ଓଡ଼ିଶାକୁ ଜବର ଦଖଲ ମୁକ୍ତ କରିବାକୁ ମନ୍ତ୍ରୀଙ୍କ କଡା ଆଭିମୁଖ୍ୟ...

ଓଡ଼ିଶାକୁ ସମ୍ପୂର୍ଣ୍ଣ ଜବରଦଖଲମୁକ୍ତ କରିବା ପାଇଁ ରାଜସ୍ୱ ବିଭାଗ କାର୍ଯ୍ୟାନୁଷ୍ଠାନକୁ ଜୋରଦାର କରିଛି। 

ମାନ୍ୟବର ରାଜସ୍ୱମନ୍ତ୍ରୀ ସୁରେଶ ପୂଜାରୀ ସମଗ୍ର ରାଜ୍ୟରେ ସରକାରୀ ଜମି ଜବରଦଖଲ କରିଥିବା ପ୍ରଭାବଶାଳୀ ତଥା ଧନୀ ଲୋକଙ୍କୁ ଦୃଢ଼ ଚେତାବନୀ ଦେଇଛନ୍ତି।

ମନ୍ତ୍ରୀ କହିଛନ୍ତି, ଜମି ଛାଡ଼, ନଚେତ୍ ଉଚ୍ଛେଦ ଖର୍ଚ୍ଚ ଆଦାୟ ହେବ

ମନ୍ତ୍ରୀ ଶ୍ରୀ ପୂଜାରୀ ସ୍ପଷ୍ଟ କରିଛନ୍ତି ଯେ, ଯେଉଁମାନେ ବେଆଇନ ଭାବେ ସରକାରୀ ଜମି ଅକ୍ତିଆର କରିଛନ୍ତି, ସେମାନଙ୍କୁ ଆଉ ଛାଡ଼ ନାହିଁ। 

ଯଦି ଜବରଦଖଲ ଜମି ସରକାରଙ୍କୁ ଫେରସ୍ତ କରାନଯାଏ, ତେବେ ଉଚ୍ଛେଦରେ ଯେତିକି ଖର୍ଚ୍ଚ ହେବ, ସେହି ସମସ୍ତ ଅର୍ଥ ଜବରଦଖଲକାରୀଙ୍କ ଠାରୁ ଆଦାୟ କରାଯିବ।

ସରକାରୀ ଜମିକୁ ମାନବ ସମାଜର ବିକାଶ ତଥା ଭୂମି ସନ୍ତୁଳନ ରକ୍ଷା ଦିଗରେ ବ୍ୟବହାର କରାଯିବ। 

ଯେଉଁମାନେ ଏଥିରେ ବାଧା ସୃଷ୍ଟି କରିବେ, ସେମାନଙ୍କୁ ଦଣ୍ଡିତ କରାଯିବ ବୋଲି ମନ୍ତ୍ରୀ କହିଛନ୍ତ

ଡାଟାବେସ୍ ପ୍ରସ୍ତୁତି ଏବଂ ଅଧିକାରୀଙ୍କ କାର୍ଯ୍ୟଭାର ବୃଦ୍ଧି

ରାଜ୍ୟର ସମସ୍ତ ତହସିଲରେ ଥିବା ସମସ୍ତ ଜମିର ଏକ ଡାଟାବେସ୍ (Database) ପ୍ରସ୍ତୁତ କରାଯିବ। 

ଏହି ଡାଟାବେସ୍‌ରେ ନିମ୍ନଲିଖିତ

ସମସ୍ତ ସୂଚନା ସଂଗ୍ରହ କରାଯିବ:

କେତେ ଜମିମାଲିକ ଅଛନ୍ତି।

ବିଭିନ୍ନ ବିଭାଗ, ଶିକ୍ଷାନୁଷ୍ଠାନ 

ଶିଳ୍ପସଂସ୍ଥା ଅଧୀନରେ କେତେ ଜମି ଅଛି।

ରାଜସ୍ୱ ବିଭାଗର ମାଲିକାନାରେ ଥିବା ଜମିର ପରିମାଣ।

 କେତେ ସରକାରୀ ଜମି ଜବରଦଖଲରେ ଅଛି

କେତେ ଜଣ ଜବରଦଖଲକାରୀ ଅଛନ୍ତି।

ନୂତନ ସରକାର ଆସିବା ପରେ ତହସିଲଦାର ଏବଂ ରାଜସ୍ୱ ବିଭାଗ ଅଧିକାରୀଙ୍କ କାର୍ଯ୍ୟ ତିନିଗୁଣ ବୃଦ୍ଧି ପାଇଛି। 

ଓଡ଼ିଶାକୁ ସମ୍ପୂର୍ଣ୍ଣ ଜବରଦଖଲମୁକ୍ତ କରିବା ସେମାନଙ୍କର ଅନ୍ୟତମ ଗୁରୁତ୍ୱପୂର୍ଣ୍ଣ କାର୍ଯ୍ୟ ବୋଲି ମନ୍ତ୍ରୀ ସୂଚନା ଦେଇଛନ୍ତି।