ଗୋଆରେ ଆୟୁଷ ମନ୍ତ୍ରଣାଳୟ ଦ୍ବାରା ଦଶମ ଜାତୀୟ ଆୟୁର୍ବେଦ ଦିବସ ପାଳନ
ଗୋଆ ଆୟୁର୍ବେଦ-ଆଧାରିତ ସ୍ବାସ୍ଥ୍ୟ ପର୍ଯ୍ୟଟନର ଏକ ବିଶ୍ବ କେନ୍ଦ୍ର ହେବାର ସମ୍ଭାବନା ରଖୁଛି: ଶ୍ରୀ ଅଶୋକ ଗଜପତି ରାଜୁ, ଗୋଆ ରାଜ୍ୟପାଳ ଆୟୁର୍ବେଦ ହେଉଛି ମେଦବହୁଳତା ଏବଂ ମଧୁମେହ ଭଳି ଆଧୁନିକ ଜୀବନଶୈଳୀ ରୋଗର ସମାଧାନ: ଡକ୍ଟର ପ୍ରମୋଦ ସାୱନ୍ଧ, ଗୋଆ ମୁଖ୍ୟମନ୍ତ୍ରୀ ସେପ୍ଟେମ୍ବର ୨୩, ଆୟୁର୍ବେଦ ଦିବସ, ପ୍ରକୃତିର ସନ୍ତୁଳନ ସହିତ ସଂଯୁକ୍ତ: ମୂଳ ଆୟୁର୍ବେଦିକ ନୀତିକୁ ପ୍ରତିଫଳିତ କରେ: ଶ୍ରୀ ପ୍ରତାପରାଓ ଜାଧବ ଆୟୁର୍ବେଦ ଆଜିର ସ୍ବାସ୍ଥ୍ୟ ଏବଂ ପରିବେଶଗତ ସଙ୍କଟର ସମୟ-ପରୀକ୍ଷିତ ସମାଧାନ ପ୍ରଦାନ କରେ: ଶ୍ରୀ ଶ୍ରୀପଦ ନାୟକ, ରାଜ୍ୟ ମନ୍ତ୍ରୀ ଆୟୁର୍ବେଦ ଏବଂ ଆନୁଷଙ୍ଗିକ ବିଜ୍ଞାନରେ ପ୍ରଖ୍ୟାତ ଅବଦାନକାରୀଙ୍କୁ ୨୦୨୫ ଜାତୀୟ ଧନ୍ବନୁରୀ ଆୟୁର୍ବେଦ ପୁରସ୍କାର ପ୍ରଦାନ କରାଯାଇଛି
ଆୟୁଷ ମନ୍ତ୍ରଣାଳୟ ଆଜି ଗୋଆର ଅଖୂଳ ଭାରତୀୟ ଆୟୁର୍ବେଦ ସଂସ୍ଥାନ (ଏଆଇଆଇଏ)ରେ ଦଶମ ଜାତୀୟ ଆୟୁର୍ବେଦ ଦିବସ ପାଳନ କରିଛି। ଏହି କାର୍ଯ୍ୟକ୍ରମରେ ଗୋଆର ରାଜ୍ୟପାଳ ଶ୍ରୀ ଅଶୋକ ଗଜପତି ରାଜୁ, ଗୋଆର ମୁଖ୍ୟମନ୍ତ୍ରୀ ଡକ୍ଟର ପ୍ରମୋଦ ସାୱନ୍ଧ, କେନ୍ଦ୍ର ଆୟୁଷ ରାଷ୍ଟ୍ରମନ୍ତ୍ରୀ (ସ୍ବାଧୀନ ଦାୟିତ୍ଵ) ଶ୍ରୀ ପ୍ରତାପରାଓ ଜାଧବ ଏବଂ କେନ୍ଦ୍ର ଶକ୍ତି ଏବଂ ନୂତନ ଏବଂ ନବୀକରଣୀୟ ଶକ୍ତି ରାଷ୍ଟ୍ରମନ୍ତ୍ରୀ ଶ୍ରୀ ଶ୍ରୀପଦ ୟେସୋ ନାୟକଙ୍କ ସମେତ ଅନେକ ଗଣ୍ୟମାନ୍ୟ ବ୍ୟକ୍ତି ଯୋଗ ଦେଇଥିଲେ। ସ୍ଥାୟୀତ୍ୱ ଏବଂ ପ୍ରାକୃତିକ ଜୀବନଯାପନ ଉପରେ ଆଧାରିତ ସ୍ବାସ୍ଥ୍ୟ ଏବଂ କଳ କଲ୍ୟାଣର ଏକ ସାମଗ୍ରିକ ବ୍ୟବସ୍ଥା ଭାବରେ ଆୟୁର୍ବେଦକୁ ପ୍ରୋତ୍ସାହିତ କରିବା ପାଇଁ ମନ୍ତ୍ରଣାଳୟର ନିରନ୍ଧର ପ୍ରୟାସରେ ଏହି ଉତ୍ସବ ଏକ ଗୁରୁତ୍ଵପୂର୍ଣ୍ଣ ମାଇଲଖୁଣ୍ଟ ଭାବରେ ଚିହ୍ନିତ ହୋଇଥୂଲା ।
ଏହି ଅବସରରେ ଭାଷଣ ଦେଇ, ଗୋଆର ରାଜ୍ୟପାଳ ଶ୍ରୀ ଅଶୋକ ଗଜପତି ରାଜୁ ଆୟୁର୍ବେଦର ବିଶ୍ବ ଅଭିବୃଦ୍ଧି ଉଲ୍ଲେଖ କରି କହିଥିଲେ ଯେ, ଏକ ଦଶନ୍ଧିରୁ କମ୍ ସମୟ ମଧ୍ୟରେ ଆୟୁର୍ବେଦ ଦିବସ ଏକ ଜାତୀୟ ପାଳନରୁ ଏକ ବିଶ୍ବ ସ୍ବାସ୍ଥ୍ୟ ଆନ୍ଦୋଳନ ନରେ ପରି ପରିଣତ ହୋଇଛି। ୧୫୦ରୁ ଅଧୂକ ଦେଶ ବର୍ତ୍ତମାନ ଏହି ଦିବସ ପାଳନ କରନ୍ତି ଏବଂ ଆୟୁର୍ବେଦକୁ କେବଳ ଏକ ବିକଳ୍ପ ଔଷଧ ପ୍ରଣାଳୀ ଭାବରେ ନୁହେଁ ବରଂ ଏକ ବ୍ୟାପକ ସ୍ବାସ୍ଥ୍ୟସେବା ପ୍ରଣାଳୀ ଭାବରେ ମଧ୍ଯ ସ୍ବୀକୃତି ଦିଅନ୍ତି। ଶ୍ରୀ ରାଜୁ ଚଳିତ ବର୍ଷର ବିଷୟବସ୍ତୁ "ଲୋକ ଓ ଜଗତ ପାଇଁ ଆୟୁର୍ବେଦ"କୁ ର୍ବଦ"କୁ ପ୍ରଶଂସା କରି ଏହାକୁ ଜାତିସଂଘର ର ସ୍ଥାୟୀ ବିକାଶ ଲକ୍ଷ୍ୟ ପାଇଁ ସମୟୋଚିତ ଏବଂ ପ୍ରାସଙ୍ଗିକ ବୋଲି କହିଥିଲେ। ସେ ଆୟୁର୍ବେଦିକ ଜ୍ଞାନର ପ୍ରାମାଣିକତା ବଜାୟ ରଖିବା ଏବଂ ନମସ୍ତେ ପୋର୍ଟାଲ୍ ଏବଂ ଆୟୁଷ ଏଚଏମଆଇଏସ ଭଳି ଡିଜିଟାଲ୍ ପ୍ଲାଟଫର୍ମଗୁଡ଼ିକୁ ବ୍ୟବହାର କରିବାର ଗୁରୁତ୍ବ ଉପରେ ଗୁରୁତ୍ବାରୋପ କରିଥିଲେ, ଯାହା ପ୍ରବେଶ ପ୍ରମାଣ-ଆଧାରିତ ଅଭ୍ୟାସକୁ ବୃଦ୍ଧି କରୁଛି।
ରାଜ୍ୟପାଳ ଆୟୁର୍ବେଦ-ଆଧାରିତ ସ୍ବାସ୍ଥ୍ୟ ପର୍ଯ୍ୟଟନ ପାଇଁ ଏକ ବିଶ୍ବବ୍ୟାପୀ କେନ୍ଦ୍ର ଭାବରେ ଉଭା ହେବାର ଗୋଆର ସମ୍ଭାବନା ବିଷୟରେ ମଧ୍ୟ କହିଥୂଳେ ସେ ଟାଟା ମେମୋରିଆଲ୍ ସେଣ୍ଟର ସହିତ ଏକ ସହଯୋଗୀ ପଦକ୍ଷେପ, ଏଆଇଆଇଏ ଗୋଆରେ ଇଣ୍ଟିଗ୍ରେଟିଭ୍ ଅଙ୍କୋଲୋଜି ୟୁନିଟ୍ ପ୍ରତିଷ୍ଠାକୁ ପ୍ରଶଂସା କରିଥିଲେ। ଏହାର ଲକ୍ଷ୍ୟ ହେଉଛି, ସାମଗ୍ରିକ କର୍କଟ ଚିକିତ୍ସା ପାଇଁ ଆୟୁର୍ବେଦକୁ ଆଧୁନିକ ଅଙ୍କୋଲୋଜି ସହିତ ସଂଯୁକ୍ତ କରିବା। ଶ୍ରୀ ରାଜୁ ପାରମ୍ପରି ଔଷଧକୁ ଗୋଆର ଜୈବ ବିବିଧତା ସହିତ ମିଶ୍ରଣ କରିବା ପାଇଁ ଏକ ସାମଗ୍ରିକ ଦୃଷ୍ଟିକୋଣ ପାଇଁ ଆହ୍ବାନ କରି ଗୁରୁତ୍ବାରୋପ କରିଥିଲେ ųଲେ ଯେ ସ୍ଥାନୀୟ ଔଷଧୀୟ ଉଦ୍ଭିଦର ସଂରକ୍ଷଣ ଏବଂ ପ୍ରୋତ୍ସାହନ ନିଯୁକ୍ତିକୁ ବୃଦ୍ଧି କରିପାରିବ ଏବଂ ଆଞ୍ଚଳିକ ଅର୍ଥନୀତିକୁ ମଜବୁତ କରିପାରିବ। ସେ ଆୟୁର୍ବେଦିକ ଚିକିତ୍ସାର ବୈଜ୍ଞାନିକ ବୈଧତା ପାଇଁ ଆହ୍ୱାନ କରିଥିଲେ ଏବଂ ଗବେଷଣା ଏବଂ ପରମ୍ପରା ଉପରେ ଆଧାରିତ ନୈତିକ ପ୍ରୋତ୍ସାହନ ହନ ଉପରେ । ଗୁରୁତ୍ୱାରୋପ କରିଥିଲେ।
ଗୋଆ ମୁଖ୍ୟମନ୍ତ୍ରୀ ଡକ୍ଟର ପ୍ରମୋଦ ସାୱନ୍ତି ମେଦବହୁଳତା, ମଧୁମେହ ଏବଂ ଚାପ ଭଳି ବଢ଼ୁଥିବା ଜୀବନଶୈଳୀ ରୋଗର ସମାଧାନ ପାଇଁ ଆୟୁର୍ବେଦର ସମସାମୟିକ ପ୍ରାସଙ୍ଗିକତା ଉପରେ ଗୁରୁତ୍ବାରୋପ କରିଛନ୍ତି। ସେ କହିଛନ୍ତି ଯେ, ଦିନଚର୍ଯ୍ୟା ଓ ଋତୁଚର୍ଯ୍ୟାର କାଳଜୟୀ ଅବଧାରଣା ପ୍ରତିରୋଧକ ସ୍ବାସ୍ଥ୍ୟସେବା ପାଇଁ ସ୍ଥାୟୀ ମଡେଲ ପ୍ରଦାନ କରେ। ମେଦବହୁଳତାର ବୃଦ୍ଧି ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଚିନ୍ତାକୁ ଉଦ୍ଧୃତ କରି, ସେ କହିଛନ୍ତି ଆୟୁର୍ବେଦ ଦୀର୍ଘକାଳୀନ ସ୍ବାସ୍ଥ୍ୟକୁ ପ୍ରୋତ୍ସାହିତ କରିବା ପାଇଁ ସନ୍ତୁଳିତ ଖାଦ୍ୟ, ଔଷଧୀୟ ଔଷଧ ଏବଂ ଯୋଗ ଭଳି ସରଳ କିନ୍ତୁ ପ୍ରଭାବୀ ସମାଧାନ ପ୍ରଦାନ କରେ।
ମୁଖ୍ୟମନ୍ତ୍ରୀ ଗୋଆର ସମୃଦ୍ଧ ଜୈବବିବିଧତା, ବିଶେଷକରି ପଶ୍ଚିମଘାଟ ଏବଂ ଉପକୂଳୀୟ ପରିବେଶ ବ୍ୟବସ୍ଥା ଉପରେ ଆଲୋକପାତ କରିଥିଲେ, ଯେଉଁଠାରେ ପ୍ରାଚୀନ ଆୟୁର୍ବେଦିକ ଗ୍ରନ୍ଥରେ ବର୍ଣ୍ଣିତ ଅନେକ ଔଷଧୀୟ ଗଛ ମିଳିଥାଏ। ବିଶ୍ବ ଆୟୁର୍ବେଦିକ ଅର୍ଥନୀତିରେ ଗୋଆର ସ୍ଥିତିକୁ ସୁଦୃଢ଼ କରିବା ପାଇଁ ସେ ଏହି ଗଛଗୁଡ଼ିକର ଗବେଷଣା, ସଂରକ୍ଷଣ ଏବଂ ବାଣିଜ୍ୟିକ ଚାଷ ବୃଦ୍ଧି କରିବାକୁ ଆହ୍ୱାନ କରିଥିଲେ ।
