ଫିନଲ୍ୟାଣ୍ଡ ରାଷ୍ଟ୍ରପତିଙ୍କ ସହିତ ପ୍ରଧାନମନ୍ତ୍ରୀଙ୍କ ମିଳିତ ପ୍ରେସ ବିବୃତ୍ତି
ଫିନଲ୍ୟାଣ୍ଡ ରାଷ୍ଟ୍ରପତିଙ୍କ ସହିତ ପ୍ରଧାନମନ୍ତ୍ରୀଙ୍କ ମିଳିତ ପ୍ରେସ ବିବୃତ୍ତି
ମହାମହିମ ରାଷ୍ଟ୍ରପତି ଷ୍ଟବ୍,
ଦୁଇ ଦେଶର ପ୍ରତିନିଧୂମଣ୍ଡଳ,
ଗଣମାଧ୍ଯମର ବନ୍ଧୁଗଣ,
ନମସ୍କାର!
ତେର-ବେ,
ଫିନଲ୍ୟାଣ୍ଡର ରାଷ୍ଟ୍ରପତି ଭାବରେ ରାଷ୍ଟ୍ରପତି ଷ୍ଟୁବ୍ ପ୍ରଥମ ଥର ପାଇଁ ଭାରତ ଗସ୍ତରେ ଆସିଥିବାରୁ ମୁଁ ତାଙ୍କୁ ସ୍ବାଗତ କରୁଛି । ରାଷ୍ଟ୍ରପତି ଷ୍ଟବ୍ କେବଳ ଜଣେ ପ୍ରସିଦ୍ଧ ବିଶ୍ବ ନେତା ନୁହଁନ୍ତି ବରଂ ଜଣେ ସମ୍ମାନିତ ଚିନ୍ତାନାୟକ ଏବଂ ଲେଖକ ମଧ୍ଯ ।
ମହାମହିମ, ଏହି ବର୍ଷର ରାଇସିନା ଡାଏଲଗର ମୁଖ୍ୟ ଅତିଥି ଭାବରେ ଆପଣଙ୍କ ପରି ଜଣେ ଅଭିଜ୍ଞ ଏବଂ ଦକ୍ଷ ନେତା ପାଇବା ଆମ ପାଇଁ ଏକ ବଡ଼ ସମ୍ମାନ ଏବଂ ଆନନ୍ଦର ବିଷୟ।
ବନ୍ଧୁମାନେ,
ବିଶ୍ବ ଆଜି ଅସ୍ଥିରତା ଏବଂ ଅନିଶ୍ଚିତତାର ସମୟ ମଧ୍ୟ ଦେଇ ଗତି କରୁଛି। ୟୁକ୍ରେନରୁ ପଶ୍ଚିମ ଏସିଆ ପର୍ଯ୍ୟନ୍ତ, ବିଶ୍ବର ଅନେକ ସ୍ଥାନରେ ସଂଘର୍ଷ ଜାରି ରହିଛି। ଏପରି ଏକ ବୈଶ୍ବିକ ପରିବେଶରେ, ଭାରତ ଏବଂ ୟୁରୋପ - ବିଶ୍ବର ଦୁଇଟି ପ୍ରମୁଖ କୂଟନୈତିକ ଶକ୍ତି - ସେମାନଙ୍କ ସମ୍ପର୍କର ଏକ ସୁବର୍ଣ୍ଣ ଯୁଗରେ ପ୍ରବେଶ କରୁଛନ୍ତି। ଆମର ବର୍ଷିତ ସହଯୋଗ ବିଶ୍ବ ସ୍ଥିରତା, ଅଭିବୃଦ୍ଧି ଏବଂ ସହଭାଗୀ ସମୃଦ୍ଧିକୁ ନୂତନ ଶକ୍ତି ପ୍ରଦାନ କରୁଛି।
ବନ୍ଧୁଗଣ,
୨୦୨୬ ପ୍ରାରମ୍ଭରେ ଐତିହାସିକ ଭାରତ-ୟୁରୋପୀୟ ସଂଘ ମୁକ୍ତ ବାଣିଜ୍ୟ ଚୁକ୍ତିନାମା ସ୍ବାକ୍ଷରିତ ହୋଇଥିଲା। ଏହି ଚୁକ୍ତିନାମା ଭାରତ ଏବଂ ଫିନଲ୍ୟାଣ୍ଡ ମଧ୍ୟରେ ବାଣିଜ୍ୟ, ନିବେଶ ଓ ପ୍ରଯୁକ୍ତିବିଦ୍ୟା ସହଯୋଗକୁ ଆହୁରି ମଜବୁତ କରିବ। ଭାରତ ଏବଂ ଫିନଲ୍ୟାଣ୍ଡ ଡିଜିଟାଲ୍ ପ୍ରଯୁକ୍ତିବିଦ୍ୟା, ଭିତ୍ତିଭୂମି ଓ ସ୍ଥାୟୀତ୍ବ ଭଳି କ୍ଷେତ୍ରରେ ଗୁରୁତ୍ବପୂର୍ଣ୍ଣ ଅଂଶୀଦାର ଅଟନ୍ତି ।
ନୋକିଆର ମୋବାଇଲ୍ ଫୋନ୍ ଏବଂ ଟେଲିକମ୍ ନେଟୱାର୍କ ଲକ୍ଷ ଲକ୍ଷ ଭାରତୀୟଙ୍କୁ ସଂଯୋଗ କରିଛି। ଫିନଲ୍ୟାଣ୍ଡର ଆର୍କିଟେକ୍ଟମାନଙ୍କ ସହଯୋଗରେ ଆମେ ଚିନାବ ନଦୀ ଉପରେ ବିଶ୍ବର ସବୁଠୁ ଉଚ୍ଚ ରେଲୱେ ସେତୁ ନିର୍ମାଣ କରିଛୁ। ଫିନଲ୍ୟାଣ୍ଡର ସହଭାଗୀତାରେ, ଆମେ ନୁମାଲିଗଡ଼ରେ ବିଶ୍ବର ସର୍ବବୃହତ ବାଉଁଶରୁ ଜୈବ-ଇଥାନଲ୍ ରିଫାଇନାରୀ ମଧ୍ଯ ନିର୍ମାଣ କରିଛୁ।
ବନ୍ଧୁଗଣ,
ଏପରି ଗୁରୁତ୍ବପୂର୍ଣ୍ଣ ଉଦାହରଣ ଦ୍ବାରା ଅନୁପ୍ରାଣିତ ହୋଇ, ଆମେ ରାଷ୍ଟ୍ରପତି ଷ୍ଟବ୍ଙ୍କ ଏହି ଗସ୍ତ ସମୟରେ ଭାରତ-ଫିନ୍ଲ୍ୟାଣ୍ଡ ସମ୍ପର୍କକୁ ଡିଜିଟାଲାଇଜେସନ୍ ଏବଂ ସ୍ଥିରତାରେ ଏକ ରଣନୈତିକ ସହଭାଗୀତାରେ ପରିଣତ କରୁଛୁ।ଏହି ସହଭାଗୀତା AI ରୁ 6G ଟେଲିକମ୍ ସ୍ବଚ୍ଛ ଶକ୍ତି ରୁ କ୍ଵାଣ୍ଟମ୍ କମ୍ପ୍ୟୁଟିଂ ପର୍ଯ୍ୟନ୍ତ ଅନେକ ଉଚ୍ଚ-ପ୍ରଯୁକ୍ତିବିଦ୍ୟା କ୍ଷେତ୍ରରେ ଆମର ସହଯୋଗକୁ ଆହୁରି ତ୍ବରାନ୍ବିତ ଏବଂ ଶକ୍ତିଶାଳୀ କରିବ।
ଏହା ପ୍ରତିରକ୍ଷା, ମହାକାଶ, ସେମିକଣ୍ଡକ୍ଟର୍ ଏବଂ ଗୁରୁତ୍ବପୂର୍ଣ୍ଣ ଖଣିଜ ପଦାର୍ଥ ଭଳି ପ୍ରମୁଖ କ୍ଷେତ୍ରଗୁଡ଼ିକରେ ଆମର ସହଭାଗୀତାକୁ ମଧ୍ୟ ସୁଦୃଢ କରିବ। ଭାରତ ଏବଂ ଫିନଲ୍ୟାଣ୍ଡ ଭଳି ଗଣତାନ୍ତ୍ରିକ ଏବଂ ଦାୟିତ୍ବବାନ ଦେଶଗୁଡ଼ିକ ମଧ୍ୟରେ ଏହି ରଣନୈତିକ ସହଭାଗୀତା ସମଗ୍ର ବିଶ୍ବ ପାଇଁ ବିଶ୍ବସନୀୟ ପ୍ରଯୁକ୍ତିବିଦ୍ୟା ଏବଂ ଯୋଗାଣ ଶୃଙ୍ଖଳ ସୁନିଶ୍ଚିତ କରିବାରେ ଯୋଗଦାନ ଦେବ।
ବନ୍ଧୁଗଣ,
ଫିନଲ୍ୟାଣ୍ଡ ଭାରତୀୟ ଛାତ୍ର ଏବଂ ପ୍ରତିଭାମାନଙ୍କ ପାଇଁ ଏକ ପସନ୍ଦଯୋଗ୍ୟ ଗନ୍ଧବ୍ୟସୁଳ ହେବାକୁ ଯାଉଛି। ଉଭୟ ଦେଶର ନବସୃଜନ ଇକୋସିଷ୍ଟମକୁ ସଂଯୋଗ କରିବା ପାଇଁ, ଆଜି ଆମେ ଫିନଲ୍ୟାଣ୍ଡ ସହିତ ଏକ ବ୍ୟାପକ ମାଇଗ୍ରେସନ୍ ଏବଂ ମୋବିଲିଟି ଚୁକ୍ତିନାମା ସ୍ବାକ୍ଷର କରିଛୁ।
ଏହା ସହିତ, ଆମେ ମିଳିତ ଗବେଷଣା ଏବଂ ଷ୍ଟାର୍ଟ-ଅପ୍ ସହଯୋଗକୁ ଆହୁରି ମଜବୁତ କରିବାକୁ ଯାଉଛୁ। ଫିନଲ୍ୟାଣ୍ଡ ଶିକ୍ଷା କ୍ଷେତ୍ରରେ ଏକ ରୋଲ୍ ମଡେଲ୍ ରୂପେ ଉଭା ହୋଇଛି । ଆଜି ଆମେ ଶିକ୍ଷକ ପ୍ରଶିକ୍ଷଣ, ସ୍କୁଲ୍-ଟୁ-ସ୍କୁଲ୍ ସହଯୋଗ ଏବଂ ଭବିଷ୍ୟତରେ ଶିକ୍ଷାର ଗବେଷଣା ସହଯୋଗକୁ ବିସ୍ତାର କରିବାକୁ ମଧ୍ୟ ସହମତ ପ୍ରକାଶ କରିଛୁ ।
ଅର୍ଥାତ୍, ସ୍କୁଲରୁ ଶିଳ୍ପ ପର୍ଯ୍ୟନ୍ତ, ଆମେ ମାନବ ବିକାଶର ପ୍ରତ୍ୟେକ ସ୍ତରରେ ଆମର ସହଯୋଗକୁ ଆହୁରି ସୁଦୃଢ କରିବାକୁ ଯାଉଛୁ।
ବନ୍ଧୁଗଣ,
ନର୍ତିକ ଅଞ୍ଚଳରେ ଫିନଲ୍ୟାଣ୍ଡ ଭାରତର ଏକ ଗୁରୁତ୍ବପୂର୍ଣ୍ଣ ଅଂଶୀଦାର। ଆମେ ଆର୍କଟିକ ଏବଂ ପୋଲାର ଗବେଷଣାରେ ମଧ୍ୟ ଫିନଲ୍ୟାଣ୍ଡ ସହିତ ସହଯୋଗ ବିସ୍ତାର କରୁଛୁ।
ଏକ ସୁସ୍ଥ ପୃଥିବୀ ଆମର ମିଳିତ ପ୍ରାଥମିକତା। ଆମେ ବହୁତ ଖୁସି ଯେ ଏହି ବର୍ଷ, ଫିନଲ୍ୟାଣ୍ଡ ସହିତ ମିଶି, ଆମେ ଭାରତରେ ୱର୍ଲ୍ସ ସର୍କୁଲର୍ ଇକୋନୋମି ଫୋରମ୍ ଆୟୋଜନ କରିବୁ। ଏହା ଆମର ସ୍ଥାୟୀତ୍ବ ପ୍ରୟାସକୁ ନୂତନ ପ୍ରେରଣା ଏବଂ ନୂତନ ଚିନ୍ତାଧାରା ଦେବ।
ବନ୍ଧୁଗଣ,
ଭାରତ ଓ ଫିନଲ୍ୟାଣ୍ଡ ଉଭୟ ନ୍ୟାୟିକ ଶାସନ, ଆଲୋଚନା ଏବଂ କୂଟନୀତିରେ ବିଶ୍ବାସ କରନ୍ତି। ଆମେ ଏକମତ ଯେ କେବଳ ସାମରିକ ସଂଘର୍ଷ କୌଣସି ସମସ୍ୟାର ସମାଧାନ କରିପାରିବ ନାହିଁ । ୟୁକ୍ରେନ ହେଉ କି ପଶ୍ଚିମ ଏସିଆ, ଆମେ ସଂଘର୍ଷର ତୁରନ୍ତ ସମାପ୍ତି ଏବଂ ଶାନ୍ତି ପାଇଁ ପ୍ରତ୍ୟେକ ପ୍ରୟାସକୁ ସମର୍ଥନ କରିବୁ । ଆମେ ଏଥିରେ ସହମତ,ବନ୍ଧିତ ବିଶ୍ବ ସମସ୍ୟାର ମୁକାବିଲା ପାଇଁ କେବଳ ଯେ ବିଶ୍ବ ପ୍ରତିଷ୍ଠାନଗୁଡ଼ିକର ସଂସ୍କାର ଆବଶ୍ୟକ ତାହା ନୁହେଁ ବରଂ ଏହା ଜରୁରୀ ମଧ୍ଯ । ସମସ୍ତ ପ୍ରକାରର ଆତଙ୍କବାଦକୁ ମୂଳୋତ୍ପାଟନ କରିବା ଆମର ମିଳିତ ପ୍ରତିବଦ୍ଧତା।
ମହାମହିମ
ଆପଣ ଆୟରନମ୍ୟାନ୍ ଟ୍ରାଇଥଲନ୍ ସମ୍ପୂର୍ଣ୍ଣ କରିଛନ୍ତି। ଆମେ ନିଶ୍ଚିତ ଯେ, ଆପଣଙ୍କ ପରି ଜଣେ ଉତ୍ସାହୀ ନେତାଙ୍କ ସହିତ ମିଶି, ଆମେ ଭାରତ ଏବଂ ଫିନଲ୍ୟାଣ୍ଡ ମଧ୍ଯରେ ନବସୃଜନ, ଡିଜିଟାଲାଇଜେସନ୍ ଏବଂ ସ୍ଥାୟୀତ୍ବର ଏକ ନୂତନ ଟ୍ରାଇଥଲନ୍ ମଧ୍ୟ ହାସଲ କରିବୁ।
ଆସନ୍ତୁ ଏହି ଭବିଷ୍ୟତବାଦୀ ଭାରତ-ଫିନଲ୍ୟାଣ୍ଡ ସହଭାଗୀତାରେ ଏକ ନୂତନ ସୁବର୍ଣ୍ଣ ଅଧ୍ୟାୟ ଆରମ୍ଭ କରିବା। ଆପଣଙ୍କୁ ବହୁତ ବହୁତ ଧନ୍ୟବାଦ।
