଣତ ହେବ
୨୦୦୯ ମସିହା ସୁଦ୍ଧା, ଗ୍ରାମାଞ୍ଚଳ ଏବଂ ସହରାଞ୍ଚଳ ମଧ୍ୟରେ ଉପଯୁକ୍ତ ସମନ୍ବୟ ସହିତ କାଲୋଲକୁ ଏକ ଆଦର୍ଶ ବିଧାନସଭା ନିର୍ବାଚନମଣ୍ଡଳୀରେ ବିକଶିତ କରିବାର ଯୋଜନା ରହିଛି
ଭାରତ ସରକାରଙ୍କ ଦ୍ବାରା ନିର୍ମିତ ହେଉଥିବା ୩୫୦ଶଯ୍ୟା ବିଶିଷ୍ଟ ଏହି ଅତ୍ୟାଧୁନିକ ଡାକ୍ତରଖାନା ଏହି ଅଞ୍ଚଳର ଲୋକମାନଙ୍କୁ ଉନ୍ନତ ସ୍ବାସ୍ଥ୍ୟସେବା ସୁବିଧା ପ୍ରଦାନ କରିବ
କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି ଗୁଜରାଟର ଗାନ୍ଧୀନଗରରେ ମୋଟ ୧୪୪ କୋଟି ଟଙ୍କା ମୂଲ୍ୟର କାଲୋଲ ପୌରପାଳିକାର ବିଭିନ୍ନ ବିକାଶ କାର୍ଯ୍ୟର ଭିତ୍ତିପ୍ରସ୍ତର ସ୍ଥାପନ ଏବଂ ଉଦଘାଟନ କରିଛନ୍ତି। ଏହି ଅବସରରେ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।
ଏହି କାର୍ଯ୍ୟକ୍ରମକୁ ସମ୍ବୋଧୂତ କରି କେନ୍ଦ୍ର ଗୃହମନ୍ତ୍ରୀ କହିଥିଲେ ଯେ, ଗତ ପାଞ୍ଚରୁ ଛଅ ବର୍ଷ ମଧ୍ୟରେ କାଲୋଲ ଅଭୂତପୂର୍ବ ବିକାଶର ସାକ୍ଷୀ ହୋଇଛି। ଆଗାମୀ ୧୦ ବର୍ଷ ମଧ୍ୟରେ କାଲୋଲରେ ବିକାଶର ଅପାର ସମ୍ଭାବନା ରହିଛି। ଏଠାରେ ଅନେକ ବିକାଶମୂଳକ ପ୍ରକଳ୍ପ ଆରମ୍ଭ ହୋଇସାରିଛି। ପ୍ରାୟ ୫୩ କୋଟି ଟଙ୍କା ମୂଲ୍ୟର ପାଞ୍ଚଟି ଯୋଜନାର ଉଦଘାଟନ କରାଯାଇଛି। ଯେଉଁଥ୍ରେ ୩୫ କୋଟି ଟଙ୍କା ବ୍ୟୟରେ ଏକ ଜଳ ବିଶୋଧନ ପ୍ଲାଣ୍ଟ, ୧୧ କୋଟି ଟଙ୍କା ବ୍ୟୟରେ ଜ୍ୟୋତେଶ୍ବର ହ୍ରଦ ନିର୍ମାଣ ଏବଂ ଏକ ରାତ୍ରିକାଳୀନ ଆଶ୍ରୟସ୍ଥଳୀ ରହିଛି। ଏହା ବ୍ୟତୀତ, ପରିମଳ ଉପକରଣ ଏବଂ ବିଭିନ୍ନ ବୋରୱେଲ୍ ପ୍ରକଳ୍ପ ଆଜି ସମ୍ପୂର୍ଣ୍ଣ ହୋଇଛି ଏବଂ ଉତ୍ସର୍ଗୀକୃତ ହୋଇଛି। ଏହା ବ୍ୟତୀତ, ସ୍ବର୍ଣ୍ଣିମ ଜୟନ୍ତୀ ମୁଖ୍ୟମନ୍ତ୍ରୀ ବିକାଶ ଯୋଜନା ଏବଂ ଏ. ୟୁ. ଡି. ଏ. ଅନୁଦାନ ଅଧୀନରେ ୯୧ କୋଟି ଟଙ୍କା ମୂଲ୍ୟର ଅନ୍ୟାନ୍ୟ ପ୍ରକଳ୍ପ ଆରମ୍ଭ କରାଯାଇଛି।
ଶ୍ରୀ ଶାହ କହିଥିଲେ, ଗ୍ରାମାଞ୍ଚଳ ଏବଂ ସହରାଞ୍ଚଳ ମଧ୍ୟରେ ସମନ୍ବୟ ରକ୍ଷା କରି ୨୦୨୯ ମସିହା ସୁଦ୍ଧା କାଲୋଲକୁ ଏକ ଆଦର୍ଶ ବିଧାନସଭା ନିର୍ବାଚନମଣ୍ଡଳୀ ଭାବେ ବିକଶିତ କରିବା ଲାଗି ଏକ ଯୋଜନା ପ୍ରସ୍ତୁତ କରାଯାଇଛି। ଭାରତ ସରକାର କାଲୋଲରେ ଅତ୍ୟାଧୁନିକ ସୁବିଧା ସହିତ ୩୫୦ ଶଯ୍ୟା ବିଶିଷ୍ଟ ଏକ ବିଶାଳ ଡାକ୍ତରଖାନା ନିର୍ମାଣ ଆରମ୍ଭ କରିସାରିଛନ୍ତି। ୨୦୨୭ ମସିହା ସୁଦ୍ଧା ଡାକ୍ତରଖାନା ଉଦଘାଟନ ହେବା ପରେ, କାଲୋଲର ଅଧୂବାସୀମାନଙ୍କୁ ଆଉ ଅନ୍ୟ କୌଣସି ସ୍ଥାନକୁ ସ୍ବାସ୍ଥ୍ୟସେବା ପାଇଁ ଯିବାକୁ ପଡ଼ିବ ନାହିଁ। ଏହି ଡାକ୍ତରଖାନା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର (ପିଏଚସି) ଏବଂ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର (ସିଏଚସି) କୁ ସଂଯୋଗ କରିବ, ଯେଉଁଠାରେ ସମସ୍ତ ଡାକ୍ତର ବାହ୍ୟ ରୋଗୀ ସେବା ପ୍ରଦାନ କରିବେ। ଏହି ଡାକ୍ତରଖାନାରେ ବିଶ୍ବସ୍ତରୀୟ ଉପକରଣ ଏବଂ ସର୍ବୋତ୍ତମ ଡାକ୍ଟର ରହିବେ। ଏହି ଡାକ୍ତରଖାନାର ପାଥୋଲୋଜି ଲ୍ୟାବ୍ ଅହମ୍ମଦାବାଦର ସିଭିଲ୍ ହସ୍ପିଟାଲ୍ ଠାରୁ ଆହୁରି ଭଲ ହେବ। ଆୟୁଷ୍ମାନ ଭାରତ କାର୍ଡ ଏବଂ ଗୁଜରାଟ ସରକାରଙ୍କ କାର୍ଡ ଅଧୀନରେ ଏହି ଡାକ୍ତରଖାନାରେ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ଉପଲବ୍ଧ ହେବ।
