ଲାଲ କିଲାରେ ପାଳିତ ହେଲା ଦେଶର ୭୯ ତମ ସ୍ୱାଧୀନତା ଦିବସ
ଦେଶର ୭୯ ତମ ସ୍ୱାଧୀନତା ଦିବସ ପାଳନ ପରିପ୍ରେକ୍ଷୀରେ ଦିଲ୍ଲୀର ଲାଲକିଲ୍ଲାରେ ପାଳିତ ହୋଇଛି ଜାତୀୟ ସ୍ତରର ସ୍ବାଧୀନତା ଦିବସ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀରେ ପତାକା ଉତ୍ତୋଳନ କରି ଦେଶବାସୀଙ୍କୁ ଉଦବୋଧନ ଦେଇଛନ୍ତି। ପ୍ରଧାନମନ୍ତ୍ରୀ ପତାକା ଉତ୍ତୋଳନ କରିବା ପରେ, ଭାରତୀୟ ବାୟୁସେନାର ଦୁଇଟି ଗସ-୧୭ ହେଲିକପ୍ଟରରୁ ଆକାଶ ମାର୍ଗରୁ ପୁଷ୍ପବୃଷ୍ଟି କରାଯାଇଥିଲା। ଗୋଟିଏ ହେଲିକପ୍ଟରରେ ଜାତୀୟ ପତାକା ଏବଂ ଅନ୍ୟଟିରେ ‘ଅପରେସନ୍ ସିନ୍ଦୂର’ର ପତାକା ଧରି ଆକାଶରେ ଉଡୁଥିବାର ଦେଖିବାକୁ ମିଳିଥିଲା। ଏହି ହେଲିକପ୍ଟରଗୁଡ଼ିକୁ ୱିଙ୍ଗ କମାଣ୍ଡର ବିନୟ ପୁନିଆ ଏବଂ ୱିଙ୍ଗ କମାଣ୍ଡର ଆଦିତ୍ୟ ଜୟସୱାଲ ଉଡ଼ାଇଥିଲେ।
ପ୍ରଧାନମନ୍ତ୍ରୀ ମୋଦୀଙ୍କୁ ଲାଲକିଲ୍ଲାରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ପ୍ରତିରକ୍ଷା ରାଷ୍ଟ୍ରମନ୍ତ୍ରୀ ସଞ୍ଜୟ ସେଠ ଏବଂ ତିନି ସେନାର ମୁଖ୍ୟ ସ୍ୱାଗତ କରିଥିଲେ। ତାଙ୍କୁ ୱିଙ୍ଗ କମାଣ୍ଡର ଅରୁଣ ନାଗରଙ୍କ ନେତୃତ୍ୱରେ ୧୨୮ ସଦସ୍ୟ ବିଶିଷ୍ଟ ଇଣ୍ଟର-ସର୍ଭିସେସ୍ ଗାର୍ଡ ଅଫ୍ ଅନର ଦିଆଯାଇଥିଲା। ଲାଲକିଲ୍ଲାରେ ପହଞ୍ଚିବା ପୂର୍ବରୁ ପ୍ରଧାନମନ୍ତ୍ରୀ ମୋଦି ରାଜଧାନୀ ଦିଲ୍ଲୀର ରାଜଘାଟ ଗସ୍ତ କରିଥିଲେ ଏବଂ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ। ଚଳିତ ବର୍ଷ ସ୍ୱାଧୀନତା ଦିବସର ବିଷୟବସ୍ତୁ ‘ନୂତନ ଭାରତ’ ରଖାଯାଇଛି, ଯାହା ୨୦୪୭ ସୁଦ୍ଧା ‘ବିକଶିତ ଭାରତ’ ଲକ୍ଷ୍ୟକୁ ପ୍ରତିପାଦିତ କରୁଛି। ଲାଲକିଲ୍ଲା ସମ୍ମୁଖରେ ଜ୍ଞାନପଥରେ, ସ୍ଥଳସେନା, ନୌସେନା ଏବଂ ବାୟୁସେନାର ୨,୫୦୦ କ୍ୟାଡେଟ୍ ଏବଂ ‘ମୋ ଭାରତ’ ସ୍ୱେଚ୍ଛାସେବକମାନେ ‘ନୂତନ ଭାରତ’ର ଲୋଗୋ ତିଆରି କରି ସ୍ୱତନ୍ତ୍ର ଆସନରବ୍ୟ ବସ୍ଥାକରାଯାଇଥିଲା|
୨୦୨୫ ସ୍ୱତନ୍ତ୍ର ଅଲିମ୍ପିକ୍ସରେ ଅଂଶଗ୍ରହଣକାରୀ ଭାରତୀୟ ଦଳ, ଅନ୍ତର୍ଜାତୀୟ କ୍ରୀଡା ବିଜେତା, ଖେଲୋ ଇଣ୍ଡିଆ ପାରା ଗେମ୍ସର ସ୍ୱର୍ଣ୍ଣ ପଦକ ବିଜେତା, ଜାତୀୟ ମହୁମାଛି ପାଳନ ଏବଂ ମହୁ ମିଶନ ଅଧୀନରେ ତାଲିମପ୍ରାପ୍ତ ଏବଂ ଆର୍ଥିକ ସହାୟତାପ୍ରାପ୍ତ ଶ୍ରେଷ୍ଠ ଚାଷୀ, କ୍ରେଡିଟ୍ ଗ୍ୟାରେଣ୍ଟି ଯୋଜନା ଅଧୀନରେ ଶ୍ରେଷ୍ଠ ବ୍ୟବସାୟୀ / ସମବାୟ, ଓଡିଏଫ ପ୍ଲସ୍ ଗ୍ରାମର ଶ୍ରେଷ୍ଠ ସରପଞ୍ଚ, ‘କ୍ୟାଚ୍ ଦି ରେନ୍ ଅଭିଯାନ’ର ସରପଞ୍ଚ, ପ୍ରଧାନମନ୍ତ୍ରୀ ଯୁବ ଯୋଜନାର ଶ୍ରେଷ୍ଠ ଯୁବ ଲେଖକ, ପ୍ରଧାନମନ୍ତ୍ରୀ-ସ୍ୱତନ୍ତ୍ର ତାଲିମ ଯୋଜନାର ପ୍ରତିଭାବାନ ଯୁବକ, ପ୍ରଧାନମନ୍ତ୍ରୀ ବନ ଧନ ଯୋଜନାର ଉଦ୍ୟୋଗୀ, ଅନୁସୂଚିତ ଜାତି / ଜନଜାତି ଉଦ୍ୟୋଗୀ, ପ୍ରଧାନମନ୍ତ୍ରୀ ଆବାସ ଯୋଜନା ଗ୍ରାମୀଣର ହିତାଧିକାରୀ ଏବଂ ଅନ୍ୟାନ୍ୟ ଅନ୍ତର୍ଭୁକ୍ତହୋଇଥିଲେ|
ସ୍ୱାଧୀନତା ଦିବସ ସନ୍ଧ୍ୟାରେ ପ୍ରଥମ ଥର ପାଇଁ, ସେନା, ନୌସେନା, ବାୟୁସେନା, ତଟରକ୍ଷୀ ବାହିନୀ, ଏନସିସି, ସିଆରପିଏଫ, ସିଆଇଏସଏଫ, ଏସଏସବି, ବିଏସଏଫ, ଆଇଡିଏସ, ଆରପିଏଫ ଏବଂ ଆସାମ ରାଇଫଲ୍ସର ବ୍ୟାଣ୍ଡ ଦେଶର ୧୪୦ ରୁ ଅଧିକ ପ୍ରମୁଖ ସ୍ଥାନରେ ଦେଶାତ୍ମବୋଧକ ଧ୍ୱନି ବଜାଇ ଅପରେସନ ସିନ୍ଦୂରର ବିଜୟ ପାଳନ କରିବେ। ପ୍ରଧାନମନ୍ତ୍ରୀଙ୍କ ଆହ୍ୱାନରେ, ‘ହର ଘର ତିରଙ୍ଗା’ ଅଭିଯାନ ସମଗ୍ର ଦେଶରେ ଦେଶପ୍ରେମର ଭାବନା ଜାଗ୍ରତ କରିଥିଲା |
