ସ୍ଵିଡେନ ପ୍ରଧାନମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀଙ୍କ ଦ୍ବିପାକ୍ଷିକ ଆଲୋଚନା
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସ୍ବିଡେନର ଗୋଥେନବର୍ଗରେ ପ୍ରଧାନମନ୍ତ୍ରୀ ଶ୍ରୀ ଉଲଫ୍ କ୍ରିଷ୍ଟରସନଙ୍କ ସହ ଦ୍ବିପାକ୍ଷିକ ଆଲୋଚନା କରିଛନ୍ତି। ଏହି ବୈଠକରେ ସ୍ଵିଡେନର କ୍ରାଉନ ପ୍ରିନ୍ସସେସ୍ ଭିକ୍ଟୋରିଆ ମଧ୍ୟ ଅଂଶଗ୍ରହଣ କରିଥିଲେ। ସେ ମହାମହିମ ରାଜା କାର୍ଲ ଷୋଡଶ ଗୁଣ୍ତାଫ ଏବଂ ରାଣୀ ସିଲଭିଆଙ୍କ ପକ୍ଷରୁ ହାର୍ଦ୍ଦିକ ଶୁଭେଚ୍ଛା ଜଣାଇଥିଲେ। ପ୍ରଧାନମନ୍ତ୍ରୀ ମୋଦୀ ମହାମହିମ ରାଜାଙ୍କ ୮୦ତମ ଜନ୍ମଦିନରେ ତାଙ୍କୁ ହୃଦୟରୁ ଶୁଭକାମନା ବ୍ୟକ୍ତି କରିଥିଲେ।
ନେତାମାନେ ଭାରତ - ସ୍ବିଡେନ ସମ୍ପର୍କର ପୂର୍ଣ୍ଣ ସମୀକ୍ଷା କରିଥିଲେ। ବାଣିଜ୍ୟ ଏବଂ ନିବେଶ, ନବସୃଜନ, ସବୁଜ ପରିବର୍ତ୍ତନ, ଉଦୀୟମାନ ପ୍ରଯୁକ୍ତିବିଦ୍ୟା, ପ୍ରତିରକ୍ଷା ଏବଂ ସୁରକ୍ଷା, ଡିଜିଟାଲାଇଜେସନ୍, ଏସଏମଇ, ମହାକାଶ, ଗବେଷଣା, ଶିକ୍ଷା, ସଂସ୍କୃତି ଏବଂ ଲୋକ - ଲୋକ ଆଦାନପ୍ରଦାନ କ୍ଷେତ୍ରରେ ଦ୍ବିପାକ୍ଷିକ ସମ୍ପର୍କରେ ବୃଦ୍ଧି ପାଉଥିବା ଗତିକୁ ସ୍ବୀକାର କରିଥିଲେ। ସେମାନେ ସହଭାଗୀ ଗଣତାନ୍ତ୍ରିକ ମୂଲ୍ୟବୋଧ ଉପରେ ଆଧାରିତ ଏବଂ ନବସୃଜନ, ସ୍ଥାୟୀତ୍ଵ ଏବଂ ଗବେଷଣା ଏବଂ ବିକାଶ ସଂଯୋଗ ଦ୍ବାରା ପରିଚାଳିତ ସମ୍ପର୍କକୁ ସୁଦୃଢ଼ କରିବା ପାଇଁ ସେମାନଙ୍କର ସହଭାଗୀ ପ୍ରତିବଦ୍ଧତାକୁ ପୁନଃସ୍ଥାପିତ କରିଥିଲେ। ବ୍ୟାପକ ସହଭାଗୀତାକୁ ମାର୍ଗଦର୍ଶନ କରିବା ପାଇଁ ନିୟମିତ ଉଚ୍ଚସ୍ତରୀୟ ରାଜନୈତିକ ସମ୍ପର୍କ ଏବଂ ସଂସ୍ଥାଗତ ଆଲୋଚନା ବଜାୟ ରଖୁବାର ଆବଶ୍ୟକତା ଉପରେ ସେମାନେ ଗୁରୁତ୍ବାରୋପ କରିଥିଲେ।
ଦୁଇ ନେତା ଭାରତ - ସ୍ବିଡେନ ସମ୍ପର୍କକୁ ରଣନୈତିକ ସହଭାଗୀତା ସ୍ତରରେ ଉନ୍ନତ କରିବାକୁ ସହମତ ହୋଇଥିଲେ। ରଣନୈତିକ ସହଭାଗୀତା ଚାରୋଟି ସ୍ତମ୍ଭ, ଯଥା : ସ୍ଥିରତା ଏବଂ ସୁରକ୍ଷା ପାଇଁ ରଣନୈତିକ ଆଲୋଚନା ; ପରବର୍ତ୍ତୀ ପିଢ଼ିର ଆର୍ଥିକ ସହଭାଗୀତା ; ଉଦୀୟମାନ ପ୍ରଯୁକ୍ତି ବିଦ୍ୟା ଏବଂ ବିଶ୍ବସ୍ତ ସଂଯୋଗ ; ଏବଂ ଆଗାମୀ କାଲିକୁ ଲୋକ, ଗ୍ରହ, ସ୍ବାସ୍ଥ୍ୟ ଏବଂ ପ୍ରତିରୋଧୀ କ୍ଷମତା ଆଧାରରେ ଏକାଠି ଗଠନ କରିବା ଉପରେ ପର୍ଯ୍ୟବସିତ। ରଣନୈତିକ ସହଭାଗୀତାକୁ କାର୍ଯ୍ୟକାରୀ କରିବା ପାଇଁ, ଦୁଇ ନେତା ଭାରତ ସ୍ବିଡେନ ମିଳିତ କାର୍ଯ୍ୟ ଯୋଜନା ୨୦୨୬ - ୨୦୩୦ ଗ୍ରହଣ କରିଛନ୍ତି, ଯାହା ରାଜନୈତିକ, ଅର୍ଥନୈତିକ, ପ୍ରଯୁକ୍ତିବିଦ୍ୟା, ସୁରକ୍ଷା, ଜଳବାୟୁ ଏବଂ ଲୋକ - ଲୋକଙ୍କ ମଧ୍ୟରେ ସହଯୋଗ ପାଇଁ ଏକ ବ୍ୟାପକ ରୋଡମ୍ୟାପ୍ ପ୍ରଦାନ କରେ।
ଦୁଇ ନେତା ଗୁରୁତ୍ବାରୋପ କରିଥିଲେ ଯେ, ସଦ୍ୟ ସମାପ୍ତ ଭାରତ ୟୁରୋପୀୟ ସଂଘ ଏଫଟିଏ ଅର୍ଥନୈତିକ ଏବଂ ବାଣିଜ୍ୟିକ ସମ୍ପର୍କରେ ଏକ ନୂତନ ଅଧ୍ୟାୟ ଖୋଲିଛି। ସେମାନେ ବାଣିଜ୍ୟ, ନିବେଶ ଏବଂ ପ୍ରଯୁକ୍ତିବିଦ୍ୟା ସଂଯୋଗକୁ ଗଭୀର କରିବା ପାଇଁ ଏହାର ଶୀଘ୍ର କାର୍ଯ୍ୟକାରୀତା ପାଇଁ ପ୍ରୟାସ ଜାରି ରଖୁବାକୁ ସହମତ ହୋଇଥିଲେ।
ପ୍ରଧାନମନ୍ତ୍ରୀ ମୋଦୀ ନବସୃଜନ, ସ୍ବଚ୍ଛ ପ୍ରଯୁକ୍ତିବିଦ୍ୟା, ଉନ୍ନତ ଉତ୍ପାଦନ, ସ୍ଥାୟୀ ଗତିଶୀଳତା ଏବଂ ଡିଜିଟାଲ୍ ପରିବର୍ତ୍ତନ ସମେତ ରଣନୈତିକ କ୍ଷେତ୍ରରେ ଭାରତ ସହିତ ସ୍ଵିଡେନର ନିରନ୍ଧର ସମ୍ପର୍କକୁ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ କ୍ରିଷ୍ଟରସନ୍ ଡିଜିଟାଲ ପରିବର୍ତ୍ତନ ଏବଂ କୃତ୍ରିମ ବୁଦ୍ଧିମତ୍ତା କ୍ଷେତ୍ରରେ ଭାରତ ଦ୍ବାରା ନିଆଯାଇଥିବା ପଦକ୍ଷେପକୁ ପ୍ରଶଂସା କରିଥିଲେ। ସେ ସ୍ଵିଡେନର ଅର୍ଥନୀତି ଏବଂ ନବସୃଜନ
ଇକୋସିଷ୍ଟମରେ ଭାରତୀୟ ସମ୍ପ୍ରଦାୟର ସକାରାତ୍ମକ ଅବଦାନକୁ ମଧ୍ୟ ଉଲ୍ଲେଖ କରିଥିଲେ। ପ୍ରଧାନମନ୍ତ୍ରୀ ମୋଦୀ ଭାରତର ଅଭିବୃଦ୍ଧି କାହାଣୀରେ ସ୍ଵିଡେନକୁ ଅଂଶଗ୍ରହଣ କରିବାକୁ ଆମନ୍ତ୍ରଣ କରିଥିଲେ ।
ନେତାମାନେ ପାରସ୍ପରିକ ସ୍ବାର୍ଥର ପ୍ରମୁଖ ଆଞ୍ଚଳିକ ଏବଂ ବିଶ୍ବସୁରୀୟ ପ୍ରସଙ୍ଗ ଉପରେ ମଧ୍ୟ ମତ ବିନିମୟ କରିଥିଲେ। ସେମାନେ ଜାତିସଂଘ ଏବଂ ଅନ୍ୟାନ୍ୟ ବହୁପାକ୍ଷିକ ସଂଗଠନଗୁଡ଼ିକର ସଂସ୍କାର ରର ଆବ ବଶ୍ୟକତା ଉପରେ ଗୁରୁତ୍ବାରୋପ କରିଥିଲେ। ଆତଙ୍କବାଦ ବିରୋଧରେ ଲଢ଼େଇରେ ସ୍ବିଡେ ସ୍ବିଡେନର ଦୃଢ଼ ସମର୍ଥନ ପାଇଁ ପ୍ରଧାନମନ୍ତ୍ରୀ ମୋଦୀ ଧନ୍ୟବାଦ ଜଣାଇଥିଲେ। ଶାନ୍ତି, ସ୍ଥିରତା, ଅନୁକୂଳ ଯୋଗାଣ ଶୃଙ୍ଖଳା ଏବଂ ସ୍ଥାୟୀ ଆର୍ଥିକ ଅଭିବୃଦ୍ଧିକୁ ପ୍ରୋତ୍ସାହିତ କରିବା ପାଇଁ ଦୁଇ ନେତା ସେମାନଙ୍କର ପ୍ରତିବଦ୍ଧତାକୁ ଆହୁରି ଦୃଢ଼ କରିଥିଲେ ।
